寫給新手父母的一些小心得

anan3388

寫給新手父母的一些小心得 (我仔仔依家就黎5歲, 1歲7個月發現。希望以下分享對新手父母有些幫助)

1. 自閉兒個個不同, 自閉程度不同, 智能不同, 社交溝通力不同, 興趣不同, 身體狀況不同, 所以別人的方法對你的孩子未必岩用, 聽左方法後, 仲要了解埋人地個小朋友似唔似你個小朋友的 case, 再決定試唔試

2. 照顧自己的身體,情緒健康先於自閉小孩: 不要忽略自己和其他家人的情緒健康, 一個健康的家庭對孩子係最大的支援, 不要只顧著幫小朋友, 犠牲自己和其餘家人。

3. 其他著重對身體的療法衡量後去試, 但家居和密集訓練儘量要 keep 住, 就算做得疏, 也要 keep 住做, 最好唔好只係用其他療法

4. 不要和普通孩子和其他自閉兒比較, 比自己和孩子壓力。要比就同佢自己以前比

5. 試著盡量正面和樂觀, 係好難, 但對自己和孩子有好處。每天想想孩子的優點, 無可能無一樣優點的。在孩子的長處著手, 帶動弱處, 往往事半功倍

6. 接納現況, 不要想太遠, 徒增焦慮, 一天難處一天當

7. 管理自己的期望, 唔好對孩子和自己有超出現實的期望。拆分小目標, 做到後, 好好的讚自己和孩子, 好好慶祝一下

8. 找一段時間享受和孩子相處: 找一小段時間放低訓練的想法, 只係玩下鬆下 (e.g. 我鍾意同仔在床碌下支下), 開心有好多好多益處

9. 剛發現之後一兩年係最難過的, 但孩子慢慢長大, 係會有進步。以前我唔信, 依家信了。抱著佢會長大會進步既心情, 慢慢教, 雖然唔好奢望, 但絕對要有希望

10. 找同路人分享和支持, 條路易行好多

11. 了解多些不同的療法和訓練方法, 尋找最適合孩子的組合 - 通常比較少一種療法就得, 因為個個唔同, 所以療法也要適合孩子的情況, 而隨著孩子成長, 亦要有所調整

12. 運動最好 keep 住做, 感統運動, 大肌運動, 游水打波去游樂場溜冰踏單車踏車等等, 可以每天做到1小時或以上最好, 自己做埋一份仲好, 運動係有好多益處

13. 教孩子學文字, 一般自閉兒視覺比聽覺好 (當然有例外), 早些學認字很有幫助

14. 有信仰的, 回到信仰中尋求力量

暫時諗到咁多, 其他的想到再加
(當然, 回到第一點, 每個自閉兒都不同, 大家衡量返自己孩子情況, 再睇以上的心得啦)

祝福各位, 加油

kelvin_hmlau

多謝分享，新手老手都很合用。

apple~y

多謝你的分享
我仔仔同你小朋友差不多大仲有兩個月5歲,
我覺得呢點自己把口就係0甘講"7. 管理自己的期望, 唔好對孩子和自己有超出現實的期望。"
但個心係期望小朋友可以回到主流,有自己朋友,過正常人生活
我都係自己調整緊

HopeLJ

說得真好，很用心的分享，謝謝。我會努力~

pocoyo123

4. 不要和普通孩子和其他自閉兒比較, 比自己和孩子壓力。要比就同佢自己以前比..............................................
<(比較他人)>係香港教育制度下,一個K型的學習態度, 正常的家長比分高, 課外活動多, 証書多, 外語多, 運動多, 有時見到朋友果d明爭暗鬥, 仲好睇過電視劇

bbqiu

句句都敲緊自已的心一樣,被評後的一年(即3歲後最難捱),因佢的3嵗同人地的3歲比,只有人哋嘅兩成,常想他不止是自閉,根本就是智能有問題,付出的$,時間,心力不足為外人道,会無故失眠,哭,担心他日後的生活.喺街度人地開始留意到佢與別不同,眼光怪怪,
anan你說的真是句句是金句,值得貼在當眼處,常提醒自己.  

anan3388

其實, 好多點都要加上 "儘量" 呢兩個字, 因為我自己都未必做到, 但, 又發現咁諗係比較有好處

apple, 我都係咁諗, 有長遠目標係好好, 但呢樣目標都可以拆細做小部份黎達到既, 咁我就係用rdi方法, 由好基礎咁做起。其實老實講, 好基本既, 仔仔都做唔到, 咁, 唯有再拆細, 再拆細, 細到佢做到, 先一步一步再上返。否則會好沮喪, 無力行落去。做到少少就開心下, 唔係點捱 !

bbqiu, 你既心情我都經歷過, 當時自己好焦慮, 發哂矛, 一有人話咩好咩得, 就一頭中落去做做做, 抱住做到既就做既心態, 點知過左火都唔知。

後來有段時間我都放低左唔少仔既訓練, 只係在日常生活帶住佢, 點知佢都一樣係有進步, 有時d野好得意, 若速不達, 所以盡左力, 唔好盡太多力到迫到自己太辛苦, 因為前面仲有好長既路, 等緊我地同仔/女一齊行, 一齊享受。共勉之

Capricorn2521

回復 anan3388 的帖子

【後來有段時間我都放低左唔少仔既訓練, 只係在日常生活帶住佢, 點知佢都一樣係有進步】====== 當父母帶著小朋友訓練咗2-3年，父母係好清楚小朋友的情況，所為久病成醫，到時吾需要太多指導，父母一樣可以在日常生活中加入訓練元素。

kelvin_hmlau

rdi 阿sir 已經叮囑我和兒子相處要同一般孩子一樣， 不作過分修補。亦已經將大部分訓練變做興趣班了，例如鋼琴，繪畫，彈床等。

apple~y

你真係講仲我心聲,我前排都係
"當時自己好焦慮, 發哂矛, 一有人話咩好咩得, 就一頭中落去做做做, 抱住做到既就做既心態, 點知過左火都唔知。"
心急快0的追番上大隊,結果攪到好沮喪,情緒勁差
時時問點解自己0甘努力幫仔仔,個報補唔係自己心中預期
唔係只係努力就一定會有收穫??

壓力爆炸,所以之前仔仔放暑假時
我放鬆自己,放低訓練仔仔除0左番協康會暑期全日班,
去街,去公園玩
完全放鬆自己,但仔仔呢段時間體能,同人相處都進步0左
係意外收穫

apple~y

回復 pocoyo123 的帖子

我0地呢0的仔唔使同人明爭暗鬥,或者都係好事.....

BKVIP

多謝ANAN的分享，很踏實而令我們這些家長受益不少。

無錯，唔好人話好就走去試，要明白自己孩子的特點與專長，不要抱有太大期望，就唔會有太大失望，若有進步當然就係BONUS。加油啊！

onmama1819

多謝分享。我正是新手媽，剛起步領著28個月大的小兒子向前行。

bbqiu

也常提醒自己不要想太遠,現階段我个仔超可愛.將耒的事預計不到也改变不了.
多謝你地呢班同路人,上黎同你地傾偈後,心情好左8成.

happyhehe

Thx~~~~~

idak

每次睇番都覺得好有用！thx！

alicekg

idak 發表於 12-9-12 10:09
每次睇番都覺得好有用！thx！

絕對同意