你係家長會怎做？？

潘嘉鴻

阿仔K1第一日返學食茶點係食雪芳蛋糕佢好快食完,佢見隔離小朋友冇食就用手摸了下蛋糕，(真係一摸)我見到立刻走到阿仔度,話俾佢知唔可以摸小朋友啲食物，叫阿仔同小朋友講“sorry” 阿仔都有做。但个家長即時叫老師過來同老師講,仲話如果係甘唔坐係阿仔隔離。(因佢發脾氣个媽咪抱住佢坐，其他家長坐後面)我都知係阿仔錯，但果个家長......搞到我和阿仔有啲唔開心...

QueenieYan

小朋友剛返學對每樣野都好奇. 你已解釋給你囝囝及老師知. 其他事情就由老師處理. 根本上每日小朋友在學校都會發生不同的問題. 這位家長太緊張了. 有很多事情不能完全看得見呢.

小曳人

其實唔駛咁緊張，個個小朋友都洗咗手先食嘢嘅，摸人地d食物係唔好，但係...家長都話咗佢啦！嗰位家長想點呀？！係咪佢自己個仔唔合作，想揾人出氣？

唔駛理佢啦，學校嘅嘢，隨得老師作主就得！

潘嘉鴻

多謝家長諒解！我都唔理會佢啦!最重要嘅係現在冇影響阿仔心情(超喜歡返學)佢話好多老師錫鍚!!老師都話阿仔好乖好開心都冇摸其他小朋友食物。

LL222

潘嘉鴻 發表於 12-8-14 11:36
阿仔K1第一日返學食茶點係食雪芳蛋糕佢好快食完,佢見隔離小朋友冇食就用手摸了下蛋糕，(真係一摸)我見到立 ...

個呀媽同個仔EQ咁低，最好都係答應佢，唔好坐佢個仔隔離。

Jane1983

小朋友係咁樣，有d家長即時反應可能過激，過一陣應該會諗通。

好似前幾日，我老公帶個女去會所playroom，有個成日見的女仔發脾氣，不斷起飛腳踢我個女。我個女話「吳好」，又同個女仔媽咪投訴，但個女人當睇吳到。我老公帶女返黎同我講，我即時嬲到死，諗住聽日去會所大鬧果個家長。不過冷靜下來，想起我個女細d果陣，都有因爭玩具打其他小朋友。就算了。

不過那個女人的扮懵行為真係可恥。

MBK

好小事，個家長太敏感，可能第時佢哋互餵咗個家長都唔知啦！

irene_the_pooh

唔駛理o個個家長，因為你已經做好自己本份 --- 教左自己個仔！

至於呢位家長既小朋友，佢第時大家就會似佢自己阿媽，呢d唔關我地事！
至於係話自己個小朋友唔開心，你可以解釋比佢聽每個家長既做法都唔同，我地做好自己本份就可以！

仔仔錫錫你

呢d米名副其實直升机父母囉

cdleep

Agree

小兔咕

我諗我係你我唔會行埋去阿仔度, 呢d野等老師做。　
wa 個女人當住你同甘多人面前話唔同你個仔坐?
咁只係表現佢好小氣囉 ^^唔使唔開心喎。其他人有眼睇既.
小朋呢d 行為好小事, 你真好彩, 唔使坐佢咁近. 仲好啦~

karen0128

潘嘉鴻 發表於 12-8-14 11:36
阿仔K1第一日返學食茶點係食雪芳蛋糕佢好快食完,佢見隔離小朋友冇食就用手摸了下蛋糕，(真係一摸)我見到立 ...

無嘢可做, 其實出面真係好多怪獸家長, 只係剛開學定長陪小朋友返學, 至會睇到咁多嘢!

klm402

樓主唔洗太介意, 老實依家太多怪人, 小朋友出於好奇做左一d唔0岩既野, 最重要係自己已糾正佢, 人家既反應係點自己又控制唔到, 所以教左比小朋友知正確既info就ok了,,,有時見到呢d怪人既反應, 都可以係教導自己小朋友最好最寫實既反面教材. ^^

GCG

原帖由 潘嘉鴻 於 12-08-14 發表
阿仔K1第一日返學食茶點係食雪芳蛋糕佢好快食完,佢見隔離小朋友冇食就用手摸了下蛋糕，(真係一摸)我見到立 ...

其實嗰個蛋糕係製品工場都唔知比幾多師傅摸過啦！

CatEgg

我會叫自己小朋友同同學道歉,然後我會同家長道歉、講佢地都係小朋友,充滿好奇心,會好好再教導佢之類的說話。家長唔會好清楚小朋友係學校發生的事,若果兩個小朋友第日成為好朋友,但家長面左左就唔好喇。如果個家長係怪獸家長都唔緊要,起碼我做佐我應該做的事先。

迷你大人

有好多事，做好自己就已經得了，好似呢個媽咪，希望佢會有心有力咁一路護仔一世啦

迷你大人

我個女曾經在學校被同學打左一巴，班主任有同我講對吾住，話個同學已經道謙左了，等個女返來，我問佢今天在學校有沒有吾開心既事發生？佢話“沒有”，且情緒都好好，我所以都沒有深究。這種事在學校好平常既

irene_the_pooh

迷你大人 發表於 12-8-16 18:33
我個女曾經在學校被同學打左一巴，班主任有同我講對吾住，話個同學已經道謙左了，等個女返來，我問佢今天在 ...

其實好多時小朋友呢頭鬧交，大人都仲煩緊點算時，佢地已經又糖痴豆！
如果大人可以學下小朋友咁「大量」，呢個世界應該會簡單好多！

AM0819

我仔前幾日（n班）食茶點又係見有個同學冇食，佢走埋去拎起個同學件蛋糕，我啱啱要叫住佢時，佢竟然係拎起來要喂果個同學食！當時個其他家長都係到笑，冇人諗衞生問題喎！

chowqv

我唸樓主好快收到呢位同學仔媽咪既投訴。我地既朋友，邊個無俾人打/打下人地呢？老師處理左我多數都算。家下只係k1已經係咁，個小朋友點讀完中學？我個仔淨係口講叫個單非妹唔好發脾4訓地，都已經俾佢咬到有牙印，流血。唔通我去報警？我問返個仔，佢答我：係呀，俾xox咬囉，不過老師話佢係細b，我係大b，我原諒佢囉，佢仲細嘛。不過下次佢再咬人，老師話唔俾佢返學。