n班的同學仔叻我仔好多...

bearclub

我真係好唔開心，其他小朋友講嘢好叻，我仔只講bb話，亦唔太識聽老師指示，又唔識舉手、唔識跟線行、坐唔定，我見其他小朋友識得自己放書包、拎書包，我仔好似唔知發生咩事咁，唉，我真係好擔心 同時，亦好唔開心....ps已約見健康院醫生。

mwchan66

你已經好叻,la la 聲去找醫生做評估,有時只是方法的問題,快d找出原因,就可以及早處理,努力呀bearclub

cat1028

才剛開學，小朋友互相模仿學習能力高，慢慢佢會跟大隊，既然約咗健康院，就放輕鬆，唔好比較，我囝上月開學bb話都無，老師又無投訴，咪由佢囉。

cat1028

我囝唔望人，唔講嘢，都與同學仔相處到。唔駛太擔心。

lalababe520

我仔已經3歲, 開始返幼稚園, 一陣返去健康院, 我真係唔覺自己個仔講野有叻左, 仲係BB 話同少少單字   
我仔打人推人唔坐好訓地下, 大叫大鬧,

不過返左十幾日已經好左少少  

bubufafa

好同意cat1028所講唔好比較，不過覺得自己小朋友冇人哋嗰啲咁叻就一定係會唔開心嘅......但係每個小朋友都有叻同唔叻嘅嘢，妳有冇發掘到佢叻嘅嘢？而且佢係妳個仔，無論叻唔叻妳都一樣咁愛佢架啦係咪，就算就算真係如果冇人咁叻，佢更加需要妳嘅愛同包容，係咪？
不過講返轉頭，仔仔打人推人唔坐好訓地下大叫大鬧，平時喺屋企有唔順意時會唔會都係咁？如果係可能屋企人要一齊幫手教吓喎。

迷你大人

同自己講系講吾好比較，但明顯見到自己朋友不如人的時候，一定系發無奈，我個女而家仲系度lai屎，4歲，但睇佢其他都無問題，我地兩個卻是無可奈何

琪寶

好開心係呢度找到共鳴，大家好！
我女剛滿兩歲，只講bb話及英文單字，返學第二日學校己打電話給我商量，說囡囡唔肯留在課室，好扭計，完全參予唔到，嫲嫲都搞唔掂，建議我縮短開學適應周，唔好叫嫲嫲陪，等老師訓練她。我聽到真係好傷心

熊貓仔媽媽

唔洗咁傷心, 我個case同你差唔多, 阿囡剛剛 8 月份上n 班, 沒有單子, 唔聽老師講野, 日日都好似自己玩咁. 又唔認得自己個位同書包. 老師都keep住同我溝通, 佢都建議我做一些評估幫下個小朋友, 所以我即刻排左cac同搵協康. 雖然現在仍未做評估 ( 仍在等待中 ) . 但我全家人都好積極見對呢個問題, 多左時間陪佢玩, 而且俾多一點耐性, 這兩個月明顯有進步 ( 雖然同同年齡小朋友仍差好多 ), 不過我相信你很用心及時間都一定可以幫到佢. 上個星期老師都有打電話俾我, 佢話囡囡都比之前進步了, 現在肯聽一些簡單指令, 但說話都仍然不多, 有時開心就只會大叫及跳, 但我仍然相信給她多一點時間一定有進步空間.  

wilyun

我個仔都同你個女差唔多,唔識得講野,又唔聽指令,成日坐唔定,人地叫佢做乜佢都唔知咁,所以我自己QUIT左份工自己揍,呢兩個月見到進步左,但都係叫做差,因比同齡小朋友佢係遲緩左,所以我歲半果陣己經排左CAC,前排先做完評估話佢遲緩,其實我己經日日同佢FLASHCARD,但佢仲好似乜都唔識咁...無奈...
另外我個仔黎緊十一月足左兩歲可以讀N班,希望佢會有DD進步喇!我己經排左兼收位,但聽講排早期訓練會好D,因為係單對單訓練,如果好似我地呢D係坐唔定的小朋友,應該排早期訓練會好一點!

bearclub

原帖由 bubufafa 於 12-08-23 發表
好同意cat1028所講唔好比較，不過覺得自己小朋友冇人哋嗰啲咁叻就一定係會唔開心嘅......但係每個小朋友都 ...

無錯。愛真係好重要！愛係重點！多謝大家鼓勵！

bearclub

原帖由 琪寶 於 12-09-04 發表
好開心係呢度找到共鳴，大家好！
我女剛滿兩歲，只講bb話及英文單字，返學第二日學校己打電話給我商量，說 ...

我都係「好開心係呢度找到共鳴」 我日日都怕老師打嚟同我講覺得我仔有問題 又怕無得直升上K1....又怕出面無學校收。大家共勉！

bearclub

原帖由 熊貓仔媽媽 於 12-09-27 發表
唔洗咁傷心, 我個case同你差唔多, 阿囡剛剛 8 月份上n 班, 沒有單子, 唔聽老師講野, 日日都好似自己玩咁.  ...

無錯，唯有比多d愛、耐性，好期待佢地講完整句子的一日！

bearclub

原帖由 wilyun 於 12-09-28 發表
我個仔都同你個女差唔多,唔識得講野,又唔聽指令,成日坐唔定,人地叫佢做乜佢都唔知咁,所以我自己QUIT左份工 ...

係，其實佢有進步已經足夠了！想問你早期訓練係去邊度排架？

wilyun

我現在只排左政府的兼收位，但考慮緊轉排早期訓練呀！

bubufafa

回復 bearclub 的帖子

早期訓練因為係政府資助服務，一定要經政府嘅程序轉介，而一般嚟講都係由CAC轉介。

bubufafa

回復 wilyun 的帖子

我覺得兼收早期各有各好。如果有時間湊住個仔去上堂的話，我覺得早期好，但係如果冇時間湊上堂或都唔想咁影響平日返學嘅話，就兼收方便啲。

Janicechong

bubufafa 所言係真架!我而家個仔終於排到早期訓練,差不多每星期要帶個仔上1-2堂(看小朋友的情況而定),而且回家要做家居訓練,要用好多時間!

以我參加很多不同Playgroup的經驗學校或方間的Playgroup是比較難幫到遲緩的小朋友,因為不是一對一針對小朋友的需要.

其實如果未排到任何訓練的家長可以試下去找一些全職家長而小朋友有差不多情況請教下如何針對自己個小朋友幫佢訓練,因為不可錯失小朋友黃金時間(一日一日成長),所要追到同齡小朋友的能力,也一天比一天多而十分吃力.

我以前沒有家人明白我的擔心,亦不知應怎樣求助,都會去請教D全職家長而小朋友是遲緩的,因為他們會明白自己的膽心及提供一些有效的方法去教小朋友.

如果可以的話,在排期輪候政府訓練期間,可以試下請那些有經驗的全職家長幫自己的小朋友做住訓練先(類似補習形式),因為其實去做治療訓練,是訓練家長去訓練小朋友,所以全職家長有一定的經驗,而且有時間去實踐/幫佢地自己小朋友做訓練.

好以我自己,以前未排到任何訓練時,希望有些這類型的補習給自己小朋友,但沒識人做,所以我只好辭退工作,在我小朋友1歲多就排到協康做私人幼兒訓練都要$450/50分鐘+$650/50分鐘言語訓練,每星期只做兩種訓練已經$1100(只有差不多兩小時),而且不是一,兩個月OK,而是長期付擔這個費用直至排到訓練(1.5年以上),有數得計,

如果是全職家長做訓練當言平好多,而且可能那些家長家中已買了很多適合的教材訓練自己的小朋友.其實我都有考慮幫其他在等候服務的小朋友希望我在所有治療師所學到的訓練,不但可幫到自己小朋友,而且還可幫到其他有需要的小朋友及在擔心的家長,不要浪費小朋友的黃金時期.

而我小朋友本來是整體遲緩,但由於我好早(我小朋友15個月已發覺)已幫小朋友排私人訓練及自己全職教小朋友,我亦好感恩,我個小朋友由(18個月才識行路及21個月才第一次叫媽媽).至可考入兩間名幼稚園(SC及KV)選了其中一間,沒有參加任何面試班.現在K2,成績也不錯,我已感到很快樂.

希望大家同路人不要氣餒,努力加油!

如有需要幫助可PM我分享.

wilyun

因我自己己轉了做全職媽媽重有工人幫手,所以我諗住會唔會早期好D...但由於有姐姐幫手,有時姐姐未必跟到我地的日常家居訓練...但兼收位又怕比人標籤...真係頭痛.

kapopooh

樓主: 唔好太擔心,我個女都唔好得好多,雖然佢係比較聽話既小朋友,但講野真係好少,响屋企會好d,但一出到街或有其他人响度佢就唔多講野,有時叫佢叫人,佢就只係做口形無聲,但返咗n班差不多一個月,開始講多咗野,不過都係單字, 但佢都好努力咁拼d字咁講, 例如: 爸爸,唔好(做有勢). 踩, ball ball  . 但我睇開既家庭醫生都話阿囡脷短.
因為我自己細個本身都係3歲先話野, 之前連爸爸媽媽都唔講,但一講就可以成句講,為有阿Q咁諗可能阿囡似我.