請問18歲後,有哪些地方可以驗讀寫嗎?

hoyin721

大家好,其實我是今界334學生,
本身D字都又樣衰又寫得慢,
小學果陣係做野慢D同字體樣衰之外冇咩問題,
升上初中之後成日比老師留堂做課堂既功課,
抄筆記果陣成日全班差我一個未寫完,其他同學抄曬,但我就仲差一半以上,
而且就算抄完D字太過差,自己唔會溫...,

咁我前幾日收到公開試成績...其他科都算係考得唔錯....雖然份份都有10幾分唔夠時間做,但都叫做有4個4仔(當CE C)
但中文科細分入邊就有2個U....當然唔洗點寫字既聆聽同說話都係冇事喇....而特登寫得「好D」既字既寫作就好好彩2左( =CE E,雖然話寫得好左,但都係好樣衰,因為呢一科時間上比較多,所以能夠用「好D」既字黎寫好佢,但其他卷就唯有用返正常的字體....)

我中文老師都話我的能力其實一早夠lvl3(大學最低入學要求)
但佢亦都話其實佢一早擔心我手字會令到改卷果個改都唔改就U左我....
佢話我應該有讀寫障礙,叫我去驗讀寫,下年再去考返中文,等我下年份卷有人改,有機會入大學,
但我前幾日岩岩好過左生日,夠18歲,應該去邊度驗好?
我父母對於呢方面都冇咩了解,而我中文1左亦都冇得repeat....所以冇學校會幫我,
我應該點樣去驗,去邊度驗呢?
同埋希望知道大約的時間以及價格是多少...我唔想勞煩到我父母,希望用暑期工自己賺返黎既錢黎驗,
希望向位爸爸媽媽可以助我一臂之力,建議下我應該如何做?
thank you very much

Wszeyiyi

你好。
我也是很大才驗讀障的，當年已經十六歲。
其實香港政府很奇怪的，假設了所有小朋友會在小學發現，所以一直都只有小學卷，2007年才加了初中卷，只適合十五歲半以下的學生。不過，近幾年聽聞出多了一份成人卷，真的不太清楚，好像跟初中是沒甚麼分別。

我當年是在小童群益會驗，對於一些有經濟困難的家庭有支助，便宜一半的，你可以打電話去問下，跟他們說說自己的情況，或者先去下面的網址看看吧~

http://counselling.bgca.org.hk/publish03.html