唔學野得唔得？

lutang

知道而家大部分學生都要在校外報很多英文班，普通話班，認字班等，有d話驚小一用普通話教中文小朋友會讀唔嚟，所以要早d學定；而佢地因為係中文小學，所以有d又要喺出面一路keep住學英文．但我想知以培小既程度，如果單靠喺校內學既，係咪真係唔掂架，或者好大機會會落後他人呢？

小白獅

其實在外面報其他班，好多時係家長嘅意願，唔係培小嘅問題，間間小學都有不同想法嘅家長啦！

lutang

我都明白，但當個個讀你唔讀既時候，就有可能落後人前，一陣又話要考頭百幾先入得返培中，咁如果只靠學校既進度，會唔會真係唔夠呢？

clarentrendy

依家好多有理無理都讀N 甘多樣野，根本就同學校無關系。有D系爲將來考中學而準備嘎。。。。。。

Qtnmum

我覺得你的小朋友目前只是剛開始讀小一, 不須太緊張, 先給他一點時間適應小一生活。待上學期測驗和考試成績出來後, 再決定下學期給他補習那些科目。以我自己的經驗, 你可在書局買一些課外exercise books (中,英,數), 基本上給他每天做一頁, 但你一定要核對答案, 有錯的話便要解釋給他知道, 持之以恆, 他的成績是會比較穩定的。

lutang

回復 Qtnmum 的帖子

其實我小朋友只係讀緊k1,只不過我聽唔少家長話到小一會開始用普教中,所以叫我學定,而且阿仔本身冇讀開英文和普通話,所以我希望問吓現在培小家長意見,其實單憑培小教既中英數,係咪唔足夠應付呈分試呢?因為大家都要考頭百幾先收番入培中,單憑學校教既究竟應唔應付到?我唔知呈分試要考d咩,我只係知如果教既唔足以應付就要出去想辦法!依家講好似太早,但我都想有個初步概念,畢竟我離開校園太耐了,真係唔知而家係咩世界?