我好苦惱上小學後，到底應唔應該cut了彈琴？

ling1211

我現在有個問題！我囡今年將升小一,是好動型孩子,熱愛游水(今年7月頭開始學)同体操(已學2年)，已多番要求我上小學都不要cut,佢話真係好鐘意，游水老師都讚佢進度學得好快，可能她鐘意原故，所以很投入學加有体操底！但以上2樣野都要每星期各學2堂，否則都較難keep住進度！但她本身已好多野學，普通話，英文(較弱,唔學唔得 )，珠算(已學2年，學校老師話囡数學科最好)，剛學完乘數，現半堂珠心算，半堂初级奧数)，我想訓練她思维，所以不想cut,另也有學琴(學了年半左右,現2级程度),每天也有練半hr以上習慣，她没有抗拒練亦冇話唔想學，但又不覺她特别有興趣,我現在好苦惱到底應唔應該cut了彈琴，因上小學真的怕冇時間曰日練同學甘多野，2來又怕冇時間温書換你地會點做？

polly0503

睇下你個女的學校是否係高壓的學校如果唔係其實没影響。·:

w_y

呢個情況, 我會先cut 珠算. 你女兒程度應付學校綽綽有餘. 其實就咁睇你女兒能力很高, 無需咁快就叫停. 上了小一安定下來再打算都不遲.

Chowying

琴呢樣野, 快有快學, 慢有慢學, 都OK嫁. 我囡囡重其實升左小一先開始學琴tim

marcuscyrus

上小學看情況才作決定，但周身刀的孩子有時也有麻煩，日後如遇比賽，好可能要再加強訓練，隨時打亂平常的練習，所以日後可能要分輕重

wister

唔好cut,識彈琴好吃香架

palmchristy

小一至小三係蜜月期, 未需要特別溫書. 唔需要太擔心無時間溫書. 有興趣的應盡量繼續.

唔知大家有無留意呢個奇怪現象: 個別小朋友係越忙越強. 我見好多叻叻小朋友, 樂器打波辯論讀書樣樣精, 最特別係小朋友樂在其中.

我女小四時開學考完皇家試後才cut琴. 只繼續學大提琴. 以為多左時間成績會好. 結果反而dum懶左, 由名列前茅跌到十名不入, 仲要走唔返轉頭, 恨錯難返.

仔仔錫錫你

珠算學咁耐??  好多centre 1年學晒+x/ !!! 我個仔都學緊, 返多2堂就叫完成乘數跟住學除數, 但我會cut, 因真係太快, 學校最快都要小2先學除數, 所以我會出年summer 先再學返, 你都應該諗諗有無需要contuine.

你小朋友like 游水同体操, 其實係件好事, 你可以作為酬碼令佢努力讀書.  至於琴就睇你, 只要你唔係追求什麼演奏級的話, 繼續學其實問題不大.

ling1211

囡的學校不是谷的

ling1211

我的朋友都有提議我可先cut珠算，琴cut掉太可惜

ling1211

yes,我認同你說法，亦有諗過呢個問題，所以我會留意囡囡一段時間，到底那樣她較喜歡，就放多一點時間落去，另一樣就當玩下算了

marcuscyrus

ling1211 發表於 12-7-28 01:03
yes,我認同你說法，亦有諗過呢個問題，所以我會留意囡囡一段時間，到底那樣她較喜歡，就放多一點時間落去， ...

我有些周身刀的學生採9蓋10煲的做法(個人十分不認同)。他們在學界比賽前會停學樂器數星期，然後專操運動，到考琴試時又唔去游水數星期，到學校考試又乜都停哂。久而久之小朋友知道臨急個佛腳都會比佢抱，到頭來越來越懶散，上到中學，所有野都一下PAIR哂。

ling1211

我老公之前話過我比太多野個女學會影響學業，加上我係全職媽，如果個女學業成绩不好，我老公一定有微言，所以我都有壓力架你個女退步係指學業？

ling1211

學一年就能不用算盤，只用心算學晒“+-x/ 你仔好勁喎 我之前都試了3個珠算miss教我個女,给我感觉進度的確有點拖，所以2個月前再换了，呢個教得快D，現在學識了心算計“雙位x1位“，不過聽你甘講，我真係要認真諗下仲學唔學了yes,我現在就是利用游水同体操呢點利誘她,跟她協議左,要學就要勤力讀書，成绩好可以學，成绩不好乜都要cut其實我冇其望佢要考到咩级，只想她學琴學專注

Mymaggie

好讚同，慢慢學都得，可以陶冶性情，又可幫孩子relax

Mymaggie

其實，咁細個學什麼都得，但我會觀察孩子的學習態度，也要孩子明白唔認真學和練，就要取消；另外，一定以學業行先，如發現因課外活動而影響學業，才去取消其課外活動。曰後考中學時，都是看成績先，其他活動只是輔助，除非孩子在該活動中的成就去到國家級或世界級吧！不要太早煩惱吧！(日後還有很多事去煩呢)

palmchristy

ling1211 發表於 12-7-28 01:15
我老公之前話過我比太多野個女學會影響學業，加上我係全職媽，如果個女學業成绩不好，我老公一定有微言，所 ...

只要父母在愛和情感上支援足夠, 而活動安排合理的話, 小朋友識分配佢地的時間的.
反之, 你好心幫佢cut, 佢地就自然將多出來的時間 hea 左, 唔知做左乜咁.

如果D活動係佢地喜歡的, 佢地更會盡全力先應付學業要求, 再去花時間玩佢地鍾意的活動.

但最緊要安排合理. 如果攪到小朋友好遅至上床睡覺, 咁就真係要忍痛cut活動.

我個女係學業退步. 而家要搵方法追.

who530

回復 ling1211 的帖子

有關珠算問題想問，煩請check PM, thanks.

chumamma

palmchristy 發表於 12-7-27 22:57
小朋友係越忙越強. 我見好多叻叻小朋友, 樂器打波辯論讀書樣樣精

我亞嫂囡囡都是, 好忙, 成績好好, 她說每天趕住去學其他嘢, 會拿拿聲做好晒功課, 相反, 曾經cut 咗, 姪女變懶散。

我覺得學習態度好緊要, 認真學習態度 遠比 日操夜操 來的實際。

nakoko

我會將游水體操改為一星期一堂,鋼琴佢冇表示唔想學我會比佢繼續