分享白老鼠家長心得 (更新日期: 2012年9月8日) - 備戰大學

登錄 | 註冊

討論區

教育王國: 教育講場; 使用意見

幼兒教育: 幼校討論; 幼教雜談

小學教育: 小一選校; 小學雜談

中學教育: 升中派位; 中學交流; 初中教育

專上教育: 備戰大學; 選科選校

國際教育: 國際學校; 海外留學

知識增值: 課外活動; 教材閱讀; 公開考試; 深造進修

特殊教育: 特殊教育; 資優教育; 自閉寶寶; 智能評估

徵求專區: 二手市場; 誠徵老師; 組班專區; 徵保母車

聯絡管理員

我的中心

教育王國 › 討論區 › 備戰大學 › 分享白老鼠家長心得 (更新日期: 2012年9月8日) ...

12 3 4 5 下一頁

查看: 24798\|回覆: 80	go 分享白老鼠家長心得 (更新日期: 2012年9月8日) [複製鏈接]

khmama

男爵府

Rank: 6 Rank: 6


	8867

1^#

發表於 12-9-4 22:56 |只看該作者 |倒序瀏覽 |打印

本帖最後由 khmama 於 12-9-9 16:50 編輯

下載版

http://www.sendspace.com/file/pu4hjp

第一年其實都係摸住石頭過河, 最緊要好好去計劃, 機會只係留比有準備既人. 下面有少少心得可以參考下:

1) 中四選科

中四選科通常都係成績好既優先選科, 除咗睇興趣, 亦要先瞭解所選科目是否可以切合將來大學課程既要求, 所以最好小朋友已經有打算將來大學選咩課程. 如果小朋友未有概念, 可以試下做下面既測驗, 睇睇自己適合讀邊個範疇.

http://student.hk/appraisal/appi/list.php?lang=c

http://cscc.edu/docs/PACS/assessment.htm#Featured

http://www.pnc.edu/discover/holland.html

http://career.missouri.edu/resou ... %20Code%20S2010.pdf

http://www.vcu.edu/uc/documents/Discovery_Worksheet_4_page.pdf

http://www.hollandcoderesources.com/

大學部份既課程會有特定既科目要求, 可以下載我整理既大學科目要求作參考.

http://www.sendspace.com/file/uhvu46

大學收生只係計四個主科(中, 英, 數, 通識) 再加一至兩科選修科, 所以除非為咗做八科狀元, 基本上讀三科選修科已經好盡, 實在冇必要去讀四個選修科, 倒不如讀好其餘科目仲實際. 數學延伸課程(M1/M2)係某o的大學課程既要求, 而且外國大學只當數學係半科, 要計埋數學延伸課程先當一科, 如果應付得到, 選修數學延伸課程係好事, 而M1主要讀statistics+calculus, M2主要讀algebra+calculus, M1會比M2易讀同實用. 而文憑試數學科既grade會以數學或數學延伸課程既grade, 以較高grade者為準.

向來大學既水泡科都係工程同科學, 而呢兩個課程都要求有一科選修science (phy/chem./bio/combined science), CU更要加埋M1/M2. 所以中四選科有能力的話可以選物理/化學. 如果選combined science, 倒不如選全科既phy/chem./bio更實際, 坊間既練習都多o的. 如果唔讀全科既chem, CU既Pharmacy就冇得報. 所以最好既選擇應該係Phy+Chem+M1, 有能力先選多一科有信心既科目.

今年好多人係衰o係中英文手上, 因為得一半人可以攞到’3’級. 中文困難既地方係理解, 加上文言文都唔係個個掂, 所以最好集中火力做多o的練習. 英文有兩份卷比考生揀, 一份難, 一份易. 易o個份比你最叻只可以攞’4’級, 考試要選適合自己份卷做, 總之要量力而為,. 通識科今年預咗唔會大屠殺, 考既只係根據數據既分析能力, 相信唔太離譜都應該可以合格.

2) 何去何從

面對新學制, 身邊既親友都有唔同既取向. 有朋友仔仔選擇讀完中五跳船, 去外國讀foundation再入大學. 因為讀傳統名校, 所以校內成績都得到外國唔算top既大學承認, 名校有時就係有呢方面既好處. 亦有朋友女兒名校中四升中五去外國讀, 因為GCE A-LEVEL淺o的, 要攞A*較容易, 入top既大學較海外生易得多. 有時都幾諷刺, 升中時家長搏命入名校, 但到緊急關頭, 放棄名校原來係咁容易, 唔怪得人地話SPCC考插班係易過升中考入去.

有o的係外國考完GCE A-LEVEL既香港學生, 會透過非聯招(NON-JUPAS)申請香港既大學, 唔少都有幾好既offer (連HKU醫科都有), 都係比番本地既學費, 呢個係另一個進可攻, 退可守既升學途徑, 如果本地冇offer, 考生仍可以繼續係外地入大學.

亦有親友以IGCSE既成績去美國讀社區學院, 讀完兩年可以銜接美國既大學讀第3年, o的大學排名都唔錯o架, 讀兩年就大學畢業. 不過要留意揀社區學院要小心, 要選o的有口碑既. 至於大學就要留意究竟有冇足夠既學分比學生讀. 有o的大學係唔夠學分既, 如果學生唔夠人搶學科, 唔夠學分就唔可以讀兩年畢業, 分分鐘要比多一年學費.

3) 知己知彼

如果要選既大學課程唔會太偏離現實, 家長可以參考上屆考生成績再比較小朋友既校內名次. 如果名次係入大學率以內, 就要好好把握機會. F.5最後一次考試既成績相當重要, 因為無論你要報海外既大學或者F.6開學各大學既拔尖面試, 都會睇呢個成績. 所以記得考好呢個升班試. 如果新學制家長想瞭解多o的, 可以去下面條link睇下.

http://334.edb.hkedcity.net/

點評

redkoni 兩個字：「感激」發表於 12-9-6 02:35

69 0 0 0

返回頂部

khmama

男爵府

Rank: 6 Rank: 6


	8867

2^#

發表於 12-9-4 22:57 |只看該作者

本帖最後由 khmama 於 12-9-9 00:30 編輯

4) 海外升學

如果能力可以負擔, 可以考慮報海外大學degree或foundation做保險, IELTS最好F.5升F.6既暑假考定, 只需要上British Council報名就可以 (https://ielts.britishcouncil.org.hk/iorps/html/content/index.jsp). IELTS滿分係9.0, foundation一般只要求overall 5.5或以上, 普通大學要求overall 6.5或以上, 出名既大學要求overall 7.0或以上, 最top既大學好似Oxbridge (Oxford, Cambridge)同LSE要求IELTS每個細項(reading, writing, speaking, listening)都要7.0或以上. 坊間有o的課程同練習, 甚至手機app都會標榜攞到幾多分, 有冇用都好, 建議先操練好先去應考. 雖然IELTS既考試日期係好密既, 一次唔得可以再考, 考到好為止, 但張IELTS certificate有列名第幾次考, 如果係第一次已經有唔錯既成績可能比人感覺會好o的, 會唔會令人睇高一線就不得而知. 有時間亦可以考TOEFL. 如果有意讀CU既Global Business或International Business and Chinese Enterprise, 更加要求TOEFL 600 (Paper)/250 (Computer)/100 (Internet)或IELTS 7.0起碼. 假如IELTS攞到7.5或以上而每個細項都有7.0或以上, CU可以exempt 4個credit既英文科.

Oxbridge係比較早截止(十月中), 九月中已經要去UCAS報名. Cambridge更加要去Cambridge Online Preliminary Application (COPA) 報名. (www.cam.ac.hk/admissions/undergraduate/apply/copa.html)

Oxbridge只可以二選一, 不過我識既人都好似Oxford成功率高o的. 某o的科目設有筆試, 例如數學, 法律同醫科. 而想讀Architecture既考生必須要有Visual Art既底子, 因為面試要準備portfolio of artwork. 大學會有專人為考生面試(大約十二月初), 面試前IELTS既speaking必須已達6.0或以上. 由於Oxbridge唔會經agent招生, 所以要自己上UCAS報. 最緊要諗定讀邊科, 小朋友要自己寫份personal statement, 唔好假手於人, 呢份statement對考大學係幾重要既. 如果係其他較次一級既大學, 可以搵agent幫手, 但係agent有咁多客, 家長要自己跟貼o的. UCAS我係自己報當然可以跟得貼, 但係我搵個agent同我報一間foundation咁多都冇晒聲氣, 最後不了了之. 報UCAS有部份文件要學校提供, 最好早o的問定學校個程序, 我就搞咗好耐先同學校溝通到個predicted grade點提交, 仲差o的寄漏咗份testimonial去英國, 因為以為COPA咩都係網上報, 點知原來要寄hardcopy, 好彩寄快郵剛剛趕得切. 因為十月中都幾趕急. 如果報其他大學就一月中先截止, 冇咁趕. 報Oxbridge可以申請Jardine Foundation既獎學金 (www.jardine-foundation.org/), 如果成功, 3年學費全免兼包每年來回機票, 我當然好身痕咁去試啦, 唔得又唔使死, 結果搞到更加唔得閒, 因為除咗填表, 阿女又要寫一份personal statement, 又要問學校攞testimonial, 仲要面試, 真係搵o黎搞.

UCAS最多可以報5間大學(http://www.ucas.com/), 通常5間大學選既課程最好一樣或者相關, 如果唔係份personal statement會好難寫, 因為一份statement會比晒5間大學睇, 如果o的課程天南地北, 點去說服大學你好有興趣讀o個科?大約三月尾, UCAS報既5間大學會陸續出結果, 一般都係conditional offer同decline. 好叻先會有unconditional offer. 係幾個conditional offer中, 只可以選擇一間作firm choice, 另一間作insurance choice. 通常都係根據自己意願同估計成功機會去決定個firm choice, 要求最低o個間做insurance choice. 有o的大學本身有foundation, 所以有好多位可能要留番比自己, 相對就冇位比海外生, 選擇時要留意, 好似Lancaster咁, accounting & finance都算排名高, 但係大學既學位都留咗比foundation同本土學生申請, 海外生反而報唔到. 有o的foundation只要讀完分數達標, 就保証可以升上聯繫既大學, Lancaster係其中一間, 而Bath都有96%考生可以由foundation升上大學. 但係有o的foundation course夠分都唔一定可以升上你想報o個間大學, 不過你可以選擇升其他大學, 例如Warwick就唔係保証你夠分實有位, 選擇時就要考慮清楚.

返回頂部

khmama

男爵府

Rank: 6 Rank: 6


	8867

3^#

發表於 12-9-4 22:57 |只看該作者

本帖最後由 khmama 於 12-9-9 16:22 編輯

除咗英國, 去美國同澳洲升學都係香港人既熱門選擇. 學費方面, 其實最平係英國, 澳洲一o的都唔平, 而且澳洲讀完3年, 有o的課程只係學士學位而唔係榮譽學士學位. 其次要留意依家新學制下, o的小朋友係細咗一年畢業, 而澳洲既大學有規定如果唔夠18歲, 就要家長留o係澳洲陪同先可以入學. 有朋友仔仔就係唔夠18歲, 要等多半年先可以自行入學, 因為父母都要留港工作. 近年都新興去台灣同內地升學, 不妨問下agent, 多個選擇都係好事.

5) 拔尖面試

由於末代會考已經o係2010年完咗, 所以冇咗拔尖呢回事. 為咗搶尖子, 今年三大各出奇招, 要求學校提供尖子既名單等佢地可以早o的面試. 各大學亦有舉辦一o的暑期課程甚至全年既課程比o的中五學生參加, 比o的中學生可以提早去大學上堂, 感受下o的氣氛同瞭解下有興趣既科目內容, 亦可以比o的大學提早揀蟀, 課程所得到既分, 甚至將來入o個間大學可以照計credit. 成績好既就會被挑選參加拔尖面試. 可以參考下面條link.

http://www.cuhk.edu.hk/osp/si/intro1_si.html

http://www.als.hku.hk/talented/index2.php

www.bm.ust.hk/ug/summercamp

http://summer.ust.hk/program.html

大學都係以email既形式, 要求學生register填報2-3個志願, 然後約面試. o個陣幫阿女搞UCAS都已經煩到想死, 忽然間又要應付突如其來既面試, 有o的措手不及. 平時阿女都係T-shirt加短褲或運動褲, 個衣櫃搵件飲衫都冇, 臨急臨忙去G2x00買咗件裇衫西裙, 幾乎連高跟鞋都唔係好想去買. 點知去到科大面試, 個個女仔都formal dressing (唔知有冇化行裝), 結果比阿女埋怨我冇買多件外套比佢, 搞到佢好突出. 我唯有同佢講, 如果間大學因為佢冇著外套而唔收佢, 就唔讀都罷啦. 不過我都即刻買咗件外套下次去港大面試用, 點知港大要求著smart casual, 真係暈低, 都唔知點著先叫smart casual, 朋友叫我去UNIQLx同ZARx睇下, o的款適合後生女, 不過我最後都係去G2x00是但買咗o的casual裇衫西褲算數. 想唔到連面試著衫都咁多麻煩.

不過有呢個面試機會都係好既, 雖然講明冇unconditional offer, 但會有bonus point, 將來聯招著數o的. 但係open day都未開始, 已經要選定志願, 只會面試第一個志願, 所得既bonus point係跟科既, 所以某程度上都冇時間比你深思熟慮, 如果最後聯招冇選呢科就浪費咗o的bonus, 阿女就係浪費咗港大既bonus啦, 慶幸既係港大唔係佢柸茶, 佢鍾意中大既campus多o的.

家長要經常提醒小朋友留意個mailbox, 有人就試過錯過咗港大既面試. 所以我要阿女將所有關於大學既資訊無論email 定sms都轉發比我, 起碼唔會漏咗o的重要既o野. 面試既形式係小組討論. 唔係問時事問題, 目的主要係brainstorming. 例如問你假如中環依家有個計時炸彈, 只有考官手上個remote按鈕方能解決, 但係就會有某o的人要死, 現在有5小時, 你會點做. o的考生就要諗下點答. 聽番個科大做大使既朋友講, 有o的去科大面試既學生攞住第二間大學既folder, 有個考生直頭問佢要見幾耐, 佢要趕住去中大見. 家長真係要叫小朋友留意下呢o的小節.

6) 開放日

密集式既open day, 亦係最攞你命既地方, 時間都係十月至十一月, 不過都要叫小朋友自己去, 瞭解下各個課程讀o的咩, 自己有興趣報邊個課程. 呢o的場合可以留番比小朋友自己去, 我自己就冇參與, 懶得就懶. 其實開放日咁多人, 要預早訂位, 唔係就聽唔到想聽既talk. 要有目標咁去參觀會有效率o的. 家長雖然唔去, 事前可以先同小朋友分析下想讀既課程.

記得阿女去完中大既open day, 返o黎我順口問佢有冇邊o的課程有興趣, 佢答我sports science. 我同佢講我唔反對你報呢科, 只不過唔想你咁快去決定, 應該比時間自己都瞭解下其他課程, 再選擇自己認為最有興趣o個個, 反正去到六月先係最後deadline, 諗下先都唔遲, 到時無論佢選邊科我都支持. 為人父母千祈唔可以迫小朋友跟自己意願去選擇, 始終讀o個個係佢. 結果佢自己考慮完所有人既意見後, 為自己揀咗科有興趣既課程, 我當然唔會反對. 其實一個有能力既人無論放o係咩位置都一樣會成功, 加上正確既處事態度, 何愁發展? 所以讀邊科都冇所謂.

7) 學生學習概覽Student Learning Profile (SLP)

文憑試最討厭既地方係要做slp, 家長最緊要上jupas個網, 睇清楚個時間表, 幾時要填o野, 幾時要upload個slp (http://www.jupas.edu.hk/en/j4/calendar/important-dates). 政府又唔統一slp個格式, 又唔提供網上輸入, 大家都一舊雲. 我搵咗好耐個slp包o的咩, 但係一o的sample都搵唔到. 聽聞之前政府係有打算搵開發商做slp既, 但後尾唔知點解又冇做到. 結果我好後期 (過晒upload deadline) 先知道學校email咗兩個pdf file比阿女, 一個係課外活動, 一個係成績單. 我成日以為slp係課外活動, 因為係Other Experiences and Achievements in Competitions/Activities (OEA)個版面, 所以upload完以為搞完, 仲要第一次upload唔到, 因為個upload file有size限制, 要1MB以下, 連學校都要再做過一個幾百KB既比學生. 點知學校原來要求學生自己將兩個pdf file夾埋做一個先upload, 結果阿女個slp冇咗成績o個part. 可能之前填過UCAS, 人地寫得好清楚, 所以先入為主, 以為成績會由學校直接提供比jupas, 唔使學生upload. 搞到一鑊泡. 最搞笑係我打去jupas個查詢電話諗住求救, 我唔upload得啫, 今年第一年咁混亂, 總會有方法幫我整番好o瓜, 點知聽電話o個位只係講咗句’阿媽係女人既說話’, 話我知deadline咗, 冇得upload. 我梗係知啦, 唔係使咩打電話, 最後我發完勞騷只好收線. 好彩阿女之前有拔尖面試, 如果唔係o的大學靠slp去揀學生面試就真係死火.

個OLE又只可以填最多20樣活動, 包括校內外. 學校填完第一部份, 填剩幾多個位就輪到學生填第二部份, 最終我只係可以填10樣阿女最有睇頭既獎項, 但係要upload証明, 偏偏阿女最勁o個幾張cert唔知去咗邊, 所以家長要keep好o的cert, 唔好唔見. 其他音樂方面既呈報, 原來鋼琴要grade 6先有資格填, 所以小朋友想唔學都考埋grade 6先唔會浪費. 其他樂器反而一級都可以報.

另一樣最令人摸不著頭腦既係personal statement. 學校隆重其事要學生作洋洋千字, 講下自己既興趣, 選科, 抱負, 成長經歷等等, 誰不知反轉個jupas網都唔見有地方upload, 只係見到OEA版面(冇錯, 又係呢個版面)有一欄寫住類似personal statement既東西, 但內容唔該用300字寫某一個OLE對你成長既影響. 結果阿女都係將原本o個份personal statement撮要, 好不容易先唔過字數. 都唔明一個咁樣既slp + personal statement可以點比大學去揀學生面試.

返回頂部

khmama

男爵府

Rank: 6 Rank: 6


	8867

4^#

發表於 12-9-4 22:58 |只看該作者

本帖最後由 khmama 於 12-9-9 16:43 編輯

8) 另類申請途徑

除咗海外升學, 家長可以申請中大/港大/城大既運動員獎學金計劃, 只要係港隊/港青/香港紀錄保持者, 如果運動成績獲大學賞識, 可以有offer(唔肯定係咪unconditional). 不過都係放榜前一日先公佈. 只須要搵總教練寫信, 然後將申請表連resume同獎項既副本寄去大學就可以. 中大既計劃十二月初截止, 所以十一月份就要提交. 港大四月先截止, 但要經學校填寫部份資料, 所以要預多o的時間. 今年兩大共有27個運動員(文憑試)經呢個途徑成功取錄入學. 印象中港大既offer比較好, 即使係醫科同法律都肯offer. 中大就似乎報Physical Education, Exercise Science and Health (即以前既Sports Science)入既機會大o的. 詳情可以參考下面條link.

http://www.peu.cuhk.edu.hk/scholarship/scholar_c.htm

http://www.cityu.edu.hk/sds/sch/Entrance_SchC3.htm

http://www.ihp.hku.hk/programmes/admissions/sport-scholar.php

如果小朋友o係運動, 音樂, 其他文化活動, 領導才能或社會服務等有出色表現, 可以透過校長推薦計劃報大學. 一般每間中學有3個名額, 如果自問有才能不妨同學校申請, 等學校提名. 通常o係五月尾截止報名, 學生要準備一份唔超過5MB既profile經學校提交. 稍後大學會跟據六月頭deadline既3個band A志願約面試. 面試表現優異可以有機會獲conditional offer, 只要放榜達標即會被取錄. 如果表現普通, 可能都會有bonus point, 聯招時會有o的著數. 如果表現唔好就咩都冇. 領導才能一般係推薦Head Prefect, 社長,學生會會長之類, 所以小朋友做下prefect同學生會其實幾好, 中四同中五既小朋友可以考慮下.

http://www.jupas.edu.hk/tc/j4/applications/application-procedures/spn

自薦計劃只限於高考生, 有一系列指定既條件/獎項, 同校長推薦計劃類似, 但係由學生於jupas自行申請. 今年文憑試並冇呢個計劃, 實在唔明白, 至於明年會唔會有就拭目以待. 下面條link係高考既自薦計劃.

http://www.jupas.edu.hk/tc/j3/applications/the-scheme/srs

9) 試前準備

考文憑試最緊要操卷, 儘量去坊間買多o的練習, 亦可download past paper. 至於補習有冇用就唔清楚, 因為阿女冇時間去補習. 不過如果係名師可以教答題技巧, 有時間都可以去上下堂. 閉關讀書都好緊要, 最好有一個清靜舒適既環境溫習, 會入腦好多.

學生要選擇考試地區. 其實依家計水平參照, 去邊區考已經冇大分別, 所以揀番近屋企已足夠. 派咗準考証當然要去搵試場. 如果小朋友有時間去搵當然最好. 可以的話盡量用公共交通工具, 的士唔係時時截到, 能夠搵定柴可夫就最理想. 考試時早o的出門口, 寧願預早去到試場等, 預留時間去下洗手間.

考聆聽既收音機好早賣斷市, 最好早o的去買, 我就係3月先去買, 結果周圍撲都買唔到, 好彩阿女同學幫佢買埋, 真係唔話得. 一般用o黎聆聽o個隻係SONY SRF-S84, 但係其他牌子都冇問題. 聆聽要求既收音機尺寸係18吋 x 6吋 x 6吋, 基本上市面上任何一款機都合規格. 本來想問個朋友借佢囡囡當年考試部座枱式收音機做後備, 因為接收較好, 但當年佢囡囡一攞部機出o黎已經比周圍既考生睥實, 皆因部機會影響四周既收音機接收, 實在損人利己, 結果我都係問人借咗部袋裝既收音機做後備. 考試前記得換新電. 假如收音機接收唔好, 可以要求去特別室考, 到時會播放出o黎.

如果須要帶計數機應考既科目, 最好帶多一個計數機做後備, 要有合格標籤o個o的. 考試前要將o的公式set定晒入計數機, 咁就可以計得快o的.

考試最緊要睇清楚時間表同地點, 去錯試場超過一次會扣分, 除非有合理理由. 考試前應睇清楚考生手冊, 睇下考試流程同埋各科要留意既地方. 仲有提小朋友記得熄手機, 如果響會扣分. 唔好咁好奇走去影張試卷post上facebook.

http://www.hkeaa.edu.hk/tc/hkdse/Student_s_handbook/

考試當然要記得帶准考証同身份証/護照正本. 如果要換身份証, 就要帶護照去, 唔好諗住用行街紙, 分分鐘唔比你考. 免得過就最好考晒試先好去換身份証.

考試唔係最尾o個日先讀既, 最緊要早瞓. 如果父母有時間, 不妨陪佢去試場, 一齊食下早餐傾下風花雪月, 等小朋友唔使太緊張. 亦可以接佢走一齊食lunch, 親子活動. 阿女既早餐由khpapa包辦, 因為咁啱o個段時間菲傭放咗假, 難為佢挖空心思去諗下整咩比阿女食, 又驚整得唔夠乾淨考考下試肚痛, 真係如臨大敵. 為咗令小朋友抵抗力好o的, 有朋友上年帶仔仔考試前去醫生處打流感針, 我就冇時間帶阿女去, 亦都唔知有冇副作用, 所以我專登買咗o的康xC比阿女沖o黎飲, 希望可以令佢健康o的, 順利過關.

考完主科唔好掛住玩, 仲要考口試, 家長記得提小朋友, 真係有人試過唔記得去考.

除咗拔尖面試, 一般大學面試會安排o係六月下旬至七月中, 所以要留意各課程既面試時間. o的小朋友考完試喜歡約埋三五知己去海外旅行, 最好選擇六月初去, 避免撞正大學面試時間.

返回頂部

khmama

男爵府

Rank: 6 Rank: 6


	8867

5^#

發表於 12-9-4 22:58 |只看該作者

本帖最後由 khmama 於 12-9-9 00:40 編輯

10) 聯招選科

選科其實要睇自己既興趣, 大學既要求同成績, 各大學收生要求可以參考下面條link.

http://334.edb.hkedcity.net/pathways-01.php

http://catalogue.jupas.edu.hk/catalogue/j4/content_Institutions.htm

因為今年係第一屆文憑試, 只可以參考上年高考收生既成績作為估計, 決定是否報讀, 成功機會大唔大.

(http://catalogue.jupas.edu.hk/catalogue/j3/content_Institutions.htm)

考生要填寫20個志願, 分為band A (3個志願), band B (3個志願), band C (4個志願), band D(5個志願)及band E(5個志願). 根據以往既統計, 超過七成既考生都係獲派band A志願, 好少係其餘志願, 所以要小心選擇band A既志願, 如果太進取, 一跌出band A志願成功率已經低好多. 大學只會知你選擇既係band幾既志願, 唔會知道你將佢排第幾, 但係排既次序都會影響你成功既機會, 所以你要先了解下遊戲規則, 可以參考下面條link了解甄選程序.

http://www.jupas.edu.hk/tc/j4/useful-material

例一:

假設考生甲第一志願選咗A課程, 而A課程有100個位, 考生甲o係條隊(跟成績高低排)係排100或以內, 咁考生甲就即時搞掂.

例二:

假設考生乙第一志願都係選咗A課程, 考生乙o係條隊有100個考生排佢前面都係第一志願既, 咁考生乙既第一志願就即時落空, 要睇第二志願夠唔夠人爭.

例三:

假設考生丙第一志願都係選咗A課程, 考生丙o係條隊排120, 但當中有20人係第二志願, 佢好好彩係第100個第一志願既考生, 咁考生丙就叫緊糊, 只要o個20個第二志願既考生能全部入到第一志願, 唔同課程A既考生爭, 咁考生丙就有機會入到, 但係如果呢20個人入面有考生丁入唔到第一志願, 咁考生丁就會以第二志願成功入課程A, 考生丙就唔好彩, 要睇第二志願夠唔夠人爭.

知道以上既遊戲規則, 第一二個志願可以選擇比較接近收生成績既課程, 第三個志願就要保守o的, 保障一定頭三志願入到. 要留意科大同城大今年轉咗school base admission. 變成學院制收生, 選擇少咗但每個學院就會有好多學額. 學院制收生就要小心, 因為要讀完一至兩年再睇校內成績選主科, 如果hea住讀, 分分鐘兩年後讀既主科唔係你原本想讀o個科. 唔好諗住入咗學就honey moon year.

選科時, 成績最好係o個科以往收生既中位數, 機會就較大. 留意每間大學計分方法同邊o的科目有高o的weighting, 真係要睇餸食飯. 個人覺得考好四科主科比考好選修科更重要, 因為佔大約七至八成既比重. 大學收生通常都係band A 三個選擇, 所以唔可以一味進取, 適當時要止蝕, 唔係就八大皆空.

一月頭已經要交20個志願, 早o的同小朋友商量定, 唔好咁遲交, 須知有網絡濟塞呢樣o野, 到時改唔到就無謂, 不過都唔使驚, 到二月至六月仍可以俾錢改志願. 放咗榜會編排24小時比你最後一次去改, 可以加入最多5個新既課程取代原先既志願, 所以比較有彈性. 放榜後要記得check下小朋友係邊段時間可以改, 只准改一次, 冇第二次機會, 要小心o的入, 得24小時真係唔到你想太多, 要一早想定.

仲記得入去個jupas網改志願, 一按選學院個製, 失驚無神彈個版面問我係咪要儲存, 嚇到我即刻走番出個網頁, 走去刨下份user manual先, 點知原來真係要按’是’, 先會繼續. 都唔知邊個設計既網頁, 唔可以寫清楚o的問我是否要改志願咩? 無啦啦未改o野點解問我儲唔儲存? 真係九唔搭八, 好驚按’是’之後當我改完, 到時就死火.

11) 考生出路

聯招選完科, 係時候搜集資料, 訂定唔同既方案, 假設唔同既成績就採用唔同既方案. 今年有EAPP (由二月開放到五月尾) (https://www.eapp.gov.hk/eapp/index_zh.htm), 如果真係要報自資課程, 網上已經可以報, 放榜前已經有offer, 唔使放咗榜先去諗, 四圍撲咁辛苦. 不過要留意有o的自資學位課程好早已經截止報名, 例如樹仁既課程三月已截止, 遲咗就冇得經網上報.

如果要知道各專上院校提供既課程, 可參考下面條link.

http://www.ipass.gov.hk/edb/index.php/ch/home

學友社亦提供咗好多升學資料, 家長可以下載出路指南參考.

http://student.hk/

出路其實都有好多, 下面就詳列咗一o的選擇:

學士學位課程:

達’3322’ + 1個或2個選修科達’2’

1) 政府資助課程 (全日制) 15150 個

2) 教資會資助院校和香港演藝學院課程 15150個

3) 自資課程 (全日制) (包括香港樹仁大學, 香港公開大學, 珠海學院, 恆生管理學院, 東華學院, 明愛專上學院, 職業訓練局等課程) 約7400個

副學士課程:

五科’2’程度 (包括中國語文及英國語文)

1) 政府資助課程 (全日制) 約500個

2) 自資課程 (全日制) 約27900個

新毅進課程/基礎文憑課程/中專教育文憑課程

1) 新毅進課程約15000個

2) 職業訓練局約15000 個

3) 基礎文憑課程/中專教育文憑課程約7000個

職業課程

1) 職業訓練局培訓發展中心約2000個

2) 建造業議會訓練學院/製衣業訓練局約700個

3) 勞工處展翅青見計劃約13000個

返回頂部

khmama

男爵府

Rank: 6 Rank: 6


	8867

6^#

發表於 12-9-4 22:59 |只看該作者

本帖最後由 khmama 於 12-9-9 00:40 編輯

12) 文憑試放榜

凡自薦計劃或校長推薦計劃既考生, 放榜前一天已經可以上jupas睇下有冇conditional offer/bonus point, 假如有conditional offer而放榜達標, 唔使再等聯招放榜, 已經一天光晒.

放榜日應該陪下小朋友, 其實我覺得冇問題, 開心唔開心都一齊分担.可以既話要申請覆核, 尤其是一o的較主觀比分既科目, 反正唔會降grade. 假如科目成功upgrade到, 就有多個機會爭取入較理想既科目. 今年就有109人覆核成功入到大學, 另173人成功入到更好既課程.

13) 聯招放榜

聯招放榜日一早九點通常都大塞車, 記得手上準備定考生既application id. 當你見到有offer, 就恭喜晒啦. 今年原來有人早一晚已經知中大收唔收, 因為中大要學生選學院既日子同放榜日一樣係8月17日, 已取錄既學生資料已早一日入咗CU既系統, 所以考生只要能成功進入CU既系統, 即表示已獲取錄. 早知就唔使担心到放榜日啦!