急! 請教 34 vs 62 網媽媽

denbchumama

小兒出年讀k1, 家住34網, 一直打算讀九龍城區學校, 最近業主突然通知出年年中不予續租,必須搬家,實在晴天霹靂,陣腳大亂!!! 眼見反正要搬,就重新為仔仔的將來作打算,正考慮繼續住九龍城區還是搬到荃灣,請各位給意見!
34網: 區內熱門小學選擇不多,只有陳瑞褀,兩所官校和獻主會,而且都是爭崩頭的,手持15分,實在不敢指望! 再說,聽聞陳瑞褀和獻主會都很俗,個人不太喜歡... 但許多人認為九龍城升中校網很好,請問究竟如何好? 我係新手媽媽,唔知邊的係熱門中學! 只有15分,會好大機會派較差小學嗎?值得為升中網留下嗎?
62網: 聽說區內小學質素平均,選擇較多,請問派到首三志願的機會大嗎? 升中情況又如?
以上資料都是聽回來,不知是否可信,請大家指教! 本人自小土瓜灣長大,但有親人住荃灣,方便照應,所以考慮是否搬往荃灣...但大前題仍是找對仔仔升學有利的地方住!大家認為34 vs 62 應如何選擇呢?
現正要為考幼稚園準備,所以要急於決定,請幫忙俾意見!!!

prucat

我是34校網的，我不明什麼是陳瑞褀和獻主會好俗的意思。
我有教育局統計部朋友，他說有幾個區時爭學位的重災區，其中一個是34。
我覺得你要考慮
1.重災區是因為災區內有5間不錯學校
2.一旦入到九龍城區的小學，中學也可以留在九龍城區選，而好的中學很多。即是就算孩子小學成積不是很勁，但因粥多，所以都易分到好中學
我沒看荃灣區，不作評論

denbchumama

對不起,打錯字了,是"很谷"不是"很俗"...hehe...
多謝你回覆, 請問"重災區是因為災區內有5間不錯學校"意思係咪意味著要拿住15分入呢5間學校難過中六合彩呢?如是,我想知道除咗呢5間學校,區內其他小學普遍質素如何?若是普遍不錯,是否不用太擔心中唔到六合彩呢?有無邊間係公認唔多好的呢?
根據你"粥多"的理論,似乎34區主要係擔心爭小學多的! 咁升中個戲遊又點玩呢?係咪主要以成績取勝?萬一真係派到啲很差的小學,成績相對不及,係咪等如有好校網都好難去好中學呢?對不起...對升中制度不太認識...
另外,有無荃灣區媽媽可幫忙講解下那邊情況?小學競爭激烈嗎?好的中小學多不多?難入嗎?
不知自己的問題是否很乎淺,但確實很迷茫...唔知點先對個仔好些...請俾些意見!

冬菇仔

我是34校網的，區內有十幾間小學，除聖匠，領島和李丙外，其係二線小學都不錯的(各有特色)，有好多家長唔太博時，會揀好些的二線小學作第一志願的。舉例：基道及合一堂是區內二線，升中的第一志願是73% 同75%，而五間熱門的第一志願是80%以上。另外，本區的二線學校，都有很多外區人爭的。另外，34區的中學網，在全香港內，只有港島區的中西區網可以同佢相比的。

jimmus

請問那幾所學校算是 一線 ?

冬菇仔 發表於 12-8-6 09:52
我是34校網的，區內有十幾間小學，除聖匠，領島和李丙外，其係二線小學都不錯的(各有特色)，有好多家長唔太 ...

冬菇仔

協恩，陳瑞褀,兩所官校和獻主會

jimmus

oic, 聖罹撤是否算二線 ?

冬菇仔 發表於 12-8-6 10:26
協恩，陳瑞褀,兩所官校和獻主會

anaBB1

我個仔今年抽62網, 62網有18間小學, 只有2間比較差, 其他都OK. 我以為一定入到16間之一, 點知, 62網太多小朋友, 加左3間梨木樹學校, 我個仔就係咁派左19志願一間梨木樹學校.

眼見D朋友一係第一志願一線學校, 一係第2志願2線學校, 一係好似我咁派左唔知去邊. 如果你只睇一線學校, 機會不高, 如果2線都OK, 荃灣2線學校都很好.

仲有, 荃灣中學選擇不多, 葵青網會多D好D O既中學.

FunnyBunny

hi, denbchumama
我同你剛相反!! 我家住荃灣, 第一輪選區內第一志願, 持20分, 衰左, 心諗第二輪再來過, 在交表最后關頭, 我朋友剛巧傾開, 佢過來人分析, 荃灣小學網不差, 許多間也水準不相白仲, 但中學網好差, 好少選擇, 真正的Band1只有荃官中,何傳耀,可風, 其余嚴格講不算!! 他叫我自己計: 荃灣當有10幾間小學(當每間3班,每班30人), 巳有約1000多人爭中學學位, 但只得所謂三間band1, 競爭尤大!!
你要keep到全級20名內才穩陣!

但34網多選擇, 仲係多所謂band1中學, 分餅機會相對大d, 進可攻退可守, 雖然大熱小學我相對冇機, 但我可選34網二線口碑不差的, 令子女做好本份, 相對機會會較多!!

就係咁, 我放棄自住本區, 跨區第二輪甲部一所二線, 最后好彩中獎!!

我並不是要子女拼命要入band1的家長, 只想客觀條件給子女最好的處境, 成與敗, 就靠他們自己, 我也無憾!!

denbchumama

好多謝大家的資料,很有用,令我現在對呢兩個校網有較清晰嘅了解!
總括大家意見,似乎兩區小學都係競爭激烈,而且大家都有兩三間較差嘅學校,雖然話九龍區係重災區,但荃灣都有可能派得不好,一句到尾都係靠運氣! 講到中學就一致認為九龍區勝!
要特別多謝miffy & FunnyBunny 嘅分析, 很切合我的情況!  "我並不是要子女拼命要入band1的家長, 只想客觀條件給子女最好的處境, 成與敗, 就靠他們自己, 我也無憾!!" 呢句話更講出我心聲!
聽完大家所講,我會傾向留在九龍,待仔仔小學先再諗搬唔搬去荃灣...因為返學車程都幾遠, 怕仔仔辛苦!
仔仔依家先兩歲幾,幼稚園果戰都未攪定就去諗埋中小學,我都有問自己會唔會有啲"怪獸",但眼見幼稚園都爭到頭破血流,更何況中小學?佢呢個年頭出世嘅小朋友就注定一世都要爭爭爭,我諗幫佢望遠少少都係我責任...漫漫長路依家先開始,只好加油!!!

bbming

回復 prucat 的帖子

請問...31區是否重災區???....學生人數同學位人數比例幾多???

prucat

我不記得她講邊個校網，因我是34，所以只記得34,印象上好似31也是，41也是，但老實，只是34我sure

wongkaka

路過的, 聖羅撒絕對是一線小學, 程度很深, 是一所女校

SAGO

回復 anaBB1 的帖子

最後...有冇去其他小學叩門...!

SAGO

net  62 ...太多人.....要去net６４　借位。。。。你話幾大件事。。

whychan777

denbchumama 發表於 12-8-5 02:31
對不起,打錯字了,是"很谷"不是"很俗"...hehe...
多謝你回覆, 請問"重災區是因為災區內有5間不錯學校"意思係 ...

"5間不錯學校" 請問是那5間?

我也是34區的.........

謝謝賜教............

prucat

因為我的是囝，常計漏女校
5間係農圃道官小，馬頭涌官小，陳瑞褀，兩間獻主會，其實仲有女校聖羅撒，協恩。都是一線學校。個人見過幾個朋友的囡囡入了聖羅撒都因程度小一已得深，父母和女兒因而很大壓力。我比較愛小三才發力的學習，因為曾有教育專家分析過8歲的小孩谷得容易點。所以個人有偏見，不喜小一就谷到七彩的學校

prucat

最不愛是小一已谷到七彩，然後勸未能馬上適應到的學生退學，完全是以校譽為重，教育次之。每個孩子只是校長的棋子！我就唔想自己子女是貴校的棋！

whychan777

thanks