有中文讀寫障礙的中學家長嗎

840167

因為小女中文成績拖垮了整體分數,來年要降班至中文班,他是中文學障,所以打算幫他轉校, 大家有心得可分享嗎?

yywhk

我囝囝都係中文讀障, 中文同中史兩科KO佢, 但幸好他讀英中.
不過我始終擔心他日後升讀本地大學有困難.

我估計你囡囡的情況, 如果入讀中文班, 一定百上加斤. 能否轉國際學校或者出外留學? 有和學校的社工商量過嗎?

ALAL

轉校- 支持

840167

好多謝你們的支持,只有在這裏有人明白我,我曾向教育局反映,回覆是香港教育不會因學生是中文學障而給他一個英中學位,要看整體成績,而我女的情況是越差越差,中一時我要為他翻譯maths,但如來年再降班至全中文班我又可翻譯多少科呢,yy提及的國際學校或者出外留學是最理想的解決辦法.可惜我冇能力.我曾妙想天開的想,有band3的英中嗎?教局給了我一些給特殊需要的學校電話,但我女其他科是可以應付的,即使我曾報讀的中障班導師也說,政府的研究資助只給他們至小學,中學已沒有課程提供,頭痛...

ALAL

直資中學就最理想,看看有無學費減免

840167

回復 ALAL 的帖子

我看過那些減免申請表就怕怕了,我還是跳天橋算吧

yywhk

完全明白你的心情, 香港的教育制度真的令人氣憤...

囝囡的讀障問題是需要家長的支持才有機會克服的, 我們做家長的先不要洩氣.

band 3 英中我不清楚到底有没有, 但會有英文班. 我認識一位 st joe 小學成績band 3的男仔 (其實係佢媽咪話佢實係band 3, 因有好似唔只一科唔合格喎) , 佢响北角一間中學讀英文班, 讀得好開心吓) 雖然佢應該唔係讀障, 只係無心向學, 但佢話而比小學開心好多.

直資中學的學費都有分等級, 唔係間間都收成半萬蚊一個月咁貴, 你有冇check 過??

840167

回復 yywhk 的帖子

好多謝你的鼓勵,頭痛的是英中也必須讀中文,中史,我自己以前讀聖瑪利有中國人可讀FRENCH的,5知而家仲有冇,知道有一些中學有FRENCH科,但也要必修GCSE中文,問題是GCSE中文是給外籍,學障暫未有此權限.以前我自己也有修讀學障家長班,為他拆字,畫圖,天呀,現在中學我可拆多少,畫多少,如不轉校我可要畫十幾科呢!

yywhk

回復 840167 的帖子

你說中文和中史就是最令人頭痛的兩科. 中史捱到中四可以不選, 因我兒子只是 marginal dyslexia, 所以現在我可以放手讓他自己讀,只是成績比較差 但中文就是令我擔心他不能在港升大學的一科.

回說你的孩子, 看來她的讀障頗嚴重, 這是很難在短期內改善的(對不起,很殘忍), 我們只好學會接受, 因為自怨自艾或者怪罪於學制,政府根本於事無補. 我當初confirm 兒子的讀障時也覺得難以接受,哭了好幾晚.

你看過讀障醫生丁錫全的video 嗎? 很值得看. 另外, 我有一次聽丁醫生的讀障talk, 他介紹了一位極嚴重讀障的學生(已經16 yrs or over), 是香港單車代表隊成員, 目的是鼓勵我們讀障孩子是可以有其他發展和出路的.

我個人意見覺得, 當然你要為孩子爭取更適合她的學習環境, 但如果已盡力但仍爭取不到, 那已"問心無愧", 可以用平常心去面對得失. 問心無愧這四個字一直是支持我自己走下去的.  其實回想孩子出生時, 我對他的期望只是健康快樂地成長, 雖然學業上他不能成為人中之龍, 但只要他健康快樂, 做個好人, 日後能自給自足, 不是已經满足了嗎?  我曾經迷失過, 但我想我現在知道路要怎樣走下去.

其實新高中學制已經比舊制適合學障的學生, 叫囡囡俾心機捱多一年, 中四就可以選自己喜愛的科目了. 有一點我最想分享的: 就是孩子都盡力了嗎??? 如果是, 但成績仍不理想, 那麼他更需要我們家長的支持, 欣賞和鼓勵, 拾回自己的信心 (成績差, 真的令人容易缺乏自信的), 希望她學業以外的成就支持她. 還有是他們正值青春期,會比較反叛, 我會注重體諒他的難處, 關懷他的情緒, 保持良好親子關係多於學業成績.

明白大家都面對類似的問題, 但處境和情況又不盡相同, 只是分享, 希望能令你放開一點.  

840167

回復 yywhk 的帖子

yy,
我一路睇你d野,一路喊,抑壓在心咁多年好似終於有人明白咁...
我要看看你介紹的video,再傾

yywhk

哭過後,就要笑番, 日子無論笑喊都要過, 笑住過好D...

有需要時PM我, 可以, 因為打字都好花時間吓....

840167

回復 yywhk 的帖子

sweetie yy,
我已看過video了,真係好勵志啊,我叫個女睇,佢5睇,好似自暴自棄咁,日日做宅女,同學叫出街佢又話太肥冇衫著...希望轉了新校有新開始啦,佢成日只係懷念小學讀英小d威水野,乜朗讀獎乜作文獎..成日話想讀國際學校,我話冇錢佢又唔明,哎,一起努力吧.

khmama

據我所知聖保祿學校中三已分科，中四考IGCSE，中五可以選擇讀GCE A-LEVEL，然後以非聯招考本地大學，不妨試下考插班，學費每月二千幾。

sumheima

回復 840167 的帖子

你住邊區架?如果你囡囡讀英小,現是中文讀障,致成績不佳,應該轉去一些收生要求不高的英中直資.

上水心誠學費好平,一個月好似只是幾百元,另外,我囡都是讀英小,她有些成績不是很好(不知是否學障),但想升讀英中的同學去了深水惠僑和天水圍香島.

fallenstar023

嘩, 原本你地啲仔仔女女咁大個喇...我仔現在先小二才發現佢有中文讀寫障礙...唉...為有將英文為主課...因為我自己覺得唔識睇中文係香港冇問題...唔識英文先係問題....

yywhk

回復 fallenstar023 的帖子

如果讀local school, 有中文讀障係好大問題o架, 中文唔合格冇得入本地大學,你都知啦,  唔講咁長遠, 淨係升中,單係中文一科已經可以令小朋友上唔到band 1 入唔到英中, 於是中文讀障入中中讀, 你都可以想像到幾慘,
或者讀國際學校就好d.

但始終响度生活唔識中文係唔方便lor, 我識人讀 FIS, 中文好差, 十歲連餐牌上"豬扒"兩個字都唔識睇, 字都唔識寫多個, 只係會寫自己個中文名. 但佢又同本地小朋友一齊玩, 其實好唔方便.

smallmama

回復 fallenstar023 的帖子

我覺得係睇父母幫唔幫佢, 如果小時候便發現有, 只要父母肯抽假日同佢上多d幫到佢哋既course, 佢哋可以改到, 起碼我識一些呢類小朋友都可以自己看到書(包括我仔), 所以你小朋友仲細, 而家起步同佢開始未為晚也.

evacalbee

原帖由 smallmama 於 12-10-20 發表
回復 fallenstar023 的帖子

我覺得係睇父母幫唔幫佢, 如果小時候便發現有, 只要父母肯抽假日同佢上多d幫到 ...

請問有咩course係幫助中文讀障? 我女女未check，但K2見到『大』『小』兩個字都讀唔出，我懷疑係中障。佢英文反而ok。數學感亦差，但數學課程坊間比較易搵到。可提供一些中文課程參考嗎？謝謝。

MrBeast

evacalbee 發表於 13-1-10 14:10
請問有咩course係幫助中文讀障? 我女女未check，但K2見到『大』『小』兩個字都讀唔出，我懷疑係中障。佢英 ...

如時間許可，自己教，每日十分鐘effective過一星期一個鐘，google 下一些multi-sensory 的方法和要生活化。唔mind比$和同一些真有special need的一起上課的話就可試下協康這類機構。

evacalbee

MrBeast 發表於 13-1-11 10:33
如時間許可，自己教，每日十分鐘effective過一星期一個鐘，google 下一些multi-sensory 的方法和要生活化。 ...

謝謝.

可能我係過早擔心, 但我想早D幫到佢, 上小學會無咁辛苦
因為到小學根本無時間去慢慢砌
同埋佢會入哥哥讀的名津校, 如果呢年都覺得追唔到, 我就會同佢去第二間.

我K2開始同佢溫. 自己寫字卡, 同佢一齊嚮字卡背面畫公仔. 然後中文字上面加點象形記號. 例如將蛋糕, 糕字上面兩點變成蠟燭, 等佢易D記. 主要係學番學校學過的字.
初初好好, 佢好似認到好多字卡詞語.
誰不知原來佢只記了象形記號, 如果無了那個記號就唔識了.
那是直至我發現佢原來大小二字都唔識, 我知我的方法失敗了, 好氣餒.
我聖誕果陣將佢的姓名製成字卡, 剪開, 當砌圖玩
後來發現呢個forum, 先懷疑佢有中障, 先知原來中障真係要拆字教.
所以想知有無D專業的course, 例如佢地會唔會提供到拆字的字卡, 唔洗自己剪到手痛...