有無小朋友試左生物治療會甘

bbqiu

姐姐話試左一星期的營養素及藥後,仔仔曾揞着肚,好似肚唔舒服,有發燒,but弟二个医生話佢感冒(沒有任何病癥,齋燒,後來三天後不藥而癒)試咗三星期後,我个仔急性腸胃炎,肚疴,医生話同佢開的營養素及藥無關,因佢開的多為營養素.
其實我唔係唔信醫生,只係真係食嗰批(藥)後,我个仔就腸胃炎,而我又澄明唔到我个仔腸胃炎係同d(藥)無關,所以我不敢再吃那批(藥)了,我諗可能係我哋处理批(藥)方法有問題,我会先剝去膠囊,加水攪勻.用針筒打入仔口中,當然手與用具会清潔乾淨,但不知是否清潔得未夠徹底?so想問下有無小朋友會有咁嘅情況?我不是質疑那批(藥),只想問問意見,謝!

myson727

我最初都系剝開D膠囊，倒D藥出離，加水比我仔食。

HgI

我仔仔開始服排毒藥及vitamin and minerals 時, 有一段時間疴爛屎, 一日來可疴不止一次, 後來過了一段時間後, 漸漸才疴回好的屎。不知樓主的小朋友吃的是什麼營養素, 因此不知能否作出比較/參考

bbqiu

只吃了第三星期,未開始排金屬.吃緊殺菌藥,vitamin.酵素酶等.

bbqiu

回復 myson727 的帖子

  謝覆,我用針筒,針筒口又較窄,一些油狀的也用針筒,不知是否較不衛生?how about u feed油狀的藥?

myson727

回復 bbqiu 的帖子

油狀的藥, e.g, 魚油, 都系吉穿個膠囊，滴落隻匙羹比亞仔食，後期佢識吞藥丸，成粒吞。

aaaa1234

有沒加益生菌?

bbqiu

回復 myson727 的帖子

我个仔有甘順攤就好,佢每次食藥都要兩个大人對付,講真有些真的几臭,油狀的又很腥,你地d小朋友真係好乖!

myson727

bbqiu 發表於 12-8-14 22:52
回復 myson727 的帖子

我个仔有甘順攤就好,佢每次食藥都要兩个大人對付,講真有些真的几臭,油狀的又很腥,你 ...

開始時都系吾順利，都要鬧下，比D糖比佢送藥，後期迫佢學吞藥丸，先叫好D，有時吞得吾好，嘔晒D藥及食物出離。

free_style

建議：買 non-dairy 朱古力，融左佢，混入 cereal 如脆米、脆粟米片。放返乾或放入雪櫃。用來餸藥。因為朱古力的味道濃又好食，可以幫到手餵藥。

bbqiu

回復 free_style 的帖子

送藥不成功,我仔見到我剝膠囊便開始喊及匿埋.

ChingMan1002

我個女都唔肯食，次次都勁扭計

free_style

我地都係逐步試。呢期的方法係，匿埋，拆開膠囊，藥粉用利賓納開稀，全部注入餵藥針筒。咁佢只係見到餵藥針筒。再配備不同的小吃，朱古力、薯片、腰果，真係都不知試過幾多款。

哦....有一個心得，用個小藥樽，將藥粉倒入樽內，再加利賓納，CHOK 下佢，等藥粉較好地融於水中，再餵服會容易些。我都係試到呢個方法，餵藥先無咁痛苦。

嘩，之前真係都幾煩，試過將藥融入朱古力內，再變造型朱古力，日日請佢食一粒，好難控制又準備得辛苦......

ChingMan1002

我個女食住醫生開既藥一個禮拜，但完全沒有改善而且脾氣情緒很差，成日用頭冚地下，用手拍頭。通常食幾耐藥才有進步？還是自然療法對佢唔work?

free_style

回復 ChingMan1002 的帖子

第一點。一個禮拜未咁快見效，我個女算快有反應，都幾個星期至一個月。

第二點。除了食藥及營養，戒口戒得清唔清? 我試過初期阿女表現反覆不定，原來是某一隻小吃中有奶，停食後又再進步些.....

若開始左，即管盡力試三個月。俾三個月時間自已同小朋友做試驗期。將所有專注力放在戒口、食藥及研製佢可吃的食物吧。咁自已的壓力會無咁大，唔駛日日度住佢有無改善。用三個月做試驗期，好唔好自已心中一定有數。我十個月前開始試時，都有點患得患失，但以這十個月的經驗，只要戒口清、食藥足，情況是不斷進步。感覺上是每幾個月就上一個台階，足以鼓勵我繼續為佢而努力。

ChingMan1002

多謝妳的鼓勵！

free_style

大家面對情況差不多，努力做就好了。你地在沙田覆診嗎？我住果度喎，若有興趣，可以搵次覆診時，我俾少少自製的小吃你試下，交流下。dairy free 朱古力多數專店才買到，大超市就要手神，卻是很好用的材料。若你試過好食，可以自己整多些。我剛叫朋友在英國帶左六，七包俾我，可以慢慢用。

ChingMan1002

先謝謝！我的女兒很少吃小食的，可能因為佢自細有濕疹所以很多野都不敢給他吃，
我是住在沙田的，聽你們介紹去看了馮xx，上個禮拜睇了第一次，醫生開了2個禮拜薬，在我睇攞藥的期間，醫生還介紹我認識了一位爸爸，他也是與太太同女女來覆診，這位爸爸分享了他們的經驗，讓我更有決心試，可惜我的老公不贊成，所以我都好無奈。而且每次當佢見我地鍡藥呀女喊到拆地佢又心痛。

free_style

我地起初試的時候，我先生不贊成也不反對。當佢睇到個女情況好轉，就偏向贊成了。所以有成效是最重要的。我女細個也有濕疹，戒左口後情況好左好多。

若你先生只是見阿女餵藥時減而心痛，咁就針對性處理下餵藥的問題。若得到佢支持，你會好做好多。畢竟戒口也唔易，只是我覺得成效較好，值得試。

我下次整小吃，不如分一些俾你。你有無試過整麵包? 朱古力? 蛋糕? 你可以俾阿女試下，邊樣較鐘意，然後選幾款再深入鑽研。反正你住沙田，攞都方便些。

ChingMan1002

好呀謝謝，不過我個女好怪架唔鐘意食甜野，反而中藥咁苦佢又ok wor.