想考真光，有咩要注意？

shirleyysy

小女今年升K2，想小學入讀真光。請問要注意甚麼？此校每年約有多少人去考？要有好多考試或比賽之證書嗎？
Thx

ms.bead

原帖由 shirleyysy 於 12-07-21 發表
小女今年升K2，想小學入讀真光。請問要注意甚麼？此校每年約有多少人去考？要有好多考試或比賽之證書嗎？
T ...

小女今年入讀小一，其實考真光都冇咩要準備，冇話要咩獎狀或portfolio…
first interview: 之前寄張大label比小朋友，填姓名及畫公仔，interview時貼上…面試時會問一些處境題，冇咩學術問題，不需特別準備
second interview：會見校長或副校(父母+小朋友)，都是問些普遍問題，要填問卷
想問一下，點解真光咁吸引你?因為真光唔算係熱門學校…

shirleyysy

先謝謝你~~但真光唔算熱門學校咩？但我覺得真光好熱喎，我好想個女入呀其實個仔上年考小學我都有去聽簡介會，我覺得幾好，啲學生感覺好文靜同乖。但因為擔心男仔比例少，個仔又周身郁，所以最後都無報。依家仔仔考到另一間私小，咁妹妹首選當然係考哥哥嗰間，方便嘛，但我都係鍾章真光多啲不過我個女超無膽，到依家去返興趣班都喊，要適應幾堂先得，所以都唔知到時佢肯唔肯入去面試而且佢咁驚，我諗佢都唔敢去考咩試，無cert有無機會㗎？同埋真光點解唔算熱門呀？Thx

ms.bead

原帖由 shirleyysy 於 12-07-22 發表
先謝謝你~~但真光唔算熱門學校咩？但我覺得真光好熱喎，我好想個女入呀其實個仔上年考小學我都有去 ...

唔好意思，可能我既說話引起你既誤會…我所指唔係熱門，因為九真喺EK唔係好多人談論，多數都係d人比較"九真同xx邊間好d？"... 九真唔算好谷，而聯系中學亦唔算成績好勁，可能好多人只著重成績嚟比較，所以咪少人談論…不過我都係比佢既德育吸引，我唔想呀女變成港孩…我呀女都冇獎狀，second in時亦攪左好耐先肯自己入去見老師，最後都收左呀女，所以唔駛擔心...

shirleyysy

我仲以為你話九真唔多人報其實有無話真光鍾意收咩類型小朋友多㗎？例如宗教、名幼、多獎狀證書…嘻，唔該晒