今日上小一適應班,但阿仔......

JANETHIM

我幫阿仔選了家附近一所直資小學,小兒有自閉傾向，今日一齊去上小一適應班,在七月中時,已係呢間學校上過一星期的適應課程，都沒有太大問題!
今日上適應班時,家長同小朋友是分䦕的,3小時後上班房接放學時,個個小朋友都可安坐坐位上,唯獨阿仔一見到我就想喊,跟住又話好肚餓,喊住要走,仲自己企咗起身,行埋出去,最後老師帶返佢埋位！
我而家真係好擔心到9月開學,都未必適應學校的常規,好擔心阿仔適應唔到,又會收到學校好多投訴!而家我都唔知有詳可以幫佢?好迷茫

pocoyo123

其實就算正常小朋友都有機會不適應, 再觀察多一兩個星期先, 同學校班主任講, 希望多加留意, 同小朋友多些溝通, 試下問出佢有無什麼憂慮, 努力

JANETHIM

我都會先同學校講阿仔的問題,希望學校會多些照顧,始終上小一同幼稚園好大分別!
小朋友同家長都要好大時間適應,尤其我地的A仔！

hktkomama

你小朋友考到直資學校，能力應幾好。你可試下在家同佢玩下role play,扮下小學上堂，教佢一些基本常規。Good luck!

JANETHIM

我小朋友認知ok! 學習冇問題,但佢仲係有好多行為問題,如大聲說話,有時當人冇到!
幼稚園老師好take care 佢,但上到小學,真係好擔心老師未必會咁照顧!確實令我好擔憂

hktkomama

幼稚園同小學確實有很大的分別，老師對小朋友的要求和照顧都很不同，你現在可以做的都只是做一些事前的工作，例如多行經學校，同小朋友講小學有什麼好，玩模擬上堂，另你小朋友理解好，可寫一些社交故事俾佢。到開學，再見步行步。

JANETHIM

唉!唯有咁啦!都係見步行步啦!
上小學呢個街段,真係唔容易,我呢排仲為阿仔上小學擔心到失眠!
上黎呢到,有d 同路人傾下,真係舒服d!
此中其他正常小朋友的媽媽係唔會明白我地的!

BKVIP

Janethim, 你仔仔好叻可以入到直資小學，請問佢本身有咩問題？

我想請教下你當年為你仔仔讀幼稚園是安排在可升直資小學的還是普通幼稚園？

JANETHIM

我仔仔只是讀普通的屋村幼稚園,並非什麼名幼稚園,沒有一條龍!
可能上年面試時，主要考學術上的野,所以我仔ok,我仔最主要都係一些情緒,行為,社交問題多！