去補習社接囝囡放學發生一件我本人覺得touching的事

qop

每到星期五，我囡囡都會打比我，想我去接佢放學，基本上不用開OT，我同老公都會趕去接囝囝囡囡，然後出街食晚飯。趕到去補習社門外，已經聽到亞Sir係度獅子吼，基本上我都係第一次聽好大聲。
內容大約係咁：
你知唔知你媽媽好辛苦咖，又要返工又要照顧你，又要周圍轉補習社，間間都怕咗你唔收，其實你媽媽都只係想你係呢度完成當天的功課啫，都無咩要求啦！點解你唔可以快快趣趣正正常常去完成咗佢，黙完書然後回家囉！成個屋苑都無咩邊幾間你未去過啦！不如你比媽媽休息1個月，正正常常咁過咗佢，當比媽媽放一個大假好唔好。
之後我八卦走去房門外望一望，噢！完來係XXX的囝囝，我本身係識佢媽媽，老實佢個囝囝真係出哂名，其實佢媽媽基本上好似放棄咗佢咁，因為真係耐佢唔河，遇見媽媽都feel到佢唔多開心，有時佢媽媽都會訴下苦，六年班仲係咁真係唔知第二時點上中學。

咁罵完亞Sir就出嚟飲水，咁我多口八下，完來佢問咗好耐先比位佢，咁亞Sir話盡下人士，睇下能唔能改變到佢，但佢嚟到成餅泥咁，Miss直頭耐佢唔可，為有我出馬。
跟據媽媽所講，基本上間間都係唔理佢，完成好未完成都好仲知夠鐘就趕佢走。

咁我接走囝囡後就出街食飯，途中我老公彈咗一句，其實今時今日佢都幾有heart。
之後食飯時，囡囡都問咗我同一個問題，佢細細聲話每當哥哥欠交練習比Miss，其實亞Sir都有細細聲係佢地耳邊講，爸爸媽媽工作好辛苦咖，如果你地連基本讀書功課都做唔好，佢地會因為擔心而交唔到功課比老闆，咁老闆就會好似Miss罰你地咁罰爸爸媽媽咖喇！所以做好功課默好書就係給爸爸媽媽的一個假期。囡囡問假期係唔係即係休息咁解，當時我老公笑了。

QOOGIRLZOE

搵到一個禁有心又顧家長感受既導師真的有幸呀！真的抵讚！

花仔媽咪

真的，要找一間有愛心的補習社真的好難，五年來，亞仔轉左好多間，真係由太子到官塘都補過！一係太多人、一係老師惡到無理由、一係比晒答案、一係老師成曰教錯野、再唔係啲一齊上課嘅學生講粗口！！不過轉呀轉終於都搵到間好嘅補習社，佢地d老師成日都苦口婆心咁對我個仔，所以我個仔愛成佢地。加上d一齊上嘅同學仔又好乖，搞到亞仔都乖左，even佢地搬，我都死跟！真係好補習社難求！所以大家唔好放棄，總找到一間有愛心的補習社！

eyan

我試過一間已經怕怕，做完又係要自己同佢跟過晒，大部份都錯，抄寫都錯，所以我都怕左補習社，吾敢再試第二間

qop

eyan 發表於 12-9-24 00:39
我試過一間已經怕怕，做完又係要自己同佢跟過晒，大部份都錯，抄寫都錯，所以我都怕左補習社，吾敢再試第二 ...

真係好難搵，我大大話話都轉轉咗5間，卒之有一間可以比我休息下，而且爸爸小有地會同佢地閒談。

rchchan0505

我覺得啊Sir 即使真係有heart, 但佢跟本無好方法，這樣很難有好效果！為父母而讀書（生活）不是培養自發力的好方法！

GreenLam

真係買少見少了

Charlotte_mom

哎, 做父母既都放棄, 老師對佢1,2個鐘可以改變到D咩丫! 仲肯花心機哦佢已經好好喇

Auathena

真係幾有heart的補習老師！

esmehouse

Catherine106

真正用心教小朋友的補習社好難遇到。

HaYi

有時一D小朋友不是普通的不聽話, 如果好大個都係如此, 應有其它問題...  難為個阿Sir 仲有心機同佢講道理, 無論用咩理由 (搬個家長出來) , 肯出句聲都好好 !