細仔變大仔後，有冇後悔？

Ksyy1018

atirw 發表於 12-9-12 23:20
我呀仔12月細b,學習上真係無問題，上年k2品學兼優，今年k3開學一頁中文一頁英文字功課都無問題，數學k2下減 ...

所以話者, 有能力嘅細仔都諗住做大仔, 我個細仔依家22個月都只係識講幾個單字, 咪更加要做大仔囉。我都唔係想入名校, 只是宜家競爭大, 唔想夾梗上, 只係怕到時升小時功課多, 壓力大, 佢做得辛苦時我地都辛苦。到時仲後悔。

iris5a

feiji 發表於 12-9-12 14:06
One more point.  A primary teacher told me that after teaching for some more years, she thinks that  ...

no more agree!

littlenstar

9月出世最尷尬，repeat就係超大仔。點睇？

hagupit

我覺得真係睇小朋友能力, 有個舊同事個女repeat k1讀協恩幼稚園, 成家好開心入到, 到小一升唔到協小, 去左另一間小學讀, 小學開始成績差, 而家小五, 同事都後悔repeat一年, 覺得浪費左!

lamlamming

回復 evacalbee 的帖子

點樣測到佢係資優??

yuffieyip

我覺得對響香港搵學校既做大b係好, 但對小朋友黎講都係正正常常咁升班好啦, 做大b家長可以選自己心儀既學校, 機會大d, 但小朋友如果跟得上又要repeat好似浪費左1年, 仲要做左全班最大, 身邊個個都細1年, 小朋友學野最快就係跟其他小朋友一齊學, 跟哥哥姐姐一齊學點都學野多d既, 對考學校就緊係大d好, 但對小朋友自身能力應該係做細b好啦~

ncls

Ksyy1018 發表於 12-9-12 18:21
睇曬樓上嘅posts,其實我都面對緊同一樣嘅問題, 我覺得真係要好睇小朋友本身嘅能力,當然如果係醒嘅, 就唔駛 ...

agree~~~~~~~~~~~~~~~~

ncls

我囝係2009年12月B,上年in k1時剩係識說簡單字,報左間ok d既kg都無收,只係間麻麻地既kg收左. 我覺得小朋友係聰明的,但我地兩公婆返工,囝比婆婆湊星期5晚才湊回來,無時間train.
所以今年8月至入n1,做大仔,希望他快樂又自信.始終好多野男童比女童慢. 同埋競爭太大,有時連interview既機會都無...寧願做大仔多些選擇

n1都要爭...住西營盤區,都要去到中環堅道返n1,坐校車,死未?

bbforever

各安天命，細B唔係個個都差，但係做超大B，我見通常都sharp醒啲，個人見聞

yybee

其實最重要睇小朋友本身，我仔因為兩歲多先説話，所以只可揀做大仔，但細囡一歲開始説話，我會俾佢做細囡，希望有學校收。我朋友個囡十二月岀世，都係做細女，自己考左入聖士提反，另外有朋友個仔8月岀世上年讀緊 k1，今年學校都要求佢重讀，覺得佢程度唔女，所以應視乎孩子能力而選擇

Ksyy1018

回復 yybee 的帖子

贊成！

1511

要視乎你考什麼學校，龍校如真光，培正，跟本就不收十一、二月的細b，要讀便要等多年。超大b在這些學校讀，不用後悔啊

luilui007

如果小孩真的跟不上，便repeat k班囉，但而家十個有九個家長，都希望做大仔大女，比人叻，家長暗自歡喜!
不幸，小孩他日上到小學跟不上，真不知點好，浪費了一年光陰滿足自己的虛榮心。
也可以似我朋友，在某女校之一條龍名校讀小一，之後轉左去黃竹坑一名男女校讀小一，此重讀比幼稚園重讀有價值得多

feiji

Littlenstar,

九月出世嘅仔仔，做大仔都無問題㗎。做媽媽的，一定是最了解自己的孩子，如果覺得他做大仔會好啲，亦不需要理會太多其他人的意見。基本上年尾出世的孩子入學，不是細過平均年齡約半年，就是大過平均年齡半年。如果他自小語言、體能、小肌肉、數學概念、記憶力及社交各項都上佳，做細仔都可能無問題。我覺得如果只是以上其中一些項目叻，都可以考慮做大仔呀。大人和小孩都可以輕鬆些渡過頭十多年，細胞都死少啲。至於話做咗大仔如果大個都要repeat咁又點，我覺得呢個可能真係每個人資質嘅問題，如果係咁，更加唔需要後悔當初選擇俾佢做大仔啦。

BillyM

和幼稚園老師談, 他們大多認為做大做細無一定標準, 視乎小朋友表現. 但如果問小學老師校長, 我得到的答案都是 "讀書幾時都係做大好", 頂多後面補多句 "不過有時都要睇小朋友".

要小朋友由細都處於落後追巴士的狀態, 肯定不是最理想的模式, 其實, 我真係唔明點解咁在意 "無得做細"? 有人話會因大別人幾個月而自卑, 老實說, 我讀書生涯內, 會自卑的就是追不上那一批, 我大你幾個月但乜都叻過你, 何來自卑?

Popo^^

我呀仔係11月尾，我冇俾佢一到兩歲就插班讀N班，個人不認同早入學一定好，始終2歲我覚得應該仲係父母一對一之教養期。到報名年度我就兩邊報，即N做大，K1做細，諗住視乎邊間學校收咩再選擇，但我都係prefer一開始讀N, 唔repeat! 結果現讀LH, 讀N做大，因他們只收到8月，所以最細個個都唔算差太遠，而我一點都冇後悔俾佢做大，始終各方面都會得心應手d.

evacalbee

回復 BillyM 的帖子

我覺得要追上去對小朋友成長好d。好似龜兔賽跑咁，大仔長期以為自己比人叻，就會無咁努力。父母亦然，幼稚園比人叻，就覺得好滿足，到高小大細仔一般就會平衡。
不過當然repeat咗唔洗話後唔後悔嘅，到中學，甚至出尼做野，大細都無人知。

man_0702

絕對認同，我仔仔11月尾出世，今年兩邊報，N同K都有報，小朋友遲入學無咩問題，反而利多於弊。大家加油。

rabbypiggy

有無可能repeat P1? DSS 或
名小會點睇?

jojodic

原帖由 AdrianChowB 於 12-09-12 發表
我兩個小朋友都吾係細仔，但如果係我，而又有學校收做細仔，我吾會repeat !

我地細個讀書，同班都有十一、 ...

我自己都係十一月同學仔，但班裡全部十一，十二月同學仔都係大B，跟據媽咪話我個年係唔俾做＂細B＂，政府執得好嚴，之後變化就唔知了