有無柴灣家長正在煩惱選咩小一架? 入黎傾下啦!

kksushi

小女9月要選小一啦, 本來一直心儀小西灣的培僑小學, 因為佢好活動式教學, 係處讀書好似無咩壓力返學又開心. 不過小女幼稚園老師叫我唔好選咁活動比阿女, 叫我選D傳統D催谷D好似柴米個D學校比阿女, 因為怕阿女會好心散如果無壓力, 唉攪到我好煩惱, 因為2者太極端, 點算好?

阿女幼稚園本身已經係無壓力程度淺, 平時得一樣好小功課都唔願做, 如果去傳統小學又怕佢應付唔黎! 去D活動式又真係怕佢好心散只顧住玩. 煩死人啦!

點算好

我唔系住柴灣，搭下爹，平時得一樣好小功課都唔願做，系咪冇逼過佢呀？人有惰性，唔逼一逼，梗系唔想做啦！

Charlotte_mom

一個舊post, 有關活動教學, 你可以先了解多d先:
http://www.edu-kingdom.com/forum ... &extra=page%3D1
揀學校睇2樣野: 1. 小朋友性格同本質 2. 父母期望, for我自己, 我揀左活動, 因為我知我絕對有本事做虎媽, 我唔想十幾年童年生活就係打打殺殺, 6年過去, 我女都升中了, 夠膽講句無後悔

kksushi

逼到晚晚都喊住收場啦! 8月開始比佢返公文數, 好易架咋, 講真要做5分鐘攪店, 不過佢成日都要攪到大半小時自喊住咁做!
平日學校都無咩功課, 有都係寫幾只字only, 唉, 老師又講佢係逼得, 我係home就唔覺囉!

kksushi

虎媽即係咩, 我自問食唔住個女, school講一句好過我講十句, 唉!

Charlotte_mom

虎媽, 即係對仔女好嚴苛好高要求, 樣樣都鬧, 成日覺得小朋友做得唔夠好果d lor! 我個人又心急, 有時對住小朋友都好"炆"架
如果小朋友唔鐘意做功課, 似乎活動好d wor, 起碼功課有趣d, 做起黎都心甘情願d, 而且上堂interaction較多, 小朋友會有心機d
提醒你一樣野, 活動教學, 一樣要做功課, 不過形式上無咁反覆操練姐, 而且功課好多時無絕對"對"或"錯", 可能準備功夫仲多, 家長一樣要投入的, 唔好以為活動就等於家長唔駛跟進呀

kksushi

thx charlotte_mom, 我剛才睇左你上面提的page, 原來你地都係私立的, 我原本都想幫阿女試港大同架, 唉後來想到要6+5年, 都係唔好比咁大壓力自己啦! 最後去左培小開放日, 聽完校長及觀課後, 原來培小都好有呢D私校的影子, 加上佢D老師又勁, 點知而家比阿女幼稚園老師講一講攪到我心都煩埋.

我唸我好大機會都會選返培小做第一志願啦, 我唔係想阿女做一個好成功讀書好勁人, 只想佢可以開心咁成長做一個好人!!

k_lego

我不是住呢區，亦唔識你講果d學校。不過曾經喺谷與唔谷之間猶豫過好耐。我女文靜專注型，但寫字好慢好差，問過老師簡一間谷&多功課好，定輕鬆愉快標榜少抄寫既好。老師話谷既學校，唔擔心阿女跟唔少，只怕做唔黎d功課。此話更令我動搖，如果好似老師咁話，阿女程度上可以讀谷既，但唔俾佢讀，係咪好嘥？我自己都喺傳統學校大，學校唔多尊重家長，甚至有次係街上直斥我麻麻無禮貌所以教到我咁（就因為個訓導老師見到我麻麻係斜對面馬路，但麻麻無叫佢），所以我對傳統學校有點抗拒，後來有幸參觀阿女的心儀小學，亦即9月將會入讀的小學，一行入學校，我感覺到被受尊重，而阿女都好鐘意，所以我簡咗呢間，唔谷&少抄寫功課的小學---一間個個都當我傻先會簡的小學。

dwkw333

Charlotte_mom 發表於 12-8-23 11:00
虎媽, 即係對仔女好嚴苛好高要求, 樣樣都鬧, 成日覺得小朋友做得唔夠好果d lor! 我個人又心急, 有時對住小 ...

Agree. 活動教學, 一樣要做功課. Some people confuse that 活動教學 = No功課 which is not the fact...

yuenheimama

我細仔都係對於抄抄寫寫的功課非常抗拒、每次都要開戰才肯馬馬虎虎寫完，但大仔就相反是谷得及喜歡做功課。我亦曾經掙扎過是否選擇谷的小學，但最後因老公話「一世人讀咁多書、讓小朋友過個快樂童年啦」，結果揀了一間多活動而小朋友參觀完又好喜歡的學校，希望我和阿好們都有個快樂童年啦^_^

Charlotte_mom

原帖由 dwkw333 於 12-08-23 發表
Agree. 活動教學, 一樣要做功課. Some people confuse that 活動教學 = No功課 which is not the fact...
...

其實有時仲煩，做版文法練習，有根有據，點都易過寫詩作野

yk

Charlotte_mom 發表於 12-8-23 20:06
其實有時仲煩，做版文法練習，有根有據，點都易過寫詩作野

絶對認同.
有時我對住阿女D功課都好頭痛.

Chloehlk

想請問你阿女讀邊間幼稚園，甘好老師會幫忙你選擇學校嘅。我本身都是住小西灣，都煩緊選校！

kksushi

我女間幼稚園好淺，老師係建議吾係幫我地選。 老師認為谷適合，不過怕入到去谷學校係屍底個幾D!

lojo11

培僑本身我都鐘意，但仔幼稚園老師話自由只會令我仔更膽大，更自把自為！最後入左間16網其中一個出名谷的學校。小一過去了，我仔讀得好開心，曾經諗過轉12網學校，仔話收都唔讀。

雖然話出名谷，但讀落唔覺得谷，仔每日做功課時間都係半個鐘，不過都聽過有d要做兩個鐘，好睇小朋友屬快手定慢。

所謂谷，一樣可以有快樂學習的小學生活，只要你搵啱小朋友的學校。

kksushi

lojo11你好呀, 你仔係邊間呀? 本身你仔幼稚園深唔深架? 本身你仔做功課係米已好好架啦? 唉我女老師都係咁講, but本來阿女做功課已成日唔做, 同老師講都2回事, 所以我先咁煩惱, 如果阿女係home都已好like做功課就唔同啦, 我一定會谷下佢, but唔係囉!

lojo11

回復 kksushi 的帖子

我仔本身幼稚園都算幾傳統, 比起一D活動教學幼稚園應該係深D... 依家係新基灣讀緊...
或者考慮比個女去功課班, 有D小朋友聽其他人話多過呀媽... 不過我本身唔贊成初小就去補習社...
我要返工, 平時主要係工人睇我個仔, 開頭入呢間小學, 好驚個仔攪唔攪得掂D功課, 所以搵定補習社比佢, 個幾月後佢話唔想去... 咁我就比佢自己係屋企做功課, 做完就可以自由活動... 依家佢學識左自己安排時間.

我仔比較有自己主意, 揀活動教學小學比佢一定好開心, 而我亦煩少D... 不過所有野都有好有唔好, 無絕對的好同唔好... 見佢依家又返得咁開心, 總算放心好多..

希望你為囡囡揀到適合佢的學校...  

lojo11

回復 kksushi 的帖子

補充: 我個仔唔鐘意做功課... 阻住佢玩... 不過佢鐘唔鐘意我唔會考慮, 係邊間學校都要做, 佢地要學識"接受及克服", 我夠唔想早起返工啦... 幾唔鐘意, 都要學識用樂觀的心情去調節自己去接受... 將來佢地仲有好多野去配合, 而唔係人地配合佢地...

TSEHANG

原帖由 kksushi 於 12-08-23 發表
小女9月要選小一啦, 本來一直心儀小西灣的培僑小學, 因為佢好活動式教學, 係處讀書好似無咩壓力返學又開心. ...

我仔仔以前同學是培僑 聽說現在功課每天也十分多 不過培僑有好多次Open day 可以問吓老師

atirw

你覺得新基灣點呀，我重考慮新定舊基灣，開學好快就要決定。