家長在褓姆車安全上有say啦! 請大家記得通知其他家長!

gloriasmum

運輸署在8月6日已經更新 '3個當2個計' 的指引, 說明 :
'各營辦商及司機在運用有關法例......時，必須先獲得學校及家長／監護人同意有關安排。'

即係話, 當校車／保姆車強行把3個小朋友擠在2座位！！或者2個小朋友逼1個位, 或者24個小朋友擠一架16座位時, 家長可以'唔同意'架 !!

由於運輸署只係好低調咁發信俾營辦商, 好多家長反而唔知道! 好緊要 ! 保護仔囡在褓姆車上的安全暫時只有呢條新指引 !

教統局網頁:
(英文版): http://www.edb.gov.hk/index.aspx?nodeID=2469&langno=1, please go to  For School Bus Service Operators to Observe (point #11)

(繁體版 ) http://www.edb.gov.hk/index.aspx?nodeID=2469&langno=2內 運輸署署長在二零一二年八月六日向各學校私家小巴營辦商發出有關校車服務安排事宜之信件 (第五點)

ekhc

CatEgg

點解法例唔寫清楚超載的人數?!比咁大彈性校巴/保母車。如果一半車家長反對，另一半唔反對，咁點呢?唔知有冇記錯，一個跟車保母:學童係有規定的。

eebabyma

依家保姆車都唔憂無生意做，我朋友個仔讀小學，架車都係三個坐兩個位，小朋友扣唔到安全帶，佢同司機反映，司機話：「法例係俾我咁做，你唔滿意你可選擇唔搭」，最終我朋友都因為搵唔到其他車而迫住要繼續搭，所以除非立法，如果唔係形同虛設，因為只有家長怕無車搭，司機唔憂無人搭。

yhchoy

  

fefemom

eebabyma 發表於 12-9-3 02:04
依家保姆車都唔憂無生意做，我朋友個仔讀小學，架車都係三個坐兩個位，小朋友扣唔到安全帶，佢同司機反映， ...

今年情況嚴重過上年，呀囡架校車上年只見一排二人位坐三人，今日見到起碼三排，但聽聞都有小朋友冇校車撘。

6809QQ

係呀! 小朋友校車的安全問題越來越嚴重, 一定要制止! 我個仔間幼稚園焗我哋簽同意書, 好似已經有家長投訢咗比教統局 !  咁樣真係唔得喎 !

我知車越來越少, 但係要顧咗小朋友安全先 !

小曳人

對唔住講句，e+越嚟越少校巴，好多車轉咗去做旅遊巴，而校車費亦越嚟越貴，據行內人講，其中一個原因係小學由上下午班轉做全日班！
如果大家有留意小學嗰邊，好多小學都揾唔到校車，雖然好似唔關KG呢邊嘅事，但係我就聽過因為校車full哂要自己揾保母車嘅case！
安全係好重要，但係安全唔係單單由一人一位就可以得到，仲要有其他硬件同埋盡責嘅司機！如果迫得校車緊要嘅話，到頭嚟可能有人要自行安排返學放學 (因為無車，你俾到多多錢都係無車！) 所以，我反而建議，可唔可以硬件上做好d (加多d安全帶?)，令到行程安全呢？  

sugarfamily

各位。而家法例冇規定私型小巴和私型巴士要乘客硬性佩戴安全帶。根據運輸署說，他們已找了顧問研究。研究內容大概關於 1。安全帶是否適合任何年齡的學童配帶。2。若學童不聽指示，不配帶安全帶那誰要負法律責任。還有其他，但因為我只記得這2點，並且沒有公開的。

但運輸署說這時是沒有時間表。所以若想加快運輸署實施私型小巴和私型巴士要乘客硬性佩戴安全帶。那現在可以做的就是各家長人人去投訴運輸署。令運輸署注視這個課題。我已投訴了！你們也一起投訴才會令政府緊張！

klm402

太好了.

Ackl1002

原帖由 cherryird 於 12-09-07 發表
本帖最後由 cherryird 於 12-9-7 17:05 編輯

我仔都係搭校車, 但我真係唔想成日因為有家長投訴而令到無 ...

讚同，吾好乜都投訴、爭取，有時妥協可以令世界轉得順D。聽得多投訴新聞都覺得好煩！

Beriyth

最緊要係安全...

gloriasmum

我個女間學校都有發最新校巴注意事項 (唔係同意信), 講明3個當2個計會先問家長同意, 好正路!  

都係第一次聽到硬要家長簽同意信. 聽講個間學校同營運商有特別關係.

而家褓姆車的經營好扭曲, 又惡! 最叻兇家長唔好坐!  點解一定要俾佢哋危險咁安排, 小朋友先有得坐 ?! 我明有既得利益者, 但小朋友真係無辜架! 作為父母好心痛架.  家長一定要幫佢哋出聲.  我係街見到呢啲車, 記得車牌, 都一定會投訴.

安全最緊要 !

sarubuta

不足三歲的兒童不計算在內.  咁即係一架車載幾多個2歲幾返幼兒園的小朋友都唔犯法?  

elantra

thx for sharing

6809QQ

sarubuta 發表於 12-9-9 15:52
不足三歲的兒童不計算在內.  咁即係一架車載幾多個2歲幾返幼兒園的小朋友都唔犯法?   ...

應該真係3個當2個計掛! 不過我都見過4個小朋友塞入兩座位.

gloriasmum

我哋家長就嚟要學國教科, 要 '組織家長校車關注組' 先得嘞!

gloriasmum

今日剛剛問過資深保險顧問, 原來褓姆車雖然會買'車保', 但係 '車保' 係以成車計一個 lump sum, 所以如有意外, 越多人, 平均每人分得的賠償便越少.

而且小朋友由於唔會係家庭經濟支柱, 如果大吉利是有任何傷亡, 法官都只會判好小的賠償.  除非確定終生殘廢, 會賠多啲, 但咁就死啦~

褓姆車係咁塞小朋友, 真係害死人! 好恐怖!

aloha_yan

超載, 你地唔會覺得有問題嗎?
因為拍無校車坐, 可以唔理自己小朋友的安全嗎?