用戶登入
用戶名稱:
密      碼:
搜索
教育王國 討論區 初中教育 點解亞仔仍然「死性不改」!
查看: 4961|回覆: 43
go

點解亞仔仍然「死性不改」!

Rank: 3Rank: 3


335
發表於 12-10-3 23:00 |顯示全部帖子
亞仔今年12歳啦!由細到大都是一個讀書被動的小朋友,加上家中有婆婆同工人照顧,個個都錫佢,令他養成少爺皮氣,時常因很少的事亂發皮氣,吵吵鬧鬧;小學6年級前都尚算是一個合作的人,但6年級第一學期開始反叛,不聽話、勁發皮氣、抗拒不做功課不溫習等等。
好辛苦捱完6年級,派位結果當然不理想,幾經辛苦扣到一間band2尾(功課較少)中學入讀,希望他讀得開心。
不經不覺已返了一個月啦!眼見個個媽咪都話仔仔女女都變好左,但我見自己個仔仍然不願意做功課、溫習,唔叫唔做,叫就免強去做或是hea住做、態度又差,問多句都話煩。過去一年每天都好難過,渡日如年,滿意為解決升中問題會好些,但原來並不是如我所願, 真係心灰意冷!



Rank: 6Rank: 6


7022
發表於 12-10-3 23:35 |顯示全部帖子
我知唔岩聽/風涼話都要講句:  種前因,得後果

香港太多唔係父母湊既細路,就算父母其中一個做衰人都冇個細路符,因家中有其他人救佢.自然唔會聽你講.

6歲前解決唔到呢個問題, 之後就好難去更正, 我估宜家只有盡可能慢慢黎,慢慢建立返母子關係-------------投其所好,最緊要有計傾先, 再遲D 慢慢增加講道理既次數, 初時可能一個月先可能提下一次: 你係咪好多功課呀? 辛唔辛苦呀? 老師會唔會好惡GA, 罰個D唔交功課既同學? 如果你冇交功課被罰留堂咪好慘!


慢慢佢會FEEL到你想講咩, 等佢開腦, 去諗下咩係岩咩係錯。



最後都係個句, 呢D小朋友要用梗加多既時間& 心去同佢地溝通。

點評

Yanamami  係事實.  發表於 12-10-4 09:56

Rank: 6Rank: 6


7529
發表於 12-10-4 08:00 |顯示全部帖子

回覆:maymay_1 的帖子

我好明白你的感受!

阿仔小一開始都係不能自動自覺完成功課、一路參加課餘託管班;但有時三個鐘都做唔晒,回家同樣勞氣;個個星期六曰捉住佢溫默書、溫測驗、考試請假同佢溫書,這六年,總算捱完啦!(係我)

升上中一,不可再參加託管班啦!
去補習班又貴又唔想,因只是做功課而已,
阿仔又不願,結果過去一個月,又罵又打,
正如你所講渡日如年,好痛苦!

嬲阿仔點解在家唔可以專心做功課、
做一會走去搞自己的玩偶,我地兩公婆講咩,佢又要八卦,做一下A功課又走去做B功課。但佢係怕欠交的,佢會唔訓覺都會做晒的。今日測中史,放假唔溫,唔合格我要佢補習。

中一,真的要放手了,不明白佢手冊寫咩,做咩功課、根本係無得跟。



Rank: 5Rank: 5


1528
發表於 12-10-4 09:41 |顯示全部帖子
我個仔同hw1115,maymay_1 個仔一樣, 死性不改, 我原全唔知佢在校做什麼, 測驗成縯又差, 昨天成六點幾才回家, 在校無野做.佢話要等同學一齊走,回家就打機晚上叫佢讀書,就話眼訓.,去訓就睇漫畫,激死人.
"不經不覺已返了一個月啦!眼見個個媽咪都話仔仔女女都變好左,但我見自己個仔仍然不願意做功課、溫習,唔叫唔做,叫就免強去做或是hea住做、態度又差,問多句都話煩。過去一年每天都好難過,渡日如年,滿意為解決升中問題會好些,但原來並不是如我所願, 真係心灰意冷!"--我十分有同感.

Rank: 5Rank: 5


3588
發表於 12-10-4 09:51 |顯示全部帖子
而家這一代太親子了, 子女有時得寸進尺, 反叛兼無禮(有時只是對家人, 對朋友同學老師是另一個樣), 我有兩個仔, 各有性格, 但共通點都是不專心自律, 唔督促就hea, 我都由幼稚園開始"捱"到而家, 雖已慢慢有改善 (真係好慢) 發現初中雖話要放手, 仍要跟吓, 所以仍然"捱"緊, 我看long-term一些, 希望佢哋升讀大學時在做人處事+自理方面可達標.

管教孩子, 錯過了小學階段, 到中學才開始是困難少少, 但為時未晚, 俾心機俾時間用中學這六年教好孩子及攪好與子女的溝通, 之後先有好日子過; 否則, 當佢長大出來做事, 不單管不了, 還可能要成世為佢擔心操心呢.

各位阿仔媽媽, 共勉之!

Rank: 7Rank: 7Rank: 7


10042
發表於 12-10-4 10:05 |顯示全部帖子
朋友的比你更差,唔做功課,有做的都是抄同學,手冊永遠是空白的,要放學留校做完功課,成績就...小朋友大個了,小學個套不適用,要多尊重及空間給佢,看一看是否有所改善.

Rank: 5Rank: 5


3588
發表於 12-10-4 10:07 |顯示全部帖子
回復 maymay_1 的帖子

唔好灰心, 你的同路人為數不少.

我個仔由始至終都是正經事(功課/温習/練琴/收拾書包等等)唔叫唔做 或 hea到唔hea咁做, 而其他事 e.g. 玩模型/玩手機/攪漫畫....就唔洗叫都識做, 重做得好快.

我講多兩句, 佢就嫌煩及態度差, 今早我先俾細仔激親, 不過知佢性格, 我嚴正鬧咗佢兩句就收口了, 鬧得多反而佢會更加攪對抗, 事倍功半.

而家這一代的孩子各有性格, 唔係單是鬧或哦就可以, 要先投其所好, 有時要安撫佢, then你講的說話才可入耳; 但有時又要惡D嚴D, 要俾佢知你的立場和底線............總之唔易做啦!  但始終是自己個仔, 幾煩幾耐我們做阿媽都要繼續諗計, 教好佢.

加油呀!

Rank: 6Rank: 6


7529
發表於 12-10-4 10:20 |顯示全部帖子

回覆:142526 的帖子

本帖最後由 hw1115 於 12-10-4 10:30 編輯

好彩有EK比我地呻啫!

証明唔係個個人都報喜不報憂架!

如果把仔女的種種問題抒發出來;不但可以令媽咪得到短暫的情緒抒緩,又可以作為其他家長的借鏡,警惕,可樂而不爲?



Rank: 5Rank: 5


3588
發表於 12-10-4 10:27 |顯示全部帖子
回復 hw1115 的帖子

Yes, 在EK呻完, 回家以沒咁angry的心情去面對"現實".

話時話, 近幾年我已開始接受咗阿仔係這類人 (沒記性, 不自律, 雜亂無章), 也接受世界上完來是有這種人, 這種性格, 所以沒有咁frustrated, 在提點佢哋之餘也多咗一些包容.

點評

like_travel  same here ;(  發表於 12-10-4 19:36
like_travel  x 1000  發表於 12-10-4 19:35

Rank: 6Rank: 6


7529
發表於 12-10-4 10:28 |顯示全部帖子
Meikin 發表於 12-10-4 10:07
回復 maymay_1 的帖子

唔好灰心, 你的同路人為數不少.

始終是自己個仔, 幾煩幾耐我們做阿媽都要繼續諗計, 教好佢.

Yes, you are right.
Add oil together.


Rank: 5Rank: 5


1971
發表於 12-10-4 11:07 |顯示全部帖子
每個家長都各有各的問題要煩. 加油呀!

Rank: 5Rank: 5


3127
發表於 12-10-4 11:39 |顯示全部帖子
maymay_1 發表於 12-10-3 23:00
亞仔今年12歳啦!由細到大都是一個讀書被動的小朋友,加上家中有婆婆同工人照顧,個個都錫佢,令他養成少爺 ...

我同樓主你一樣,個囝一直都令我好勞氣,因為小學時期成日比老師投訴,
見家長/記缺點都試過,但讀書/做功課方面就無問題,成績好但操行差係佢指標,
令到各老師對他又愛又恨,其實有幾多個小朋友係唔需要家長勞氣??
教咗咁多年現在囝升讀中二操行比從前好了不小,可能開始成熟,
各位家長比心機教,你們一直苦心教小朋友的佢哋係會入腦同明白,
只係未夠成熟自我控制,要家長多加提點,最緊要同小朋友關係好,咁就好傾好多..

Rank: 6Rank: 6


7529
發表於 12-10-4 12:13 |顯示全部帖子
kilykilyk 發表於 12-10-4 11:39
我同樓主你一樣,個囝一直都令我好勞氣,因為小學時期成日比老師投訴,
見家長/記缺點都試過,但讀書/做功課方 ...

我鄧您開心呀!
中二已開 hill 啦!

Rank: 5Rank: 5


1528
發表於 12-10-4 13:24 |顯示全部帖子
我老公話:兒女債喎!盡力做好去.個仔雖然勞氣,但亦為我地帶來歡樂,我需然好勞氣,但我無放棄.各位姊妹繼續努力.

點評

hw1115    發表於 12-10-4 16:49

Rank: 3Rank: 3


335
發表於 12-10-4 19:40 |顯示全部帖子

回覆:142526 的帖子

謝謝各位的意見及分享!
我是新丁一名 , 請各位多指教。
昨天被亞仔氣得抖不到氣,現在看了妳們的分享真係舒服了好多。
其實,我真的好攰好攰,心力交瘁!更覺得自己是一個失敗的媽咪,自意為好錫個仔,由細到大也為亞仔的日常事務安排,令他成為一個無自信、倚賴的人;令自己壓力越來越大,亞仔又唔開心,尤其是半年前(升中段階),他愛理不理的樣子,逃避上學唔做功課,現在諗起仍好深刻,當時,我每天只有擔心、痛心,好無助,無人幫到我,包括老公(因我同佢的諗法完全兩極,每次講到亞仔問題,他只會埋怨我,話我太種亞仔),我唯有不停係咁哭,每晚都睡不著,重要見心理醫生,真係lei 一世都唔會忘記此段日子!
怨還怨、呻還呻,學大家話lei個始終係自己個仔,我真可以不理他嗎?只希望,他快d開hill,明白自己應該做d mug。
各位家長 ~ 共勉之!



Rank: 5Rank: 5


3127
發表於 12-10-4 20:35 |顯示全部帖子
本帖最後由 kilykilyk 於 12-10-4 20:41 編輯
hw1115 發表於 12-10-4 12:13
我鄧您開心呀!
中二已開 hill 啦!

囝仲有進步空間,大家一起努力

Rank: 6Rank: 6


7529
發表於 12-10-4 22:22 |顯示全部帖子
maymay_1 發表於 12-10-4 19:40
謝謝各位的意見及分享!
我是新丁一名 , 請各位多指教。
昨天被亞仔氣得抖不到氣,現在看了妳們的分享真係舒 ...
當時,我每天只有擔心、痛心,好無助,無人幫到我,包括老公(因我同佢的諗法完全兩極,每次講到亞仔問題,他只會埋怨我,話我太種亞仔), >>>>>>>>>>>>>>> 完全同我C6一樣, 我有時覺得佢可有可無添。

Rank: 6Rank: 6


5315
發表於 12-10-4 22:56 |顯示全部帖子
我同樓主個case有90%似.  我仔今年repeat F.1.

唔同既係, 我仔比較"好彩". 佢讀一條龍直資, 可以避過派位嗰一關而上返自己中學(都係Band 1). 如果唔係直上, 佢已經去左Band 3學校.

上左F.1, 佢好似成個人變左咁. 成日發脾氣, 唔鐘意我"娥"佢, 但係佢又唔做功課, 同小學一樣, 踢一踢郁一郁, 有時甚至唔郁. 中學唔係樣樣寫手冊, 佢索性唔寫, 功課唔一定做, 做左唔一定交, 更加唔準時交. 扣下又扣下, D分扣到留堂N次. 口頭上話知錯, 其實又依然故我.

搵左社工, 其實幫唔到幾多. 可能我仔個case比其他同學一D都唔"嚴重". 我日日同佢開火, 見到佢後面已經開聲閙, 有時甚至會特登遲D返屋企減少同佢開火既時間. 佢去左camp, 其實我精神上relax左好多好多.

我自己覺得呢個唔係辦法. 再咁落去, 佢唔癲係我癲.  老公唔太support我, 只係用強權, 個仔就更加反叛唔聽佢講!

有時社工同我傾開, 我感覺係我要counselling多過個仔要counselling. 我求左成年, 要求社工refer我仔個case比Edu psy. 終於到學期尾佢先應承.

臨到final exam, 我同呀仔講佢會"凶多吉少", 好大機會要repeat. 儘管我幾努力幾勞氣, 佢都係拉牛上樹式溫習. 我甚至可以話, 我比佢對佢textbook內容更熟.

見左Edu psy, 佢懷疑呀仔有專注力問題, 叫我暑假同佢去做評估. 我真係用左私己錢去同佢睇C家做assessment (其間當然比老公潑我冷水)....

Result出左, 佢既專注力其實係marginal case, clin psy話, 就係我個仔呢種case最容易比人誤會佢心散態度唔好. 其實我都唔知佢問題係出於專注力定態度問題. 但anyway, 我行出呢一步, 再帶佢見醫生開藥, 醫生好好, 同我講佢既問題, 話而家覺得問題"嚴重"左係因為佢已經進入青少年期, 再唔處理好會成為conduct disorder (犯法/學壞).

食左藥, 加上留級, 佢開始有少少改變, 佢似乎"知死", 開始緊張自己功課. So far開學一個月, 除左情緒暴躁D之外, 功課上未有欠交欠帶. 又可能我同佢都見左醫生, 大家開始要喺學業問題上協商一下, 我比多D自由佢當係獎勵 (eg. 可以放學後留喺學校踢波 / 較長上網時間 / 額外零用), 條件係佢要做到我要求既野 (一星期冇欠野 / quiz, test要有B以上 / 唔可以對父母發脾氣etc).

就呢一個月黎講, 我同佢既關係開始有改善, 大家就算有argument, 會叫老公做中間人協商, 有時佢未必做到我100%要求, 只要有70%以上, 我都會酌情比D allowance佢. 佢亦主動同我報告學校既野. 最重要係, 以前佢一日起碼一大話, 而家大話已經消失左90%.

我想講, 我覺得男仔好多時係要有"親身經歷"佢至會知死識得乖. 喺青少年期, 最重要係同佢保持好既關係, 但係要同佢"約法三章"定規則. 佢守唔到就要"願賭服輸"而父母就要"企硬"執行, 令佢明白你地係賞罰分明既.

另一方面, 搵下學校社工傾傾, 要轉一轉parenting方法. 如果有需要, 可能好似我咁要同個仔做assessment睇下佢有冇其他問題.

大家努力吧!

點評

aa06  你的仔仔晚上睡得好嗎,睡得夠嗎,如果不夠睡,亦會引致脾氣暴躁,專注力不足,食藥只可治標,建議如太夜睡,放學回家後可小睡一陣.  發表於 12-10-5 09:30

Rank: 6Rank: 6


7529
發表於 12-10-4 23:13 |顯示全部帖子

回覆:Teresa 的帖子

阿仔一定唔係有咩問題,(因三年級做了評估,)佢話佢都唔知爲什麽會唔想做功課。

其實我估佢係覺得悶囉。



Rank: 5Rank: 5


1203
發表於 12-10-5 09:02 |顯示全部帖子
家長為自己仔女煩惱, 因為我地想教好佢地, 有想教好仔女既父母, 我相信小朋友始終會明白, 而家可能未明, 唔代表之後, 人一定會長大, 唔好咁唔開心, 加油!