「如果我個腦有問題，我都要去洗洗」

samuel89

CHAN-2 發表於 12-9-10 16:36
看完這段短片，你大槪會知道，為甚麼梁美芬及李慧琼等保皇派，能夠入到立法會的其中一個原因？

http://www ...

都系唔明......點都應該有d"精靈婆婆,公公"架, 入到去投票冇理由個個都甘順應"民"意架.....我估民建仲有好多招"殺手鐧"....

samuel89

天瑜 發表於 12-9-10 17:44
Samuel 大哥，

不是話您啊！

仲未俾阿仔"激死, 算幾好架啦...
好彩天瑜姐肯澄清一下,還我清白,thanks!

samuel89

天瑜  咁風騷！暑期一定同個囝玩得勁happy啦！，

唉...天瑜姐又誤會啦.......我系話暑期期間我自己好彩夠豁達, 先仲有條老命系呢樹吹下水娛樂下自己咋

囝囝爸

samuel89 發表於 12-9-10 16:16
網上圖片,不知真假, 反正民建鐵票信了....

囝囝爸可知道民建既鐵票何來.....我諗泛民真系要認真d研究下 ...

Samuel:
建制派鐵票從來都有，是積聚多時，不是忽然而來，或可說是一種忠誠。多年地方工作進行，對勞苦基層有利，自然得到信任支持，長期形成一種網絡，投票時易呼朋喚友，動員起來。相信鐵票在選情緊湊才發生效力，今次泛民，尤其民主黨，不是輸在對手，是輸在自己！

samuel89

囝囝爸 發表於 12-9-10 22:36
Samuel:
建制派鐵票從來都有，是積聚多時，不是忽然而來，或可說是一種忠誠。多年地方工作進行，對勞苦基層 ...

我反而覺得相反........建制派鐵票其實好多系"怕亂","求穩定"的思維而來的(當然呢類人好大部分本身系"既得利益者").......

samuel89

awah112 發表於 12-9-10 21:58
所以叫我食齋

酒肉穿腸過, 不吃白不吃,.......阿彌陀佛....

CHAN-2

夫子自唱 - 劉銳紹
泛民失利細說因由
(2012年09月11日)

過去的經驗認為，投票率增加將有利於泛民候選人；而且，這次立法會選舉投票前還有反對國民教育的浪潮，可以催谷泛民的支持者出來投票。可是，這次投票率有百分之五十三，但泛民的選情卻未如理想。到底原因何在？

其一，反對國民教育的浪潮只是偶發因素，雖然可以帶動泛民的選情，但殊不知建制派也在暗中擴大票源，催谷投票率。因為他們心知投票率高有利於泛民陣營，絕不能坐以待斃，無所作為，所以他們也在默默地開拓票源，包括老人家、新移民、退休人士、住在鄰近地區的香港選民等。
所以說，這次投票率雖然提高接近百分之八，但不是完全因為反「國教」的活動，而是因為建制派也暗中「把餅仔做大」。這些票源被動員起來，可以抵消泛民催谷的票源。

其二，建制派(尤其是傳統左派)的配票工作成功，民建聯在新界西三票全勝，港島區知名度不高的鍾樹根也可以與曾鈺成票數接近而雙雙當選，乃最好例子；泛民則基於各自的利益，無從配票，也沒有配票機制和意願。這是泛民長期存在的問題。

其三，民主派經常強調，建制派(尤其是傳統左派)資源雄厚，不愁人力財力物力，民主派望塵莫及。這是真的，但民主派只把焦點集中在「蛇齋餅粽」，卻忽略了傳統左派的另一強項，那就是「噓寒問暖，扎根基層。」這種工作稱之為「蹲點」，用左派語言說，就是「辦實事」，發揮了細水長流的作用。

如今，泛民在新一屆立法會共有二十七席，表面上保住了關鍵少數(至少二十四席)的位置，但其實當中還有隱憂。因為這二十七位當選議員中，已有不少摩擦，包括有些已是不可妥協的摩擦。他們日後能否團結一致，在重大問題上共同行動？仍是未知之數。

此外，過去泛民依賴的「六四黃金分界線」已逐漸模糊。這不單考驗民主派面對難關的政治勇氣，也考驗他們能否釜底抽薪的政治智慧。至於坊間觀察的另一個焦點：激進力量會否不斷抬頭？其實關鍵在於政府未來的政策是否繼續脫離民意。今天激進力量的發展，不就是官方自己造成的嗎？

csy_ma

CHAN-2 發表於 12-9-10 16:36
看完這段短片，你大槪會知道，為甚麼梁美芬及李慧琼等保皇派，能夠入到立法會的其中一個原因？

http://www ...

有朋友響面書上睇完以下文章後有咁既分享：

睇下啦反對派，唔好瀨人地蛇齋餅粽，咁多年都係呢招，你都破解唔到？你地有冇關心過班老人家呢？點怪得老人家投票畀保皇黨？如果想保皇黨少D長者票，班反對派既支持者，得閒就返屋企陪老人家，孝順下佢地，帶佢地旅行又如，去嘆茶又好，去食齋都好，咪可以幫你地支持既反對派拉返D老人票返黎囉！「我個孫仔上次同我去飲茶，同我講民建聯原來好衰架！」「我個女同我去食齋同遠足，都有提到佢地有幾衰啦！」哇，長期工作黎架，你估臨選舉前先搞呀？


點解蛇齋餅粽有市場？

by ＸＸＸon Monday, 10 September 2012 at 23:37 ·



已經唔係第一次，泛民輸波後，發動輿論係到鬧鬧鬧，話建制派只係靠蛇齋餅粽，又有好多人跟住鬧鬧鬧，鬧一D人淨係因為蛇齋餅粽就去投票，但係點解從來唔去反問，點解蛇齋餅粽有市場？

答案：因為蛇齋餅粽有市場囉。

出黎玩選舉，我就真係唔明，究竟係想選民認同自己既理念，定係想去配合選民既想法去做野？如果係前者，唔該你努力D去宣傳，如果係後者，就唔該你努力D去研究選民究竟要乜。

咁多年既答案一早已經好清楚，好多人就係buy蛇齋餅粽。

就算撇除某D香港人貪小便宜既心態，某D泛民既拉票模式，out曬啦，今時今日仲係靠抹紅、+臨選舉前靠一兩個政治議題吹雞去拉票，然後係咪都告急，10年前或者仲有市場，而家，早D返屋企訓啦。

平時你做過乜，以前你做過乜，香港人有眼見，從來都無做過野，或者從來都無認真去研究過選民希望你做既野，選舉前睇下邊個政治議題炒得hit就出黎抽下水，叫囂幾句，就想人地投票比你？今次如果唔係吳克儉幫手「助選」，同埋學民思潮搞起個勢，你班泛民輸到返屋企啦！

講返蛇齋餅粽，係呀，民建聯係靠蛇齋餅粽呀，你今日先知？一早都知人地靠呢樣，你就唔該用下個屎忽諗下點解決，唔好次次選完出黎就當係救命水泡咁攬住用黎卸責至得架！

同埋，係你班「高高在上」既道德Ｘ，係到批判蛇齋餅粽既時候，有無站係D老人家既角度去諗下野？去諗下點解人地會甘心投呢票比民建聯？

我地有讀過書，我地有好多渠道接觸好多資訊，我地知道民建聯有幾PK，有幾賣港，所以，我地唔會投比民建聯，但D低下階層呢？D老人家呢？佢地唔似你班ＸＸ咁能得閒日撚日拎住部iphone攬住部ipad係到上網Ｘ掃，走去睇咩人網咩獨媒，去非死不可開個acc睇朋友share民建聯最無恥。

對於好多老人家黎講，民建聯絕對係不折不扣既好人，好黨，係你班不孝子丟低屋企個老野去台灣尋找那些年去日本掃AV去法國買Lv既時候，班老人家淨係見到有一堆著住民建聯制服既哥哥姐姐，中秋拎月餅，端午拎粽黎探佢，得閒無事幫佢地量下血壓，新機場開搞個旅行團去機場參觀，迪士尼太貴去唔到都至少可以去迪欣湖打個轉，上晝睇離島，下晝食海鮮，得閒無事組織成班老人家去濕地公園玩個轉，好過係屋企發霉，呢D時候，各位偉大既道德撚又去曬邊呢？

套用某個專業黨既高層話齋：「我地D黨友都係專業人士黎架，邊到得閒成日去搞地區工作呀！」

係呀，你唔得閒，人地得閒囉。

咁係班老人家心目中，呢班幫佢地量血壓，組織旅行活動，得閒送D月餅黎家訪，有米派有餅乾食，仲會上們幫佢執屋既係乜野人呀？好人囉！呢個好人仲帶我去登記做選民呀！選民窩，好勁架！唔係個個有得做架，係班好好人既民建聯哥哥姐姐努力爭取我先有得做架！所以，果班鬧呢D好人既政黨係乜野人呀？衰人囉！投票時投票比邊個呀？

「梗係上次帶我去食海鮮果個哨牙叔叔啦！」

哨牙叔叔輸左窩，我相信，好多老人家，係真心難過的。

csy_ma

我諗哨牙叔叔係面書上好多改圖慶祝佢落馬果個？

csy_ma

其實我真係唔覺得在野黨同西環談判有咩大錯？政治本來就係談判既進退藝術，唔理西環等於著咗件皇帝既新衣，理念係好，但唔現實。以練Sir好耐之前既分析，因為有更激進既派系，民主黨既定位應回歸大圍既保守。不過，佢都係衰蠢，唔識包裝，甚至唔肯理直氣壯，正正常常咁同市民解釋佢地咁做既背後原因同理念（可能主因係因為根本冇呢樣野），抵賞一棍。

而且，真係唔覺佢地有做野囉。李永達響新西既告急廣播，就真係只話佢好危，要人救佢……大佬呀，有親呀？你連做過D咩都講唔出，點解一定要救你？