自行考皇仁是否要全級頭三名？

C9大王

請問自行入皇仁是否要考全級頭三名？謝謝！

piagetmum1

仔仔學校自行入了四個同學，計算女同學在內，應不是全部考三名之內。

cheuk01

和尚寺收女同學?

ratafan

I think she means the ranking includes girls

cheuk01

oh, i see

ohnono

淨係田灣始南，上年都收5個，今年紅馬又四個。不過呢d情況真係可遇而不可求，唔好當常規。

通常皇仁會盡量將自行位攤分比全港各小學，除成績特別好的小學外，其餘的都是一個起，兩個止，並以一個的佔多數。每當遇到某間學校有3、4個同學來的，而湊巧他們的排名都在200內的話，某程度上是憑獎項的多少和重要程度，加上面試時的表現，可以說是自己人打自己人了，在這情況下，全憑獎項和面試表現，第三贏第一都可以發生。我自己就覺得皇仁好睇重面試這部份。

所以跟本無需問考第四、五可唔可以報讀皇仁，就當四個或五個只能活一個時，你只要問自己有沒有信心可以贏到你學校一齊報名的同學就可以，咁先決條件都係要你在教局的排名次序當中要能脫穎而出，被學校從700多人中揀選出來面試才有機會喇。

另外，皇仁還有7個特異功能位，講到明你可以憑特殊技能申請，特別是一些冷門的項目，上年皇仁都收左d滑浪風帆和劍擊的高手。

C9大王

多謝各位意見。

MC1128

ohnono 發表於 12-8-19 16:57
淨係田灣始南，上年都收5個，今年紅馬又四個。不過呢d情況真係可遇而不可求，唔好當常規。

通常皇仁會盡量 ...

請教ohnono:這種收自行生的方法,是否普遍傳統名校採用,我試分析MCS的外來生名單,發現生源很散,絕少一間小學有兩個或以上

ohnono

MC1128 發表於 12-8-19 22:28
請教ohnono:這種收自行生的方法,是否普遍傳統名校採用,我試分析MCS的外來生名單,發現生源很散,絕少一間小學 ...

我記得校長曾經在上年考PreS1當天的家長會當中，提及這種方法是免得順得哥情失嫂意(唔知今年的家長會有沒有提及)，校長話每年咁多學校提供的頂尖學生來報讀，係比面我地，但一年最多都係收40幾個，如果每間收2個都係得20幾間學校受惠，所以學校唔會收死幾間名校的學生，反而會盡量收取不同學校的學生由其是考第一的同學，希望每年不同學校的學生、寫長和老師都不要氣餒，唔好諗住間學校冇人地咁叻就唔報，咁樣對學校都冇乜好處。

我覺得順得哥情失嫂意都係咁多個原因的其中之一，盡收天下精英才真。所以考第一的同學一定有著數，亦係每間學校之中，進取心最強的學生，所以只要能夠將佢地集中一起，就能激發起不同的火花。我就是經歷了如坐過山車的一年！

htts

我地小學級2-3男仔入左QC, 佢地Maths好勁.  我地係他區的.

Charlotte_mom

我朋友個仔, p6時都吾係精英班tim！ 面試表現好緊要，題目吾係深，主要考小朋友應變力同識吾識唸（成熟）

ohnono

Charlotte_mom 發表於 12-8-21 20:21
我朋友個仔, p6時都吾係精英班tim！ 面試表現好緊要，題目吾係深，主要考小朋友應變力同識吾識唸（成熟）



  ...

我絕對同意面試係整個收生過程中，係好緊要，亦係可以起死回生的一個部份。試想想，那班老師呆在一起一整個上午和下午，年年如是，做著千篇一律的動作，有些老師甚至在聽的時候可以雙眼緊閉、跟住問一兩條問題，比分，叫下一個號碼。如果同學可藉著面試的短短的十多分鐘，找緊機會將自己最好的一面表現出來，就像在平靜的湖面，只要激起一點點連綺，老師的一個眉頭，或一個笑容，也足以表示老師對你另眼相看。

況且老師亦唔想找一班淨識讀書的書呆子回來。以往在一般傳統名校中陽溢的書卷氣，現已通通被同學的「生氣」、「陽光氣」等掩蓋了。

好多家長都以為面試只是一場戲，假如學校真的要給你一個機會去做這戲的話，就即管做到最好。叫好的戲未必一定叫座，叫好又叫座的戲還得看做化！

Charlotte_mom

原帖由 ohnono 於 12-08-21 發表
本帖最後由 ohnono 於 12-8-21 23:41 編輯

朋友話當年其中一條題目，超簡單實用的：如果你好想買一樣野，父母吾肯買你會點。而我朋友個仔亦好簡單直接咁分析（呢d就叫家教，真係靠平時耳濡目染）：第一，如果一定有需要買，父母吾會吾買，如果吾買首先唸下係咪吾需要，第二，如果真係需要買，係咪只有一個選擇，有無其他更平更好的，第三...

martie

Charlotte_mom 發表於 12-8-22 11:46
朋友話當年其中一條題目，超簡單實用的：如果你好想買一樣野，父母吾肯買你會點。而我朋友個仔亦好簡單直接 ...

I think the result is very clear : the boy was offerred a place.  The analysis is even better than many U graduates during their job interviews.

ohnono

Charlotte_mom 發表於 12-8-22 11:46
朋友話當年其中一條題目，超簡單實用的：如果你好想買一樣野，父母吾肯買你會點。而我朋友個仔亦好簡單直接 ...

你又令我想起有家長話一個十一、二歲的小朋友，唔可能做到好像大人般的分析能力。又話如有這樣的分析能力重勁過中六的學生去考通識。

我覺得主要係個同學的出發點，老師會睇個同學有沒有嘗試去作出分析，跟住答到個重點，已經足夠，內容可能只是錦上添花。

你舉了一個活生生的例子！