一齊傾下91校網 沙田區

PTMCYS

回復 caroltsui 的帖子

我的小朋友今年入了朱小, 我係大抽獎, 朱小, 梁小, 田小排......

因為我家姐有朋友的女兒在朱小讀, 她告知我朱小比較活動教學, 功課不太多, 不深.

在去年暑假的朱小講座, 校長說他們的理念係一個都不能少的方針, 所以我幾buy 這校.

因為我小朋友, 不太主動及逃避學習, 如不咬實他, 他可以在課外的英文班默書, 幾次0 蛋, 幾十分咁(又不告訴你要默書果d 人來), 但又試過咬住他逼他讀, 他又可以默10幾個字, 幾次默書都100分. 但我們及幼稚園老師都發覺他長處在創作方面有些小潛質,  所以我不想找一些每天有十幾樣工課做的小學給他, 希望多一點時間給他發揮一下長處(做下自己喜歡的小手功), 所以選了此小學(我亦識人的小朋友讀一呂, 一胡, 但他們說真的很多功課...), 其實朱小的成績都在同區上緊....

在開學前再聽學校的講坐, 副校長講了一句, 我又幾buy, 佢話上到中學面對的壓力會好大, 故入到他們小學, 希望可以幫到小朋友先把心竟調整好才面對將來巨大的挑戰, 他續說, 如果要成績, 他們可以做更多, 是好易的事, 但他們的方針, 係真的想小朋友先調節好再提升, 故我覺得暫時都放心把小朋友交給他們.

但明天才是正式上學, 故不知是否真的不多功課呢?
另外暫時都沒有見到些似"飛仔" 的高年班生在校內, 故希望仔仔可在快樂而又健康的環境成長啦~

另外現在小一都要訂兒童英文報紙了, 社會科都是用全英文教的.

希望這些意見可以幫到妳....

caroltsui

多謝你寶貴意見，我正正想找一所活動教學嘅學校，我小朋友好怕做功課，尢其是寫字，邊做邊喊，又話多，又話難寫，但佢記性唔錯，教佢野好快上手，最衰唔專心，所以希望佢入到一間質素比較好d嘅學校，但又怕功課太多跟唔到，而家聽你咁講，我知應該點揀，首选朱小，希望你繼續報料，話我知你小朋友讀成點，係咪不太多功課，亦唔會太谷，希望你小朋友讀得开心！

abt

好似無好的天主教小學

dollyyuki

咁今年一呂會唔會易入d

nelson諾諾

dollyyuki 發表於 12-9-11 23:38
咁今年一呂會唔會易入d

可能個個都係咁諗，變左仲更加多人揀過以前=.=

PTMCYS

回復 caroltsui 的帖子

我的小朋友都有上課發夢, 精神不集中的問題. 以前更是十分嚴重, 直情唔肯坐定定上課, 故我在他4歲時帶他上親子"唐詩"班, 又是我姐姐的推介, 開頭見他不肯坐, 又攪桌椅, 又不肯跟著讀書, 眼見其他同學仔都好叻, 又肯單獨向全班同學背書, 自覺小兒程度差很遠, 但之後經其他家長溝通及鼓勵, 過了一年已有明顯的進步, 肯讀肯當聚背書(其實當時真的很懷疑小孩子死背書跟本不明白內容, 沒有意思. 但原來小朋友把子句記了在心, 對日後的幫助很有大, 並且他現在的中文字已認識很多, 國語的基礎亦進步不少, 現在此班已開始混入英文詩, 部份字他一學已可用在課本了.)  

其實孩子學不上(未開撓), 唯有家長幫幫他, 一起追回進度, 因為平時要番工, 唯有在星期六日追回. 我仔仔都係不愛寫字, 寫得很差, 很慢, 每次要閙, 我們就在暑假報他報了書法班, 在軟硬功夾埋下, 都算改善了一點. 反而我取消了"珠心算" 因為我姐姐亦建議, 如小朋友已認識什麼叫珠心算而又對它沒有太大興趣, 就不用勉強下去, 因為上學的時候都能學到, 亦不會很深, 不用堅持下去, 留回錢及時間放在他不足或有興趣的地方會更好. 所以建議妳這一年多給他多一些學前的準備會更易適應.

選校方面, 1,1,1 就會穩陣些. 另外上年聽校長在講座時說過, 她會從例留4個位給自己學校的小朋友留班用, 但因為她的小朋友好叻, 所以未有人需要用這些位, 所以一般此四個位都會放出來給她可以挑選的小朋友用. 故若然他們理念是一個都不能少, 結果又不用留班, 而學校又不是差, 故他們應有些心得掛...

另外此校的課外活動很多(富貴由人, 可參加, 可不參加, 但有很多都係很好的), 平時放學是3:05pm, 如當天有課外活動, 便要遲1小時走了.

417bbs

我都以朱小為心儀學校，想問學課外活動遟走會有校車嗎？英文程度如何？升中想選沙田英中，跟得上嗎？

shatin_yau

有冇D小學小朋友開心讀書, 喜歡返學, 老師有愛心, 有教無類......

417bbs

我同妳一樣，本來想選沙呂或培基，但我估好多想選一呂的會轉選呢兩間，我都十五十六，其實想選間開心、功課不多的學校，我有親戚小朋友讀培基，話少功課又開心，可是太熱！朱小我都擔心功課多，我要工作，可能跟不到，不過權衡熱門學校而言，我想朱小各項平均些！

PTMCYS

回復 417bbs 的帖子

我聽我姐姐說, 好似話不是小學要全英文或哪科轉英文教就可以改, 是要教處批的, 因為要d 學生夠水準才可以. 現在社會科已是全英文, 其他科遲d會唔會轉就唔知了~

好似課外活動無車接, 唔等你架wow~

PTMCYS

回復 shatin_yau 的帖子

就正如大人一樣, 有邊過真係鍾意番工呢? 唔係為份糧..... 有當然有, 但按比例應該唔多掛.....

其實只係找間較為合適小朋友的學校, 在快樂與現實中取一下平衡, 再自己谷下, 施軟硬功架啦.

其實除了學校, 都要家長幫忙, 小朋友才有好成績的(個別叻人例外).....

eva_lym

想請問PTMCYS 具体朱小,小一avg 每天 有幾份功課?大部份能在家裏完成嗎? Thanks

eva_lym

我女兒正接受言語治療,入學前極內向,現在K3了,勇敢及正面了很多,可以說是活潑可愛的。
但因說話不清晰,同學及老師多不太明白,小朋友甚至取笑她。

老師建議我選91區的田家炳,因田是小班, 老師有愛心,課程深度適中。
但又有姑娘說田有太多新移民及南亞裔,並且升中麻麻。我正頭痛選91田小還是91沙偱,只因兩間是小班,但沙循面積實在小得可憐....

我想問沙循的面積是around 1500m2,但其他at least 4500m2,請家長分享吓!

shatin_yau

田小確實有吾少新移民子女。。

shatin_yau

無錯，平衡確是很重要。眼見親友d子女响外國返学很開心，壓力比香港小朋友少很多，有点羨慕。

PTMCYS

回復 eva_lym 的帖子

其實今天才正式返全日及教書, 所以我要今天回家才知道.

我之前選課外活動果陣都有問過老師, 問一般d 同學仔會揀多少樣, 因為我真的很多都想報多些, 所以唔知功課有幾多, 她沒有正面回答, 只告知因人而異, 有人報五天, 有人報少d, 但她建議開頭報少d , 等適應左再加. 我最後報了三天的課外活動.

默書方面, 好似每個星期都有一堂默中文, 一堂默英文.

tpmak

你們好, 我本打算比個細女好似家姐讀王錦輝, 點知成3000人搶位,

機會好微, 現在唯有轉抽, 不過細女冇分, 有D好似克簿個細女.

心想, 唔應該生佢地出來, 現在社會要求太高, 要捍衛女兒的自由時間,

好似成為OLD STONE MAN, 怪人. 真的很大壓力.

之前計劃告吹, 現在才幫個女再選校, 我都想搵一間唔一定要第一, 自知細女再冇分, 點同人爭!

多謝大家的留言, 對我好大的幫助!

PTMCYS

回復 eva_lym 的帖子

其實按妳女兒的情況, 小班教學會好些, 田家炳都不錯.

我選學校都幾受我姐姐的影響, 她好像是"學校通"來的, 她兩個仔仔都讀英華精英班, 其中一個畢業後入了港大. 但她叫我不要刻意選名牌校(因我個仔又未開撓), 要適合自己個仔才最重要, 如不是他老公是公務員, 她都不會選直資學校, 情願留番d 錢比自己, 因為即使讀直資, 亦要再攞錢出來比仔仔補習, 所以真係要好多錢及時間. 而她亦說其實很多屋村學校都很好, 他其中個細仔中四補習的理科, 都係找了一位在屋村學校讀的中六生幫他的, 只不過名校視野真的不同, 他們師兄工作有成就有錢的, 除時攞幾十萬回去比學校球隊出國做集訓, 所以為何他們的仔仔可以優先讀自己學校, 我不覺得不公平, 他們對自己學校亦是付出不少的, 但如果timing 配合不到讀名校, 都沒有辦法.

之前我姐姐想我填朱小1, 田小2....., 但我填了朱小1, 梁小2, 田小3, 之後比她話, 因為她說田小升學好d 喎, 佢仲用好失望的眼神給我.... 好彩派到了, 如果唔係比佢鵝..

至於學校多新移民, 妳不要以為他們成績會差, 她們家長很多都能在家篤促仔仔讀書, 時間比我們多及緊張, 反而我們沒有時間教仔, 比她們偷蝕.... 南亞的就不給評言了.

因為今年的派位中心, 是循小, 所以我去過2次, 不覺他們的學校很細, 普通啦. 田小都ok, 但不太喜歡露天操場上的沙中線天橋, 有橫"涼"壓頂之感....

只是本人的意見, 不喜勿插.

SY_Joanne

沙主又如何呢？好似冇乜人談論喎！我上星期六去過學校開放日，應覺校長同老師都好 nice! 學校雖然細，但裡面設施很齊備，學校中學派位都很好！可惜沒有球場，如要同學需要玩球類活動就要出去邨內的公共球場了！

PTMCYS

回復 shatin_yau 的帖子

對呀, 我另外有個姐姐的兩個小朋友, 都係讀國際學校, 他們的心態係好愉快的, 並且中,英文程度都很好, 基本上2文3語都已是地道的, 只要他們稍為有興趣, 基本上該科會比普通學校的學生易讀.

但學費及生活費都不是正常打工仔能offer 得到, 並且他們的家長經常有眾會, 出國旅行, 生日會, 應酬很多, 家長的壓力不少......