你地點解會揀李小?

29XX86

我就係因為...

1. 我住天水圍, 想子女係原區讀書, 唔想子女舟車勞動
2. 就正因住天水圍, 想報直資, 學生有飾選過(應少d新移民)
3. 學生/家長都有相當質素
4. 語言方面較注重
5. 讀書壓力較津貼小學為少
6. 問過讀李小既小朋友都愛上學

唔知你地揀李小又因為咩呢?

莎莎莉莉

其實同你差不多.
近+天水圍直資是主因~~我自己讀書咁耐都未試過間學校咁近....
講真, 有時唔係真係咁想俾錢, 但自己去過唔少官津校參觀, 總覺得唔係心入面杯茶....覺得佢地限制始終較大.
我個係仔, 我始終希望小學階段的教學係可以活潑一點....我希望我的期望是可以實現的.

佢係直資得來, 感覺上又無出面果D咁貴族. 依家英華, 陳守仁果D, 好似已變成了香港中產家庭子弟成就就大比併的戰場, 其實我唔係咁鍾意.
李小似乎仍相對樸實一點吧?

仲有係, 佢地數學轉番中文教, 也係我加分原因.
我始終覺得, 學校肯咁做, 反映左其實佢地係有心教好學生.
否則, 學生唔掂, 大可迫家長自己死都死掂佢, 而唔會從問題的根源出發.
所以當初圓玄同李小收我仔, 我都亳不猶豫地放棄了圓玄了.

29XX86

莎莎莉莉 發表於 12-8-18 22:14
其實同你差不多.
近+天水圍直資是主因~~我自己讀書咁耐都未試過間學校咁近....
講真, 有時唔係真係咁想俾錢 ...

佢係直資得來, 感覺上又無出面果D咁貴族. 依家英華, 陳守仁果D, 好似已變成了香港中產家庭子弟成就就大比併的戰場, 其實我唔係咁鍾意.
李小似乎仍相對樸實一點吧?------------->> 係呀! 我都好認同﹗

kywcheng

回復 29XX86 的帖子

我想我個仔入去讀...因為...近 (家住天水圍)
全天水圍得呢間直資...學費...平 (相對其他直資學校同私校)
英文...普通話...教學...好 (比起大部份津校以廣東話教學)
...
因為...近...平...好....
我都唔知個仔有冇福份...入到...我估應該好多人爭住入去讀
我個仔唔係讀英文幼稚園...D英文麻麻地...的普通話...好普通...
...
入到就入...入唔到就等大抽獎...

29XX86

kywcheng 發表於 12-8-20 12:08
回復 29XX86 的帖子

我想我個仔入去讀...因為...近 (家住天水圍)

我囡今年升小一, 佢果屆約4-500人in, 我囡都唔係英文幼稚園, 不過佢英文都ok, 其實interview佢唔怕羞, 做到指定野就ok架, 佢考捉康樂旗, 比一張動物卡, 串左個英文字比小朋友聽, 叫小朋友畫返出黎, 串返個字, 寫返自己個名, 油埋color, 家長就答問卷.

莎莎莉莉

語文能力強固然係有優勢,
但係, 我覺得佢地面試唔係純然看語文能力
從玩飛行棋過程, 看小朋友的思維能力和與人相處的能力. 係咪識守遊戲規則, 輪流玩, 兼且看數學思維能力.
我反而覺得佢地係傾向收D"定"一點的學生.
我大仔當時IN時整親右手, 連自己個名都係勉強用左手寫, 我唔知佢果時係點考的.

kywcheng

回復 莎莎莉莉 的帖子

請問李小最新的校長叫什麼名字?  

Danny3101

回復 kywcheng 的帖子

新校長名字是   陳婉琪校長  Ms. Karen Chan..

29XX86

原帖由 kywcheng 於 12-08-22 發表
本帖最後由 kywcheng 於 12-8-22 11:06 編輯

回復 莎莎莉莉 的帖子

聽講係副校長升上去。

cat221

如果唔識捉棋會有影響嗎？

29XX86

原帖由 cat221 於 12-08-22 發表
如果唔識捉棋會有影響嗎？

以我見解佢考捉旗其實想觀察兩樣野，一係睇父母有冇親子遊戲(因捉旗通
常係父母教),二是觀察小朋友與小朋友嘅相處。唔知我有冇估錯呢？

cat221

29XX86 發表於 12-8-22 23:42
以我見解佢考捉旗其實想觀察兩樣野，一係睇父母有冇親子遊戲(因捉旗通
常係父母教),二是觀察小朋友與小朋友 ...

咁我要train吓佢喇!應該玩乜嘢棋好呢

29XX86

原帖由 cat221 於 12-08-23 發表
咁我要train吓佢喇!應該玩乜嘢棋好呢

波子旗，飛行旗，uno

iamchingching

請問各位9月份會否有國民教育獨立成科? 若未決定, 那學校意向如何? 因為圓玄己表明有

looking

回復 iamchingching 的帖子

大家睇吓李宗德先生的職務, 就知道我哋的學校必會推行國民教育, 而且我地學校每年的全級五年班學生都要會參加五日四夜的認識祖國團, 我相信一定會推行國民教育這一科


李宗德曾擔任過香港青年聯會主席，香港工業總會「香港塑膠業協會」副主席，中華人民共和國國務院港事顧問、香港特別行政區第一屆政府推選委員會委員、第九、十屆港區全國人大代表等職務。並任中華全國青年聯合會常委，浙江省寧波市第十屆政協委員，並曾擔任國際扶輪第3450地區（香港、澳門）地區總監。
2007年4月至2009年3月任青年事務委員會主席。
2009年4月起任公民教育委員會主席。

莎莎莉莉

我只想講, 我一直唔反對有國民教育科
我唔明, 依家香港人睇事情點解只係聽一兩個觀點就算?
我的工作同課程有關, 一直以為, 課程指引只係一個中性的指引
就算你真係再睇番呢份國民教育指引, 佢入面的內容我真唔覺得有洗腦的傾向
(因為工作關係, 我大大話十幾年study過七八個中小學的課程指引)
最重要, 係學校選甚麼教材來教

依家, 大家一聽到國民教育就驚, 點解呢?
是驚那份國情教育中心的教材? 你真係信有學校會用嗎?
這類教材一直在香港都無千無萬, 但唔一定有學校用, icac, 紅十字會, 突破.....間間都有自己的教材, 但大部分學校都只係收來放左係校務處

唔知底裡的人, 就被政客利用左, 以為國民教育科=呢種教材.根本唔知實際運作係點

我係好想下一代真正去認識自己的國家,
依家出來反對果班後生仔, 有無真係讀過中國近代史?
甚麼土地改革, 三反五反, 三面紅旗, 大躍進, 文化大革命....牛棚, 幹校, 下鄉, 知青, 究竟佢地知唔知係乜?

批判性思維的質素高低在乎知識基礎
一味反對而唔去真正讀下中國事情, 尤其係歷史的人,
就會淪為依家泛民式的反對, 根本係無知.
有人就講過, 依家西方大部分學者都一定讀過馬克思的資本論
但佢地並唔會被洗腦
因為, 大家其實係要有事實基礎先比較到邊個制度叫好!
仲有民國年代好多中國作家曾到日本留學, 人地又有無被洗腦呢?

仲有, 好多指引內的國民教育內容在現行的常識科已存在.
唔係突然爆出來的.
最重要係前線老師的引導. 家長做監察.

我自己好鍾意讀中國歷史, 睇到文革既書會睇到喊
正因為咁, 我反而好想自己個國家好
但係, 依家一味反對果班, 俾我感覺只係當年的極左人的翻版
唔係為討論問題, 唔係為完善一樣野, 唔會同你傾, 唔會有任何的溝通和妥協, 只係一味堅持自己果套係啱
呢種教育又係咪好的教育尼?

莎莎莉莉

我無意把這裡變成一個政治討論區
只係, 我真心希望大家能兼聽則明, 用公道一點的眼光去睇
最近中學校長會的意見十分合理, 值得參考
陳惜芝那班人的, 我只覺得佢地只係想反對而已, 根本沒甚麼有建設性的建議提出來
教協仲話罷課, 不值一提. 而且擺明係, 項莊舞劍, 意在沛公而已.

iamchingching

多謝looking的詳細回應，我竟然無留意李宗德有甘多相關職務！

iamchingching

亦多謝莎莎莉莉的個人感受回應，我年多前已为準備选校留意，已在此及其他话题看到閣下的分享，我都很赞同，而李小是我最心儀的一间，但对於國民教育的争議，我也有去了解，今次真的不同意妳上述部份的看法，但相信我倆都是有自己的理念，为自己的子女而为，而不是要爭論，所以不多說了，各取所需吧。

looking

回復 莎莎莉莉 的帖子

國民洗腦下的犠性品

http://www.youtube.com/watch?v=7T-bBSPa764&feature=player_embedded