有教無類

himhim_helen

何謂「有教無類」，在現今的教育制度下，我這個媽媽也攪不清楚了！
最近正在小一選校。第一階段對於獨生子女、無宗教信仰、與學校無任何關係的學生來說，可謂作用不大。不過，我根本不明白這個計分制度和教育一個小朋友有何關係？！
直資、私校、叩門全都要profile ，當中包括小朋友的學習成績、參加過的活動及比賽(當然要有獎項 )。面試方面就看看小朋友是否已董得雙語溝通、是否在分組遊與一群不相識的小朋友合作、看看小朋友是否乖巧！小朋友進學校，不是就要學習知識，學習待人接物，學習規則的嗎？為什麼未入學已要求他們十項全能呢？
「有教無類」是不論學生聰明或平庸都與以施教，但現今的教育制度已經一早斷定只教或增取只教那些社會上既定的所謂尖子學生。無奈！

TRINIRY.C

同意, 同意, 但現實就係咁,

qop

我明白你所説的
但這裡時香港，現實永遠都係咁
有得選個個都想選個易教的，我老公話劑，自己生出嚟係佢選擇咗我地，無論佢係點我們都要面對同接受。
當初我都同你想法一樣，但當我試過真的怕怕了，話説我對囝囝小一時，我老公希望我全職照顧囝囝，所以我退掉工作專心教囝囝，為了幫補下家計，都會幫樓上樓下照顧啲小朋友，由於囝囝小一當時都不太擔心功課，所以一接就2個小朋友，連囝囝我就每天要照顧3個小朋友，飲食都唔係問題，功課就真係大件事，果兩個小朋友好難教，最後影響了我的小朋友，係咁情況下不得不放棄佢地唯有推掉，開頭我都以為個別問題，之後我老公的同事又係同一屋苑，又給我托管，好啦大家都幾老友，但又係發現同一問題，惡教到不得了，但今次唔好意思推，一直頂到小二，最終我發現一間唔太好的學校，永遠都係多呢類學生，而且對功課時，妳會發覺老師都係特別求其教。
一開始接我都的心態係無類，但經過了就係累死了，再加上對方家長會覺得係我問題。
現實就係有得選，一定選到盡。
不過世事無絶對，＜＜鮮魚欄〉〉係一個好例子，但問心你會唔會給妳的孩子到鮮魚欄返學。

longlokma

講得好好現實就是現實，我們總要面對，適者生存.....無奈，但要接受。

Charlotte_mom

係，現實就係咁，我小朋友係讀愉快學習小學的，我都同家長講，吾好以為愉快幼稚園就順理成章入愉快學習小學，真係錯晒，吾練跑點會贏？今年2500人爭120個位，吾通校長揀人，真係揀邊個笑得最開心咩

yipcharie

現實歸現實，唔睇成績/獎項 又點分級別！
我作為媽媽只可以唔好給她們太大壓力

k_lego

在希望學校有教無類既同時,
換個角度來看, 是否自己已首先標籤了某些學校呢?
人簡你 你簡人..

ANChan59

回復 k_lego 的帖子

學校收我個仔就是有教無類，不然就.......
你一針見血。

lydia.S

現在的教育制度真是會令家長很辛苦，好彩我個小朋友讀的小學，不是太大壓力，老師都幾好，學校不是名校，但對於一些需要幫助的學生，學校都作出一些安排。有時，我覺得學校出名，你的仔女入了去，不一定可以對孩子來說是好，都要看看孩子的能力，如果孩子的能力強，無論那一間小學都會讀得好，如果所讀的小學的老師是循循善誘的，孩子的未來就更光明。

himhim_helen

本人開這個post都只不過是對現行的小一選校制度有感而發，並非那種人地收我就有教無類，不收我就是不對的那種心態。如果有其他人用這樣的想法去猜度別人，原因很簡單，他們也是有住這樣的想法！
這樣的惡意批評已經失去了討論區發表意見的意義，其他各位有發表過感受的網友，本人告辭了，留待大家再繼續討論吧！

k_lego

ANChan59 發表於 12-9-15 22:57
回復 k_lego 的帖子

學校收我個仔就是有教無類，不然就.......

唔知樓主係咪話緊我地惡意批評

ANChan59

k_lego 發表於 12-9-16 19:57
唔知樓主係咪話緊我地惡意批評

出完一個帖就唔見人，返黎有錯覺唔出奇。
我唔覺批評他，如果對號入座，都無辦法。