ADHD小學生在學校有什麼支援?

IwanBB

囝囝9月升小四, 小一下學期向學校申報囝囝患ADHD, 之後學校在測考時作小組進行&可加時9分鐘, 其餘咩支援都無.

請問囝囝係屬於"融合生"嗎? 學校有向政府申請津貼作囝囝既支援嗎?

好無奈.....><

paiwai

其實學校都真係無咩支援, 我仔都係升小四, 學校個社工會跟下佢, 有時搵佢/我傾下咁, 有時都會有d小組比佢上, e.g. 專注力小組(幾個小朋友)...不過都係上過一次咋8堂咁上下啦, 考試就會同普通同學分開考, 同d有特別需要的小朋友一齊考~

fandd

「......學校個社工會跟下佢，有時搵佢/我傾下咁......專注力小組......考試就會同普通同學分開考......」
呢D咪係支援囉！由於津貼有限，可做既嘢就係咁！

IwanBB

囝囝只係上過4次專注力小組咋, 社工都好少理.....

另外想知道升中呈班試, 因為考試有調適, 分數會調整嗎?

faye525

我個女先叫冇支援呀!

我個女升小三

年頭CHECK到有ADHD, 通知左學校

但係除左岩岩通知學校果時, 學校個特殊組姑娘親自打過俾我一次外, 就再冇收到任何電話

係班主任好盡責一個月打黎一次同我傾下偈~

什麼小組堂, 測考分開考, 加大份卷字體, 加時考試等等各項, 一樣都無提供俾我個女

學校解釋話, 以我個女既成績, 唔需要咁做喎.....學校都唔覺得有任何岩既輔導堂俾佢上

叫我KEEP住同班主任CONTACT就可以..........

faye525

回復 fandd 的帖子

嘩...你地知唔知, 一張醫生紙拎俾學校, 學校報上教育局, 會因應小朋友既問題程度單一學生批出萬二至十二萬每一學年俾學校架!!!!!
仲會統計間學校係每一種類型問題既學生有幾多個, 然後派出人手去學校支援, 例如心理醫生, 言語治療師等等

所以學校唔會無津貼去幫D學生架!!!

反而我係諗兩個可能性:

1. 學校唔想俾人知佢間學校收左幾多有問題學生, 於是如非必要(即係唔係有好嚴重問題既學生), 就唔報上教育局...所以無津貼或者各種支援俾問題唔算十分大既學生

2. 一係學校衰到食晒個學生既津貼! 不過呢樣我覺得可能性唔高既, 因為學校收到各別學生既津貼後, 就要出返報告俾教育局D錢點用法...學生既進度, 情況等等....除非間學校無良到玩老作架唧....所以我覺得1既可能性高D..

fandd

回復 faye525 的帖子

「嘩...你地知唔知, 一張醫生紙拎俾學校, 學校報上教育局, 會因應小朋友既問題程度單一學生批出萬二至十二萬每一學年俾學校架!!!!! 」

係就係有津貼，不過無咁多，每位學生按病情給予1萬或2萬。唔信可以致電教育局查詢！

「……仲會統計間學校係每一種類型問題既學生有幾多個, 然後派出人手去學校支援, 例如心理醫生, 言語治療師等等……」

以上服務既費用就主要靠每位學生既津貼啦！

貓貓咪

我仔升小三,小一下學期確診ADHD， 學校社工在他小一開學已經跟進，每年都有上社交班，而我亦經常打電話跟進。 在上課時，坐位亦會特別安排。反而考試我們唔要調適，因他成績幾好。

faye525

回復 fandd 的帖子

1. 津貼既錢, 係我一個做名校既特殊教育組既老師朋友話我聽架~~ 佢有冇講錯數我唔清楚啦~~ 佢咁講, 我咁聽架唧~ 正如你咁講, 我又咁聽架唧~~
其實佢唔講, 我都根本唔知原來一張醫生紙, 學校就會有錢收!!!

2. 我知係靠學生D錢黎請人返黎~ 所以我成日都話我個女D津貼要黎貼左其他學生度囉...一係學校食鬼左.....一係學校從來都冇報上俾教育局知我個女有ADHD, 冇報冇錢, 所以冇支援~~
   不過我果個老師朋友話, 其實學校收得呢D學生, 唔計每個學生既津貼錢, 學校本身都另外有一筆錢架~~有幾多就視乎  間學校要咩支援啦~ 同埋收得多呢D學生既話, 就唔會俾教育局殺校囉~~~

fandd

回復 faye525 的帖子

「……學校本身都另外有一筆錢架……」

如果係主流小學就一定無呢筆錢！唔信，又係問吓教育局啦！

fandd

「我個女連社交班, 坐位特別安排都冇...... 」

如果你覺得阿女係有需要既，你絕對有權向學校提出，或詢問學校為何阿女沒有獲得上述支援。如果你提出，學校絕對有責任向你解釋。

faye525

回復 fandd 的帖子

其實我反而想問咩叫主流小學?? 呢樣我真係認真問
我都問過學校點解無任何野提供俾我小朋友

學校答我: 話以我個小朋友既情況, 唔需要任何支援~ 只需要班主任多加提點就可以~~

我本身都唔係需要學校刻意提供任何野, 只係好好奇, 點解乜都冇


學校咁答我, 我同C6都商量過後, 決定順其自然

因為我地都想小朋友盡量係冇任何特別情況下成長~

雖然係辛苦過人地好多....但係呢D係做父母應該要做既事

P.S. 我唔明你做乜咁激動! 大家都係係度討論下唧, 你好似食左火藥咁~

fandd

回復 faye525 的帖子

「我唔明你做乜咁激動! 大家都係係度討論下唧, 你好似食左火藥咁~」

呢D唔係激動，只係一種態度。知道「討論區」係一個言論自由既地方，但我更明白好多有需要既家長都希望喺呢處攞到「正確」既資訊，以有效咁幫到小朋友。既然自己知道有D資訊係唔正確，係應該比大家知道既！

shirleycnf

我前排為我仔仔選小學, 所以收仔集了不同人的意見, 以我所知真係有D小學表面上話有支援其實真係太輕kan, 好似無禁. 尤其係有D好谷的名學, 有D直頭勸退. 你唔讀佢真係大把人想插班讀. 我仔仔上私人小組訓練時佢有個同學仔, 個家姐都有讀障在一間很谷的一條龍小學讀, 最後都係受不了轉了間很關愛的小學,現在讀得很開心, 佢弟弟9月都會在此校讀小一.

fandd

回復 shirleycnf 的帖子

小學 與幼稚園不同，幼稚園還有I位，小學 則沒有，大部份基於資源有限，未能有效協助有特殊需要的學生。因此，如果小朋友的病情比較嚴重，到了小學 階段，父母便要加倍努力，否則便要考慮讓他們入讀特殊學校了。

香港只有少部份學校會較包容這類學生，例如下列學校：

(轉寄自「pocoyo123」)

1)黃大仙浦仁
2)耀山學校
3)廣東道官立
4)佛教慈敬學校
5)聖公會淨山小學
6)陳耀星小學
7)劉德小學
8)福德小學
9)明道小學
10)佛教志連小學
11)黃澡深

faye525

回復 fandd 的帖子

但係可惜你係每一次討論完後, 都叫人如果唔信你就去邊度邊度問~
仲要加大字體, 令人覺得語氣好沉重~

學你話齋, 呢度係討論區, 呢度好多人都只係將自己所知既講出黎

以我為例, 係我懷疑小朋友有事開始, 就不停收集資料~

跟住就都有好多熱心朋友, 馬上將佢地所知既講我聽~

對我黎講, 全部所知既都係一個參考架唧~~

尤其學校最終佢收到幾多錢, 對我黎講, 什至我覺得對大部份家長黎講, 真係冇咩關係~

最重要係學校作出左D咩支援, 或者有冇體諒到相關既小朋友同家長架唧~~

梗何況大家遇到既情況都會有唔同~我好相信每間學校既處事手法都唔一樣~~

咁何需攪到一個簡單討論, 變成氣氛沉重???

資訊岩唔岩, 呢度有咁多有唔同類型問題小朋友既家長, 淨係講食藥, 人人既情況同所持既意見已經都唔一樣...唔通睇到人地個小朋友話早晚一粒, 我個小朋友唔同, 就覺得人地唔岩咩~~~或者叫人地唔信就問下醫生咩~~

又或者近期好興既嬌視壓力CON, 眼科醫生, 視光師, 同家長既意見, 已經好多版本~~
唔通我知道戴壓力CON唔好, 就係咁同人講叫人唔信去問眼科醫生咩~ 咁人地個小朋友真係戴左一輪冇近視丫嘛~~

所以幾時都好....收到乜野風, 當交流咪得囉~~

faye525

呢個POST講返正題先:

其實我一直覺得, 對於有一D唔算問題唔太嚴重既學生, 學校既幫助真係可以無.
尤其一D邊緣學生, 什至成績唔錯學生

但係其實小朋友本身係有問題, 只係唔係叫嚴重, 好多時都會一兩個病夾係一個學童身上. 佢地既智商係無任何問題, 什至有D係資優~

咁既情況下, 家長點會送佢地去特殊學校呢~~

以成績計, 佢地係入一般學校, 什至係名校. 不過家長係背後花既功夫就真係多囉~~~
可能淨係叫佢地專心D做功課, 已經要提到就黎爆血管....
跟住小朋友一返學就會好驚個電話響!
因為好怕收到學校既電話, 打黎講小朋友今日又點點點點...
點解佢呢排又差左? 有冇睇醫生? 有冇食緊藥?
家長既感覺就好似俾人審犯咁~~同時都覺得俾人質詢緊做家長有冇做到野~
咁同俾家長壓力有咩分別呢???
做家長真係會好辛苦....
我自己就係小朋友讀小一果一年, 真係狂標左好多白頭髮出黎, 多到D朋友見到都問, 做乜攪成咁...想變楊過????

我同我C6曾經想為小朋友轉校, 但係小朋友好堅持係原校讀, 因為佢覺得好開心, 有好多朋友, D老師好鍚佢~

聽到佢咁講, 我地覺得, 讀書果個係佢, 佢覺得好就得! 我做亞媽咪KEEP住辛苦D做埋學校應該要做果份囉~

每次同老師傾完偈, 佢地都總會加一句: 媽咪你真係好辛苦, 好厲害, 可以TUNE到個小朋友同其他同一類型問題既同學有咁大分別~~
我每次都係答佢地: 係呀!! 我背後真係花左好多好多功夫架!! 血都嘔幾桶呀!!! 成日驚自己爆血管添呀~

fandd

回復 faye525 的帖子

如果一D澄清你講既內容，文字令你覺得我「咁激動……好似食左火藥咁……語氣好沉重……、刻意加大字體」我諗純粹係你諗多咗！

我既立場已於上一次表明，日後不會再多說！