有[自閉症特徵] 的BB 3 yrs 有可能長大後發覺其實不是自症嗎

supermax1010

有[自閉症特徵] 的BB (3 yrs) 有可能長大後發覺其實不是自症嗎?
會否是一些功能未發育出來?
(他沒有上N班)
(1.5-2yrs 上Play Group 完全唔理老師 (英文的))
(很少帶去玩遊樂場)


我的兒子 2歲9個月，有以下自閉特徵

1). 叫佢唔會望你，除非是指令式 "望住爸爸" "望位XX" (也只會望2-3秒)

2). 長期用腳尖走路

3). 語言方面，懂得過百中文字，英文字也不少，基本上一教記得，可背1-3x 中英文，乘數表，月份，星期等
     但問題是:

     -  他能明白什麼東西的中英文叫什麼
     -  識背什麼人叫什麼名
     -  但你問他幾多歲，不懂答
     -  問他食咗飯未，不懂答
     -  你吃了什麼，不懂答
     -  十問十唔應

4) 固執方面

     - 未及預期的事會哭叫，但可於短時問無事
     - 沒有特定的固執路線，程式，排車等
     - 玩具方面特別喜歡聲音，如果開關時的音樂有趣，他會只玩開關
     - 正在玩的東西要他不玩或拿走會大發雷霆

5) 自言自語

    - 喜歡背告廣告歌，主題曲，唐詩，"下一站是 ....."，數字的英文叫法，........基本上自已學懂了的物件或
      短句也喜歡自己講。

6) 刺激行為

    - 間唔中Fing頭 (當非常高興時)
    - 腳尖行
    - 在室內來回跑
    - 近排發嬲時，出現拍打別人，訓地，拍自已面 (有一次無發嬲時拍面，好似好好玩咁)

7) 對答

    - 沒有持續對答
    -  問方面，會問 "呢個呢?" "下一站呢?" 對識字有很大求知慾
    -  說話只有要求的說話，且有特定格式  "唔該爸爸幫我攞iPad" "唔該爸爸放我落地" "痾殊殊"

8) 大小肌

    - 小肌肉差，拿筆，拿匙，開蓋等都弱 (又實在好少練及教)
    - 但玩iPad完全無問題

其實會否是未發育出其能力，而不是自閉症呢??

HgI

樓主, 我相信你對自閉症有一定認識, 因為你將小朋友的特徵能分門別類地列出。
我的小朋友某程度上與樓主的小朋友頗相似, 例如中、英文認字、能背詩
、很少持續對答、大小肌肉差等, 我的小朋友由確診自閉症至今已經3年, 雖然各方面經訓練後有進步, 但仍然是自閉症。
不論小朋友被評為有什麼症, 只要發現小朋友發展有偏差, 都應該正視幫助小朋友方為上策。

yuki8484

睇得出樓主搜集過非常多有關"自閉"的資料..我一直相信有自閉傾向/自閉特徵的小朋友會隨著年齡會有進步的..因為而家"自閉"既定義實在太廣泛..好多出現發展障礙的都列入"自閉"..所以今日"自閉"唔等如將來都係..只要家長努力改善小朋友本身的障礙..小朋友就會不同..

Chichatmima

其實自閉就是自閉，努力做訓練啦！

bbqiu

其實名稱而已,最重要是怎樣減少他影響正常生活及社交的行為,怎樣擴闊他應有的領域.

supermax1010

昨天在邁步評估之後，心理學家說是 "待分類的廣泛性發展障礙"
她說，好好攪，有得攪，但要立即訓練。 (完全唔明佢意思)

她說各面遲6個月 (現在是2yrs 9mon)

她說密集式訓練 幾個月可能會衝破 (亦唔明佢意思)

自閉症就是自閉症，會好返的嗎???
去那兒找密集訓練呀??? (住天水圍)

教我如何是好 !!!

kelvin_hmlau

回復 supermax1010 的帖子

待分類的廣泛性發展障礙 (PDD-NOS, Pervasive Development Delay not otherwise specified).
當初小兒都係STEP做評估, 結果係PDD-NOS, 到後來在政府CAC 就診斷為自閉症.
STEP 通常都會介紹你上3T, 並建議你排密集班.
你家住天水圍, 最近的私人訓練中心應該係太子, 旺角, 油麻地, 佐敦一帶.
Good luck!

bubufafa

回復 supermax1010 的帖子

delay六個月唔算多，不過自閉除咗語言，其中一個大問題係社交，早訓練唔會有錯，不過都要揀得啱。睇特徵都算幾典型，我相信妳未必係擔心個診斷可唔可能變，而係關心徵狀會唔會改善，老實講，有啲自閉小朋友到中學都仲有古怪行為，有啲又唔係好覺，不過社交一定係長期嘅大挑戰。我信念係坦誠接受，努力練習，好多徵狀都可以有改善。我都係住天水圍，去邊都遠，妳冇政府位咩？

Dedemom

回復 supermax1010 的帖子

我個仔現在7歲, 3歲時被診斷自閉症傾向, 和你個仔仔有八成相似, 到現在己經完全改變, 我覺得除了訓練, 父母的包容, 鼓勵和明白是十分重要, 好多謝主, 我個仔己經沒有了自閉症傾向, 只是有時候不善表達只因害羞, 努力呀, 你個仔一定會無事.....比D信心.

rose-mag

kelvin_hmlau 發表於 12-9-10 19:05
回復 supermax1010 的帖子

待分類的廣泛性發展障礙 (PDD-NOS, Pervasive Development Delay not otherwise ...

小兒就是確診為PPD-NOS，樓主已經幸運，我雖然很早發現他有問題，
但要到第三個評估才得到結論，中間花了不少時間等等等，
之前兩個評估都說他正常，因為小兒的特徵不明顯，
見過他的都說沒可能，但作為媽媽我最清楚，我想樓主都是一樣，
才會去看那麼多資料。先不要想自閉是一種像傷風感冒的病，
不會好，就算因為學習及訓練後有進步，他的骨子裡都有這個特徵。
但這又有甚麼關係? 總不會因為這樣而不愛他或愛他少一點嘛。
只要是對孩子好的，作為父母都會做，是嗎？

我兒語言有遲緩，感統有問題，社交絕對要訓練，經過一年，
他的語言還有問題，最近再評估依然有delay，主要因素是治療師換了太多個，
下星期會轉到新的治療師那裡，希望可以穩定下來。

感統上了大半年，治療師說可以了，兒子從統感訓練畢業，但平衡依然較人弱，
但大致上可以，小肌肉更比很多人強。

社交的訓練也見到成果，幸好學校老師包容配合，兒子又的確長大了，
對很多事物都有了新的見解，這一條路我不知道還有多長，
但我的信念是：只要是可以幫我兒子的，我都會去試，沒試過沒進步，
試了最壞都只是原地踏步，不會倒退吧。加油吧。

supermax1010

今天是繼1月之後第二次見CAC醫生，CAC再一次說我說服不到她兒子是[自閉症] ，我並不感到開心，因為我和兒子相處很久，他和其他小朋友有多大分別我是非常清楚的。

政府不要我們及早注意孩子問題，但事實上延誤得最厲害的卻是他們呢?


我的兒子 3歲半個月，最新情況如下

1). 叫佢時已多於50%情況會理我，持續望則很少

2). 長期用腳尖走路仍然持續，好了一點點

3). 語言方面，懂得過百中文字，英文字也不少，基本上一教記得，可背1-3x 中英文，乘數表，月份，星期等
     但問題是:

     -  他能明白什麼東西的中英文叫什麼
     -  識背什麼人叫什麼名
     -  但你問他幾多歲，己懂答
     -  問他食咗飯未，己懂答
     -  你吃了什麼，有時懂答，主要是不能掌握[時間][日子]的意思
     -  軟硬，大小，高低，長短，中間 (只會背答案，換組合會錯)
     -  今天，昨天，明天，下一次 不太能理解

4) 固執方面

     - 未及預期的事會哭叫，比之前更大脾氣
     - 沒有特定的固執路線，程式，排車等
     - 玩具方面多了假想的玩法，不再只理開關聲音
     - 正在玩的東西要他不玩或拿走會大發雷霆，仍然如是

5) 自言自語

    - 少背了告廣告歌，主題曲，唐詩，不再"下一站是 ....."，但他常常背EVI故事內容(教育電視)，
      但他會改少少代入其他東西入故事內

6) 刺激行為

    - 間唔中Fing頭 (當非常高興時)都有，但少了很多
    - 腳尖行
    - 發嬲時，會拍打別人，但現在可以說道理說他不對，明顯地他現在知唔啱

7) 對答

    - 仍然沒有持續對答，但已能掌握我問他答，
   -  主動說話有以下情況
       1). 有要求便和我說話，
       2).  問我一樣東西是什麼，去邊度
       3). 向我說他懂的東西認叻，如一樣東西叫什麽，幾多樓英文及普話叫什麼，向我背故事內容


8) 大小肌

    - 小肌肉仍然較弱(拿筆，拿匙) 但進步了行多
    - 手腳協調好了很多，但不是好到可以踏單車游水那程度

新手好媽咪

我都係在邁步做評估，佢都係同我咁講,E得好,有得E,會完全好返,佢話我仔係自閉症+發展遲緩,其實大家都知,自閉症係唔會完全好返.只系做訓練可以減少一D行為.但朱姑娘點解可以好定咁同我講,可以上主流小學,可以E得好,會好返,我都好懷疑仔仔系唔系自閉,定系發展比其他小朋友遲D姐，定系其他呢??

pocoyo123

私人機構做的評估, 一定夾雜了一些商業成份, 當然是有生意做為大前題, 所以, 最好做完拿份報告去政府排位等訓練, 再去多幾間私人CHECK下價錢, 搵D合適訓練比小朋友

chowqv

作為一個有自閉症，我個仔都有既媽媽，我睇唔明樓主既意向。

自閉症係無得醫（現今科學），但都無阻生存。只係當事人會理解唔到世人既想法，有自己獨特既思想；同樣別人都好難明白自閉兒既想法。呢個先係最困擾之事。

至於大小肌既發展，就係做訓練。無其他可做。

你要cac既醫生評估小朋友係自閉，為既係咩？服務？等佢可以排I位？E位？

June04

大概樓主係怕政府啲人輕率左, 延誤左醫治.
揾個第二個(如協康)睇啦, 但係記個自己係最清楚個仔嗰個, 凡事要過濾深思

Vichang

原帖由 新手好媽咪 於 13-06-12 發表
我都係在邁步做評估，佢都係同我咁講,E得好,有得E,會完全好返,佢話我仔係自閉症+發展遲緩,其實大家都知,自 ...

我有時覺得step 會講得嚴重d,其實小朋友並未有所講咁嚴重。

Vichang

原帖由 pocoyo123 於 13-06-12 發表
私人機構做的評估, 一定夾雜了一些商業成份, 當然是有生意做為大前題, 所以, 最好做完拿份報告去政府排位等 ...

完全同意

chowqv

supermax1010 發表於 13-6-11 15:34
今天是繼1月之後第二次見CAC醫生，CAC再一次說我說服不到她兒子是[自閉症] ，我並不感到開心，因為我和兒子 ...

樓主，小朋友應該讀幼稚園k1，學校老師點評語？

睇你既形容，學術上佢無困難，但情緒上需要疏導多d。到時平時日常相處，有無問題？

A仔最大既困難，係唔會/唔識/唔理解人地，即係社交會弱。程度可以去到，連父母都唔太識溝通。真心一句，到底佢會唔會認字，幾時分得清年月日，一個名稱既中，英文對照，唔太重要。

如果你問我，我都唔會認為你既小朋友有自閉。佢都無咩固執行為（講緊佢未有特別訓練之下），相反，佢真係好少社交活動（因為你無提佢既朋友仔，同學，以至同街外人既生活對話）

why-me

原帖由 supermax1010 於 12-09-11 發表
昨天在邁步評估之後，心理學家說是 "待分類的廣泛性發展障礙"
她說，好好攪，有得攪，但要立即訓練。 (完全 ...

咩好好攪？咪又係要俾錢做訓練囉！佢哋係在商言商，你比得個仔佢評估，佢梗係想你幫襯埋佢哋！事實上自閉症係冇得醫，你針對你個仔弱項做訓練啦，唔好諗會大大好番！面對現實吧！

pyalisa

你信自己，不用信CAC. 你可用Step 報告排服務。

我估醫返好意思，即係入主流，學習能力追平其他小孩。

社交弱同固執就跟一世，要比耐性慢慢教。