點樣選擇?

PandaVV

要幫大囝選擇小學, 本身係西貢(95區), 但娘家係油尖旺(31區).
如果選擇95區, 返學方便; 選擇31區就只可以晨早搭校 或  搬回娘家.

邊區小學會好d?

謝謝幫忙.

patricklee99

當然是西貢(95區)啦, 近屋企.

ae.mama

你要睇既係邊一區最多有好既小學+中學。

elmo520elmo

當然 95 啦 小一仍然需要有充足的睡眠，校車之時間用來瞓覺重好啦，有足夠的精神才可以吸收更多更多的知識

jimmus

PandaVV, 你條問題.......哎. 如果我小朋友係31區, 我會叫你返95.你明明呀?

PandaVV

jimmus 發表於 12-8-3 12:14
PandaVV, 你條問題.......哎. 如果我小朋友係31區, 我會叫你返95.你明明呀?

Hello! Jimmus

對不起! 我唔明白您的意思. 可否解釋一下 ?

謝謝.

姨花花

Hi PandaVV,

我路過姐..... 佢意思係,如果佢係31綱抽，你返去95綱抽，佢可以多D機會呀!

sr20det_fung

小朋友實際住邊度就報邊個校網。

wendysuperbaby

姨花花 發表於 12-8-4 01:04
Hi PandaVV,

我路過姐..... 佢意思係,如果佢係31綱抽，你返去95綱抽，佢可以多D機會呀! ...

佢無錯的,將心比己…
反而認為點解樓主咁公開自己攞人哋地址抽，擺明用假地址，我對樓主的想法好好奇。
我只係路過，我家小朋友不是來年報小一加非31網。

姨花花

其實好多家長會用自己能力安排最好比自己一小朋友(但未必是最合適），我亦唔想係呢道改咗樓主既題目。

樓主喜歡其他綱既學校好普通姐，不過如果中左，返學就遠左D.... 但係樓主都話會搬回娘家住呀!

其實呢個幸運大抽獎真係唔容易玩。本人的小兒剛剛今年玩完，我們係失意之人，最後要四出扣門，最後超級好彩係谷底上返地面。

wendysuperbaby

我都喜歡41 or 34網，但我唔會犯規去借地址，即使有人覺得無問題，有想去博的諗頭，我好好奇點解有人會公然去話比人聽我會咁做！

我只是好奇，亦都是出於好心提醒，作為家長已是成年人，一定會知道怎樣才可保護自己小朋友。

PandaVV

首先多謝各位的回答.

我有有疑問, 因為身邊好多朋友及同學的媽咪, 佢地都係同我一樣.
嫁給老公, 老公家係西貢(95區), 一家人一齊住, 正常視為西貢區為家.
(因為跟老公住).

但係娘家係油尖旺31區, 係婆婆的, 我(身為女兒) 係可以
反去住, 這樣教育局是否視為"攞人哋地址抽"????

如果係租屋的家庭, 他們是否也視為"攞人哋地址抽"?

謝謝幫忙解答

PandaVV

我聽朋友話佢真係認識有人係"攞人哋地址抽"

wendysuperbaby

一定有人咁做，但好多會這樣做的人都會避免在公眾場合去透露比人聽。

想深一層，你相中的應非你小朋友，所以都不大有機會比人認到, 令將來有任何不想遇到的麻煩。

PandaVV

elmo520elmo 發表於 12-8-3 11:17
當然 95 啦 小一仍然需要有充足的睡眠，校車之時間用來瞓覺重好啦，有足夠的精神才可以吸收更多更多的知識  ...

如果小朋友真的需要有充足的睡眠, 為何這麼多小朋友要返"九龍塘"的幼稚園?
將軍澳 > 九龍塘  (最少30分鐘車程)

點解唔係屋企附近的幼稚園返學??  屋企附近沒有幼稚園?

我認識了最小3位小朋友, 她們的小朋友都要7:45前搭車, 仲要食完早餐才可以返學.

PandaVV

姨花花 發表於 12-8-4 11:07
其實好多家長會用自己能力安排最好比自己一小朋友(但未必是最合適），我亦唔想係呢道改咗樓主既題目。

樓 ...

我認識有人用"甲部"入到心儀小學 (名校), 佢地唔係住甲部所屬的地區, 但很幸運地, 抽到第一志願.

sr20det_fung

@PandaVV:
其實教育局校網住址嘅定義主要係指小朋友實際大部份時間生活嘅地方，通常只會得一個，所以如果小朋友並非在該地址居住，校網住址並唔包括父母名下所持有的非居住物業,或祖父母住址等。例如李嘉誠家族所持有物業遍佈全港，但佢個孫只能報深湾大宅為住址,因為佢住喺嗰度。

至於租住地址問題,只要小朋友住喺嗰度,咁當然冇問題啦! 如果唔係香港幾廿萬公屋租户點算?

至於妳話娘家間屋妳地隨時可以返去住....但那只是"過夜"而非"居住/生活",如果咁啱俾教育局抽中家訪而發覺小朋友根本唔係居住喺嗰度,就算那裡是公公婆婆嘅物業(或係妳自己幼時住嘅地方),所派之小一學位一樣會被取消! 就算妳地在妳娘家布陣(例如一早預備好小朋友之睡床書枱衣櫃之類),表面上做成小朋友喺度住嘅假像,但教局職員只要一問妳小朋友便能揭穿.....如果妳教小朋友講大話騙職員,那仲大件事:得一學位、但失去一誠實小朋友! 我不是危言忪聽, 這類個案實際發生過。

教局分校網嘅原意係讓大部分嘅小朋友喺屋企附近讀書,甲部嘅設立只是用嚟滿足那些機會主義者。報"非居住地址"(我唔用"假地址"呢個詞語),係對真正居住在該校網嘅小朋友唔公平,因為你有可能令一位原居小朋友需要跨區返學。

至於很多家長跨區報私校/直資(包括小弟),香港是自由社會,那是他們的自由,教局冇權過問,教局只能盡量把公家資源(即官津學校)公平分配而已。

我用咗咁多時間寫咁多字(我用手寫板㗎咋),並唔係想針對妳,實情只係想改正妳錯誤嘅concept, 有人做而不被揭發並唔等如正確, 我只係苦口婆心.

施主, 回頭是岸罷!

(P.S. 就算要用"非居住地址"報統一派位, 都唔好咁揚上網通街問人啦! 好易俾人報串㗎!)

Charlotte_mom

PandaVV 發表於 12-8-4 18:50
首先多謝各位的回答.

我有有疑問, 因為身邊好多朋友及同學的媽咪, 佢地都係同我一樣.

根據教育局資料, 地址係指小朋友恆常住既地址, 唔係娘家地址(你小朋友係咪長期婆婆湊? 如果唔係, 即婆婆地址唔係恆常地址), 所以租客係合法地可以使用地址, 反而業主唔可以(因為佢租左俾人, 自己唔係住果度)...........當然你話可以搬, 咁就唔該先搬左, 再用自己個地址黎申請好了
當然而家好多人走法律喇(唔係犯法), 用另類方法去用親戚地址, 包括婆婆, 舅父, 而媽姑姐, 點做, 我唔講了, 老實講, 你問到, 99%人都會答你油尖旺地址比西貢地址好, 但你用親戚地址(sorry, 果度真係唔可以當係小朋友恆常地址), 咁其實對油尖旺區小朋友就唔公平

我唔係準小一家長, 所以做個衰人, 答得咁白, 只係想俾你知道, 你咁公開咁問呢個問題, 會令人好難答, 你亦唔好再問落去喇, 講個事實你聽, 岩岩6月, 呢度有個會員借地址俾人起底, 真係投訴到去教育局, 你借得咁揚, 到時真係輪到你俾人起底, 蝕底係你自己咋

實話實說, 有得罪請多包涵

PandaVV

sr20det_fung 發表於 12-8-5 01:46
@PandaVV:
其實教育局校網住址嘅定義主要係指小朋友實際大部份時間生活嘅地方，通常只會得一個，所以如果小 ...

謝謝您的提示.

抱歉! 我想信我的發問應該出了問題, 所以令大家誤會了.

我返回娘家間屋, 並非只是"過夜", 而是長期屋住.

不過會辛苦了小朋友, 要他晨早起身搭車返學.

PandaVV

Charlotte_mom 發表於 12-8-5 12:02
根據教育局資料, 地址係指小朋友恆常住既地址, 唔係娘家地址(你小朋友係咪長期婆婆湊? 如果唔係, 即婆婆地 ...

謝謝您的提示.

您沒有得罪, 只是實話實說.

"你話可以搬, 咁就唔該先搬左, 再用自己個地址黎申請好了"  <<<======這就正是我要面對的問題.

我返回娘家間屋, 並非只是"過夜", 而是長期屋住.

不過會辛苦了小朋友, 要他晨早起身搭車返學.