升中一了, 要全科補習(睇功課), 還是只補專科的?

lingli

如題, 另外, 如在銅鑼灣或中環, 有沒有那間/個補習社/老師好? 謝謝!

oscarmama

嘩！中一補全科？好落本喎！

orangebb

我個人認為中一功課溫習應該靠自己啦。個別弱科目就揾私人單對單教到明。邊科弱就揾個叻科岩考完大學生教, 真係會教識答題技巧架。

lingli

回復 orangebb 的帖子

你講得也有道理! 因為以前小學一向補全科再加專補英文, 如果升中停了補功課, 怕她較難完成功課或成績退步. 上星期六, 開完家長會, 覺得學校好像沒有太多的功課! 似乎補功課的意義不大. 是否大多的中學生都不會補全科/功課?

orangebb

小學我已唔建議補全科功課。基本上小朋友如果上堂留心, 功課應該應付到。有時錯漏都係一個過程，要忍耐。眼見好多同學倚賴補習老師完成功課, 成績係唔見有進步。

xTinction

確實如此。
做功課係小朋友既責任，
最多係家長稍為督促指導，
無理由仲要有個人係到睇住佢做功課。

個別科目弱可先跟老師商量，
再根據小朋友的性格決定是私人補習/大型補習社還是其他的方法。

lingli

多謝你地既意見! 我覺得補功課係可以幫到學生既 (小學的時候), 因為如果有吾識, 吾明的地方, 即刻有人教. 而以前既補習社除了教功課外, 還會同學生溫習, 應付測驗考試. 幾好架! 所以我覺得, 吾需要補習但又成績好的學生, 是比較聰明和勸力. 亦比較獨立.

但中學了, 的確要比番多D責任小朋友. 也同意只補個別弱的科目. 那要開了學再觀察一段時間再決定.