今年去親直資/私校Interview, 都好多強國人!

golfer504

如題. 今年去親私校Interview, 都遇上好多強國人! 感覺上,競爭大的原因是"雙非"的後遺症, 依家殺到埋身就更體會.
雖然,我所見識到的一群,是有比較修養及有經濟能力的 (憑觀察他們的談吐和舉止).先聲明, 我不是歧視他們強國人,但政府唔再做D野,除非依家搵到一條龍學校,否則,6年後升中, 12年後升大學,又係要同呢班強國人競爭過!

eyschoi

Yes, there are some but not that many as I have seen.

onaian

絕對認同，剛覆同細佬in哥哥間幼稚園一例，比率係2港人:8強國人！

evacalbee

回復 golfer504 的帖子

個人意見，其實而家有能力的强國人，d小朋友係好叻的。
有時學校有外國人小朋友又唔見得有人會話爭學位？係因為覺得學校可以提升到英語水平？咁其實多個普通話人都一樣係好事啫。
我公司响廣州都請好多强國人，佢地好多都好smart，又捱得，又勤力，呢班人似80年代的香港人。
好果方面諗，去得名校in的小朋友，家底學識都應該有番咁上下，我反而覺得佢地可以增加小朋友的競爭力，提高水平。
唔洗諗得咁灰，有能者居之，有能力不愁無出路。
你講果d麻麻地的强國人，咪可以等我小朋友唔洗包尾，等學校唔洗殺校，增加香港就業機會呀。
又講遠左添....

(不喜勿插... )

onepiece

我公司都有些不錯的強國人，有專門技術，我都不介意孩子和他們的孩子一同讀書。但問題是有些強國人是另一類，父母做生意，有錢，子女也可能好叻，但叻唔代表有品，有些小孩很無禮貌，極端的甚至會打人，感覺不是很舒服吧。

zzbchu

學校是會根據小朋友的level 去收。但同時會考慮佢地是否住在香港，好少雙非入到DSS n private school.

carolchow88

回復 zzbchu 的帖子

agree

sp3014

其實睇吓邊間啦，剛剛都覆了另一個post, 沙田培僑都好多，搭學校車上去時，周圍幾個都係講普通話。等接小朋友走聽校長吹水時，佢直情話有學生係高幹子弟，搞過去中南海國賓館食飯參觀添，有錢都未必去到

onepiece

子女同太子黨做同學喎，好多人都夢寐以求喇，不過就唔多介意孩子會染紅喇，哈哈（just kidding,請不要介意）。

kamosdad

你估染紅容易, 還是染白容易呢?

HelicopterDad

原帖由 ha8mo 於 12-10-08 發表
問題不只在有冇品，而係個數目可以多到淹死晒本地小朋友
學校一定要設限額，否則本地小朋友機會會低左好多
...

這是必然現實。當我地十幾廿年前began to enjoy 內地勁平既野既時候，就一定要知道有朝一日要payback. 我好耐以前已同大嗰個講喺globalization 下佢唔可以只睇香港自己，正如其他人會來香港，佢都要放眼內地同世界。淨係保護性睇自己一定唔夠人勁爭。

另外，你又有冇想下點解我地可以freely送自己既子女返大陸而人地唔可以reverse?

我地享受左一D unfair benefits太耐。自己同下一代已經逐漸失去competitiveness. 當有人有機會會takeover 我地既野就即刻想鎖關。咁樣香港只會淨返一D食上一代老本既人。這並不是香港之福。

我細嗰個今年都要同多左人競爭，但我知2007年有成8萬個香港BB出世，而2006 or before 就少好多。我地要blame人都要base on facts. 而唔好跟D政客咁base on perception only.

HelicopterDad

原帖由 ha8mo 於 12-10-08 發表
不要以為是什麼驚天動地的偉大事件
其實這只是很簡單的承受力問題

如果小朋友equip得好，有教養，有實力，就如裝備了好的絕緣體一樣，去到邊，幾多volt都唔怕。
註，這是一個比喻。唔好pinpoint同牛角尖入physics 層面，

HelicopterDad

這某情度上是的。我相信從來政府分區派位都係想students留在原區上堂。佢estimated wrongly or even never estimated就要補wok。

但香港信奉的是香港出世就是香港人。

你覺得唔對咩？咁時光倒流到97前我地點回應D"鬼佬"鬧我地炒貴哂Canada/ US/ Australia/ New Zealand D樓同occupy 哂D好學校既位....

Charlotte_mom

無錯, 競爭力係一個問題, 但亦要關注下本地學童, 叻唔叻都要讀書架, 就好似世界各地大學, 都一定係本地一條隊, 外來一條隊, 就係要make sure本地學生有一定既"privilege"可以有一定機會入大學
如果由得外來生澭入, 只會做成惡性循環, 人地勁咩, 本地生又操勁d, 可憐果d只係幾歲小朋友, 有人有錢鐘意送子女出國, 係佢選擇, 私校鐘意點收生我地管唔著, 但直資有用納稅人既錢啊, 政府係咪應該保障返本地學生權益呢? 唔係人人都會選擇去外國讀呀

evacalbee

Charlotte_mom 發表於 12-10-8 17:05
無錯, 競爭力係一個問題, 但亦要關注下本地學童, 叻唔叻都要讀書架, 就好似世界各地大學, 都一定係本地一條 ...

『 就好似世界各地大學, 都一定係本地一條隊, 外來一條隊』外來係指移左民過去的人定係外地人投考的人?
外國人都會視本土出世的人為外地人嘛?

MCLIAN

evacalbee 發表於 12-10-8 08:48
回復 golfer504 的帖子

個人意見，其實而家有能力的强國人，d小朋友係好叻的。

Good and positive thinking!