PN同K1半日定全日好？

yoyo.yeung

我想請教下各位媽媽， 覺得報半日定全日好D？
個好處同壞處係咩呀？

ckate

我係新手媽媽, 我同奶奶住, 我要返工,佢幫我湊.
我怕佢寵壞BB, 所以打算比BB讀全日. 而且我覺得學校生活有規律D, 多D時間同其他小朋友接觸, 社交能力應該又會好D.

以上係我個人認為~

yoyo.yeung

我自己有少少予盾...

好似你咁講 "學校生活有規律D, 多D時間同其他小朋友接觸, 社交能力應該又會好D"

但又覺得半日可以多D親子時間?

gwlam

其實返完半日，返到屋企又要食午飯又要午睡，起得身都三、四點，唔會多好多親子時間，但如果返全日班，同同學一齊食飯，一齊午睡，一齊起身排洗食茶點，自理會好d，又social d.

yoyo.yeung

都啱喎, 今晚同老公傾下先, 唔該哂

lutang

我俾阿仔讀全日N班，我覺得自理能力好d，有規律d，因為佢要喺學校食飯同瞓覺，食完要執碗，又定時瞓覺，又定時去廁所，而且學校d飯餸唔錯（因為自設廚房）．

而且太細個冇乜興趣班好讀（我覺得大少少先學野會易d吸收），其實返半日都唔見得有太多親子時間，因為佢要瞓覺同食飯，起身都四五點啦！但到今年九月讀幼稚園我就轉佢讀返半日，因為大d就可以學野喇！

yoyo.yeung

咁我又想問下D N班係咪足2歲 (開班計?) 先收, 定可插班?

因我個B係12年2月出世, 即14年2月已足2歲...

我又見到有D 2歲8個月已可報K1

我應該點做呀??

sarubuta

如果自己湊，讀半日就夠。如工人或家人湊，全日好d。因工人好多時末必識同小朋友玩或教他們，特別是自理能力，就算小朋友想自己做，工人都爭住做 。老人家湊就好多時會種d孫仔孫女，但如果係識湊的老人家加上體能ok，半日班都可以。

lutang

回復 yoyo.yeung 的帖子

n班係要足2歲先可以返，因為係政府規定，好似我個仔間學校咁，未夠2歲既只可以插班．我見有d係11月先返學，但就冇咗適應期，所以其他小朋友開心返學時，嗰d小朋友就喊到七彩囉！

yoyo.yeung

回復 lutang 的帖子

個適應期係做咩架?

gwlam

回復 yoyo.yeung 的帖子

大部份學校都有適應週，比如8月開學頭一個禮拜返一個鐘，第二個禮拜返兩個鐘，到第三個禮拜先返足，etc.

yoyo.yeung

哦~~~ 明白~~!! 唔該哂!!

Confident

老人家湊梗係全日好啦，老人家點都係太愛錫，錫得滯就係品格上做成了有脾氣，想要必須要得到，而且老人家唔識按年齡去比佢地需要嘅訓練，如自理必無！行為教育做不到！大小肌肉發展訓練和專注力方面都唔得！唔係話佢地唔好，佢地當然照顧到非常好，但太照顧周到未必是件好事

cat1028

我囝係2月b,學校有位都會收插班生，但真實係無位，我都想知k1 未足2歲8個月收唔收？

cat1028

我囝讀全日班，自理，睡覺進步咗。

yoyo.yeung

回復 Confident 的帖子

好贊同你嘅講法, 所以阿B由出世開始都未過過四老手去湊

yoyo.yeung

回復 cat1028 的帖子

我之前都問過類似嘅問題, 有jm有以下嘅回應:


"...未足5歲8個月就唔可以參加小一派位（即冇小學收），所以就算未足兩歲八個月升K1（其實多數幼稚園都唔會收咁細的小朋友讀K1，只收開學時足2歲8個月）， 中途也要在K1-K3其中一級讀多年。"