唉...放手的同時, 也很擔心! .

Meikin

從何說起呢?

細囝參加了一個由其小學校隊教練(外聘)辦的table-tennis團, 往中山受訓(四日三夜), 本以為大部份校隊隊友(及一些家長)也一同去, 點知跟阿囝通長途電話時才得悉原來同校一個同學都沒有去, 同團大部份是某table-tennis會的學員而已......好在我叫大囝同報名參加咗, 否則更加擔心!

原先為怕阿囝們遺失 (他們過往記錄太差), 只准他們帶個舊電話去, 點知個電話竟然在咁重要的時刻壞咗!  本諗住每晚跟他們通個電話, 提點吓他們, 而家變成失去聯絡

第一晚已打咗俾教練兩次, 借佢電話跟阿囝講咗兩句, 知道佢哋兩兄弟住一間酒店房, 阿哥話自己煲水, 晚上打算同細佬去新識的團友房玩UNO.......佢講唔夠兩句就bye-bye收線, 言談間feel到他們so far so happy.

今次放手讓他們自己參加這個團, 一方面很高興他們自己可以處理, 但同時也很擔心!  (理性上我知我不應擔心, 但實際郤做不到)  畢竟這是首次他們倆自己返國內, 怕有突發事情不懂處理.  現在唯有阿Q地安慰自己-- 應該冇事, 如有事阿Sir都打咗電話嚟啦!  老公當什麼事也沒有, 倒頭便睡, 我就唔多瞓得著.

還有, 這幾天家裏沒有了他們兩兄弟的嘈吵聲, 大家(尤其是平日跟他們對得最多的菲傭姐姐)都很不慣.

開始要慢慢放手了, 也要做好心理準備, 孩子漸漸長大, 有自己的世界和朋友, 家中只得我和老公相依相伴了, 都幾悶吓!

Meikin

今早返工前終於收到細囝來電, 佢問人借的, 雖然只講咗前後唔夠三句, 但聽到佢把聲, 個心定番好多.

今晚他們就回家了, 很期待呢!  菲傭姐姐更話整定甜品等佢哋今晚食......家中又回復生氣了 -- 有時他們打架也令我很 "生氣"呢.

janssenma

你兩位小朋友幾歲? 我相信沒有你在身邊, 佢地依個旅程會學到很多, 亦都會長大了不少! 當然父母擔心少不免, 但佢地總有第一次!

Meikin

本來只要小朋友定時每天給我一個電話, 講1-2句我都安心好多, 完全不能聯絡實在留給我太多想像空間了.  

Meikin

回復 janssenma 的帖子

10 & 12 years old.
話大唔大, 話細唔細, 教練唔會特別照顧, 同團又冇同學/家長可以照應.

算啦, 就當誤打誤撞, 如果早知是這情況, 我就未必會俾佢哋去了.

mandy304

係大陸我都係最擔心...

Meikin

即使這幾天幾擔心都好, 今晚都唔可以俾佢知, 重要show個對佢有信心個樣, 開心地鼓勵兩兄弟一番....為人父母就是這樣了.

Cherishvalue

原帖由 Meikin 於 12-08-09 發表
回復 janssenma 的帖子

10 & 12 years old.

我兩個仔13／9都飛左，初時好掛，而加差不多十日，我開始識放手，佢地打電話番來我通常先收線！

Meikin

5:30pm阿囝來電, 以為佢哋架旅遊巴到咗九龍塘, 點知佢話由於公路有交通意外大塞車, 重未到深圳添!  最後我在九龍塘等到7:25pm才接到佢哋.

總括而言, 佢哋話今次訓練團超好玩, 好想再去喎, 重話已經好掛任D新朋友.

終於鬆一口氣了, 但繼而來之仍然是勞氣, 兩兄弟又開始吵鬧/駁咀了......

杰杰媽媽

我仔自己跟學校返過2次大陸,我陪佢跟學校又返過2次廣州,我陪佢返個次已經一早教定佢自己D野放係邊最好,出門口一定要記得MON 咭,唔係冇門口入,佢地會成日呢間房個間房走黎走去,如果唔記得MON咭要人開門就好麻煩,仲有走前一定要每個位行一次睇一次,包括TOILET門後,就算一條毛巾都唔好漏.

再加上好彩佢平時SCOUT都成日去CAMP,幾次都冇漏野/唔見野.

買定張1咭2號,SET好晒快速撥號,一禁即打到俾我,一日一個電話報到. (就算係HK我都要佢去到邊都要報到,包括每日放學)

Meikin

回復 杰杰媽媽 的帖子

我好耐冇返過國內, 也因工作關係, 不能隨便請假陪佢返.  今次係見佢好想去, 又話教練話全隊都去, 所以才把心一橫, 括出去啫.
好彩近幾年暑假都有同佢哋去外地短線旅行, 起碼佢哋異地住宿有個概況, 在香港我已經日哦夜哦叮囑佢哋, 他們粗心大意的往績實在太標炳, 叫我放心不下, 加上今次最衰個電話又壞埋, 令我想得太多了.

下次有機會再俾佢哋去, 相信(行裝+心理)會準備得好一點.

杰杰媽媽

除左課外活動,我屋企係唔俾自己出街既.

但佢太多課外活動啦,所以經常要4圍去.我想佢見多D, 知多D,唔好只讀書.

nakoko

原帖由 formula0106 於 12-08-09 發表
我都有同感. 我剛剛個仔9yrs, 就比佢獨自一個參加外展訓練. 好彩只係去長洲咋! 但3日2夜令我提心吊膽. 佢又 ...

我仔下星期都第一次去camp，我本來都考慮比個電話佢帶去，比你提一提，都係唔好喇，唔係一陣成晚不停打返黎就幣

snkwok

今日阿女都入咗camp，剛打電話回來報告，玩得好開心。,

Meikin

最緊要都是仔女話玩得開心, 聽到這句說話, 自己紀人憂天, 擔心幾日都值得.

今日細仔先再提我下年一定要俾佢哋再去喎!

Meikin

等細仔泳術好D, 我想俾佢哋兩兄弟參加吓外展課程-- 去野外上山下水那種.

有冇家長有小朋友參加過, 可以分享吓嗎?

anna59

如果要出境,一定唔比去,仲要上大陸添
就算向 HK既camp,都要等佢有11 yr or above先比佢去

杰杰媽媽

我仔自從p.2返童軍開始，年年都最少去一次露營／宿營，今年因為暑假後升童軍，今個暑假有4個camp  tim .