有冇考港同小一13／14，大家一齊傾下！

evaken

大家唔好灰心, 有心想入的, 要繼續寫信!

今年有7位在學的二年級學生的弟妹, 只有1位入到2nd in咋, 同冇關係生比例一樣, 2509/400=6至7個先有1個入到, 絕對公平!

幸福女子

入唔倒2nd in 的會再有機會嗎?  封信講到明話唔會offer P.1 學位.
400個入倒2nd in, 比佢地120有位既小朋友最終放棄學位, 學校仲有280個小朋友揀, 我諗400個入面唔會有300個放棄學位卦?  往年有冇小朋友原本入唔倒2nd in 既, 最終有offer呢?  希望有家長可以分享下.

我小朋友都係失敗既一個, 只係, 我希望失敗既小朋友同家長要向前望.

Charlotte_mom

我唔想俾falise hope你, 機會真係好低好低, 不過1%希望都唔好放棄

幸福女子

當知道結果後失望當然有, 但學校由2千幾人選400個出黎已經非常抓頭, 自己小朋友落選唔一定係佢有問題, 只係當時有更加適合既小朋友, 所以根本冇hope過D乜.

我依家一家私立/直資都未有著落, 但前路漫漫, 小一依個難關都只係人生一個小片段.

Charlotte_mom

原帖由 幸福女子 於 12-10-23 發表
當知道結果後失望當然有, 但學校由2千幾人選400個出黎已經非常抓頭, 自己小朋友落選唔一定係佢有問題, 只係 ...

Think positive! 係， 2500人考就總有2000+人失望。你講得岩，無最好只有最適合，加油！

catwmy

幸福女子 發表於 12-10-22 22:33
入唔倒2nd in 的會再有機會嗎?  封信講到明話唔會offer P.1 學位.
400個入倒2nd in, 比佢地120有位既小朋友 ...

這個Game really so depressed.
入唔倒2nd in 的會再有機會嗎?  I don't think so. 要call 要揀都大有人在,我覺得P2插班生機會可能高D.

Angelice

可以入到2nd in好開心，好多謝現任港大同學會小學既家長，因為你地無私既分享，令到我地可以更多了解港同。老實講，越係了解，就越喜歡港同！
我囡囡現讀St. Clare K3，我地住太古，我地放棄了大抽獎和用咗3年長途跋涉既返學放學路程換一個小學學位和安心。今年我地只報了參加港同和DGJS的面試，DGJS入唔到2nd in，不過DGJS只是滿足了我的虛榮心，港同才是我們的首選，所以如果有幸入到港同，我地一定會馬上放返St. Clare既學位比其他小朋友。
我地有個龍B妹妹，曾經因為妹妹，我有諗過抽&叩津小，不過Daddy提醒咗我，姐姐同妹妹係兩個獨立個體，唔可以因為妹妹而要放棄對姐姐最好既選擇。相信龍B到時會有更加激烈既競爭，只有做好心理準備，努力裝備自己同妹妹，到時候，就全看妹妹自己了！
大家互勉之！

Charlotte_mom

果時我女係真光, 本來可以直升, 不過我又怕佢英文唔夠好, 就考左ST CLARE'S, 果時好早已經有OFFER, 所以連真光都無留位
當時最心儀最心儀都係港同, 不過SECOND IN後係WAITLIST呀, 幾傷心, 我一路叩門呀, 叩到7月30至有位, 即刻放左ST CLARE'S (我仲記得張支票係8月1日過數, 岩岩CUT得切), 不過簿費都拎唔返了, 都幾攪笑, 明明係自己去考ST CLARES, 考完又唔甘心HKUGA唔收, 賴死唔肯做校服唔肯買書, 只係SIGN UP左校車
希望你比我順利啦

evaken

Angelice 發表於 12-10-25 16:15
可以入到2nd in好開心，好多謝現任港大同學會小學既家長，因為你地無私既分享，令到我地可以更多了解港同。 ...

Good luck to 妹妹,我同你case一樣, 而家就係大囡讀緊港同, 但細仔入唔到! 老實說, 如果有得返轉頭, 我會選抽到的net14津小(都係出名活動教學,因大囡waiting list 6月先收,所以有得抽獎)! 第二個升小時壓力, 真係比第一個緊張好多好多倍, 一來得10分, 自行又冇機, 二來怕派位派得唔好要叩門。好多有第二個的家長知道學校的要求, 一早已經train定細佬/妹, 但都考唔入, 因為冇得in家長, 實在太多人考, 小朋友不在狀態, 明明識答都唔答等等......第一日知道result, 已經第一時間請假返學校交信比校長, 見到一齊交信的媽媽都眼濕濕, 鼻紅紅! 我一早已經寫左幾封信, 校長最後有親身打比我, 話今年實在太多人考, 已留25%學位比sibling(SPCC都70%啦???), 但都冇辦法了......

活動教學的小學, 大部分的小朋友都會合適, 因為似幼稚園教法。今年都多左一樣抄寫的功課, 功課明顯比以前多, 但比津校都算讀得輕鬆吧! P2試過有班一兩日8-10樣(未計Reading, 要日日read 15-20 mins), 但都要做到11-12點呀!因為活動嘛, 咪成日要畫圖& 填顏色, 依兩樣係最花時間!

不過每個人承受壓力的能力都唔同, 妹妹到時如果入得返St. Clare 幼稚園都好d, 因為可直上小學! 今年都2500考港同的龍B 4000人考絕對唔奇, 10個先入一個2nd in, Good luck~

今年住太古的港同學生都要6:55-7:10上車, 都早架! 因為要走多轉小西灣, 好多學生都改左自行返放學~   

你可以覺得我係"吃不到的葡萄是酸的!", 但我係心痛多於心酸! 我感覺到學校在轉營, 功課多了, 抄寫功課明顯亦多了, 老師解釋係因為港同學生想像力豐富, 但錯別字奇多, 所以要加強!?

Angelice

好多謝你地既意見同祝福！
Charlotte mom，你真係好厲害呀！我都要學習下先。
係啦evaken，龍B既競爭真係不可想像！ 如果不幸地港同唔收大囡，到時我一定會試叩律小！
聽d媽媽講，St. Clare幼稚園下年開始都無得100%直升啦，宜家競爭激烈，好既學校越來越吃香了！加油加油！祝evaken你細仔可以有好offer！