請問有冇人已經收到2013-14小一offer呢？

stchu119

我囡囡讀救世軍, 我地9/22 interview, 昨天收到 offer 啦

SoochowSee

昨晚收到信得咗，囡囡讀觀塘嘅幼稚園！

lilyxiahk

我昨日都收到錄取信, 15/10,16/10交留位費. 開心

joeichan113

啱啱交左留位費

Amy2002

我朋友收到信,唔取錄呀!連waiting都無.

vp071229

剛剛聽到朋友話聖母有第2輪招生咁收到waiting list letter既小朋友如果有位剩點解唔係優先考慮既咩？呢間學校咁怪既！

EHKKW

我之前打電話問過，只收—輪招生，你朋友有無聽錯呀！

LuckyYiu0517

回覆vp071229 貼子,聖母在一開始出的招生通告上已說了會有第2 Round面試的啦!各位可以查返當時的通告,所以不用奇怪.
在我是10月6號交了留位費,亞女在油塘讀幼稚園.

LuckyYiu0517

仲有,我是15/9 in 的

yan1017

有第二輪招生，咁後備生點解唔直接寫不取錄呢。呢件事我都有同老公朋友講，雖然之前已經有講過話會招生第二輪，但老實講真係唔係好公平，ps.唔係因為我個女係後備生我先咁講！！因為我地只係同第一輪學生比較，但而家我地後備生又要去同第二輪招生去比較。咁我地後備生收既機會真係好微，那不如一早講不取錄。當然我都好恭喜各位家長已被取錄！（以上只係我個人意見，不喜匆插）

vp071229

各位收到waiting list信既媽媽唔駛灰心啦！！
我岩岩返屋企開信箱收到聖母小學既來信，阿女已被錄取，下個星期六之前可以去交留位費confirm學位，但我已經有音小offer，好唔好再confirm埋呢間呢？學費平一半wor，又係一條龍學校，好頭痛！！

EHKKW

音小學費真係好貴！

onepiece

原帖由 vp071229 於 12-10-13 發表
各位收到waiting list信既媽媽唔駛灰心啦！！
我岩岩返屋企開信箱收到聖母小學既來信，阿女已被錄取，下個 ...

音小和聖母是很不同類的小學，音小也有音中做一條龍，最好都是先考慮女兒適合那間才交錢，因為如果你間間都交，那麼是不是過兩星期，真光話收你又交，再過兩星期，宣小話收你又交呢?
況且，你都做過waiting list, 試試體會沒有offer的人的著急，如果唔係聖母那種type, 最好都是早點讓個位給有需要的孩子吧.

vp071229

頭先問過阿女佢話兩間小學佢都喜歡。所以真係好難揀，我覺得音小同聖母最大既分別係音小係英小，聖母係中小，compare 完應該係音小岩阿女多啲,因為佢中文好差，唔多肯睇中文書但英文書就好鐘意。唉！不過我老公唔認同我呢點，佢覺得阿女英文0K更加要去中文學校補返個底學好返啲中文，究竟咁樣岩唔岩呢？頭都大埋！

onepiece

我覺得音小著重音樂及全人發展，而聖母是品格及學術培育，類型很不同，況且如果妳覺得中小英小是考慮重點，妳首先要確保他日妳不會因選了中小而後悔，如果妳還是覺得五十五十，反正音小已交了錢，不如以音小為低線，再等其他妳覺得更好的吧，我估妳後面還有私小等消息，以及其他官津妳會考慮吧，無謂花了金錢又佔多了學位訝.

tabomini

我女本來都是waiting但現剛剛都收到offer

onepiece

原帖由 tabomini 於 12-10-14 發表
我女本來都是waiting但現剛剛都收到offer

恭喜晒

tabomini

想問問各位，小六是否有九十幾%升到聖母書院?是英中嗎?

yan1017

琴日我都收到呀。

joannespapa

原帖由 yan1017 於 12-10-13 發表
有第二輪招生，咁後備生點解唔直接寫不取錄呢。呢件事我都有同老公朋友講，雖然之前已經有講過話會招生第二 ...

有後備生已收到offer，估計是校方視乎有多少正取生沒有交留位費而把位置放出，第二輪收生則是要看第一輪正取和後備都交了留位費後還剩下多少位。