4歲中耳積水, 中度弱聽, 有幾個問題

baby_yuyu

睇o左許醫生, 因估計積水超過3個月, 甚至一年。check埋有中度弱聽。建議即做手術。但我太緊張忘了問他些問題, 現在請教一下。
1. 做完聽覺測驗, check到有中度弱聽, 醫生就說是中耳積水。會唔會有其他原因呢? 會唔會做手術時先知唔係中耳積水影響到弱聽?

2. 醫生說估計不是永久性的弱聽, 點先知係唔係永久性呢? 因我很擔心, 睇到有媽媽話做完手術先發覺神經線已受損, 導致永久弱聽。

3. 我問醫生做完會唔會好返好似正常一樣, 佢話一般都會, 咁又其實有幾大機會係做完都係有弱聽呢?

真係唔好意思, 因我和老公都很擔心, 所以想了解多些, 請有經驗媽媽幫幫手。

icanhear

很難答你，一般會相信醫生的診斷。若不放心，何不找多一位醫生取多個意見？

baby_yuyu

其實咁多人話許醫生好, 所以我都好信佢, 不過只係要了解多o的, 同埋可以同老公解釋個情況。我之後打電話問phonak要唔要做多次test, 個專家解釋o左我聽啦, 佢話, 做行為測試分2部分, 第一是帶耳筒,第二是帶好似一個頭cool咁o既來test。第一個test就可以test到中耳o既問題, 第二個test就test內耳o既。咁所以就知道係中耳有問題。

另外, 佢都話一般都係暫時性, 有o的老人家拖好耐好耐都唔醫就可能會永久。幾個月至1年積水應該仲有得醫。

我已confirm做手術了, 希望一切順利。

icanhear

本人做過呢個手術，其實是一個小手術，好快。但會不會復發就每個小朋友不同。

nmy1024

回復 icanhear 的帖子

我都唔知點講,

姪女4歲4個月, 剛check到兩邊耳中度弱聽, 醫生話唔會好番, 安排她將要戴兩邊助聽器....

我想問, 咩叫做好唔番呀? 係咪天生架? 佢bb時做聽力測驗無問題喎, 而家話佢聽唔到d 高頻率既野, 所以佢到而家都發音不清, 特別係....水會變成隊, 巴士的士會變成 "de"....

助聽器有咩幫助? 咁人工耳蝸又可以唔可以幫佢解決到問題....

thx

icanhear

助聽器可以幫助患有弱聽的小朋友聽得清楚，因而改善發音，同時加強整體學習能力。

醫生有沒有解說引致弱聽的原因？

hannalam

你孩子而家點呀？我個仔三歲都有中耳問題，約左星期一去見許由醫生。峰力個甘生話點解政府可以拖症咁耐，話半歲時應該可以處理，我聽了都好無奈，政府醫生初時講到好輕微，唔影響言語發展，而家話有聽障，又話唔建議戴助聽器、又唔建議做手術，淨係一咪叫我等，可能遲啲無積水問題，三個月等了又三個月.....

bubufafa

回復 nmy1024 的帖子

4歲4個月先知道兩邊有中度弱聽算遲，發音、詞彙同文法各樣可能已經有不足，你覺得佢語言表達或理解點，社交有冇問題？醫生話唔會好番，即係佢覺得唔係一啲暫時性嘅原因，例如中耳炎或者感冒咁。根據西醫，弱聽只能期望穩定不要惡化，是沒有治療方法的。細個做聽力測驗時有幾詳細先？測唔到有咩咁奇？係咪天生好難講，而家未必追查得到，查到都冇用，諗吓點攪好過。聽唔到高頻，水會變成隊，好大可能係弱聽原因，可能仲有其他音未講到，你認真留意吓。助聽器即係放大翻啲聲俾佢聽，未必一定可以聽到全部頻率既聲，要睇個別情況。人工耳蝸？我覺得唔到最後唔好諗，有幾多手尾跟你知唔知？

nmy1024

回復 bubufafa 的帖子

THX for your reply.
係我個姪女...not my own daughter. 只知係排緊期等配耳機....佢既爸爸就refuse相信, 佢覺得自己個女無問題,

我都無咩可以做....只係俾d 意見, 如果佢地唔去take action, 我都無乎....

就係我聽到佢去到4歲幾發音都有問題, 又唔係好complete sentences才叫佢媽媽帶佢去驗....but 都係拖得就拖...

社交當然有問題, 唔係好表達到自己...

bubufafa

中度弱聽應可進行日常對話，但係如果環境嘈吵嘅話會聽得辛苦，妳可以試吓佢，例如去飲茶時喺背後同佢講嘢，睇吓聽唔聽到。連親生父母都唔理，妳仲可以做啲咩丫？仲有社交當問題，好可憐。如果可以就帶佢見吓言語治療師啦，有冇遲緩都好，都叫有個知字。辛苦晒妳。

baby_yuyu

我個女做完手術好返啦, 不過會唔會復發就唔知, 好多謝許醫生呀! 如小朋友有事, 一定唔好拖, 睇專科。

IRON

baby_yuyu 發表於 13-1-10 14:34
我個女做完手術好返啦, 不過會唔會復發就唔知, 好多謝許醫生呀! 如小朋友有事, 一定唔好拖, 睇專科。 ...

講得岩! 我仔小時都係許醫生做, 而家小六啦, 小五時老師話唔好浪費佢既語言天份, 叫我俾佢辯論培訓.
想當初, 都係無s音, t音.......語言治療無效, 原來係耳仔問題.

good luck all!

iyct

回復 IRON 的帖子

唔好意思！邊位許醫生？可否介紹或PM我？收費貴嗎？

IRON

回復 iyct 的帖子

許由醫生, 呢樹好多人識

iyct

可否PM我詳細資料?

濼晴

想請問許醫生貴嗎 同埋抽積水手術要幾耐 診所做定醫院做

本人十分心急， 同心情有點慌  做完抽水 要休息幾耐

謝介答

icanhear

你可以打電話去問下診金幾多...

IRON

我仔做已是多年前的事了, 手術養和做, 至今沒有復發(TOUCH WOOD先)

每年我仔都會去搵許醫生check下耳仔, 有耳c就清下, 順便亦當探望一下醫生, 因為他當年的快速正確判斷, 我仔在幼稚園階段完成了手術, 往後的學習得以發揮, 今年升中了, 進了一所理想中的學府, 真的很感恩!

chynnamama

唔好意思, 我都想問下, 個仔剛check 到高頻聽力有問題, 再要 refer ....... 唔知之後點算! 老公就若冇其事, 話佢平時都聽到嘢邊有事呀.... 但佢a 仔, 唔知有冇開係...

mrmaozi

原帖由 IRON 於 13-12-12 發表
我仔做已是多年前的事了, 手術養和做, 至今沒有復發(TOUCH WOOD先)

每年我仔都會去搵許醫生check下耳仔,  ...

可否pm許醫生的電話俾我！thx,我女兒尋日做聽力測試都測到輕至中度弱聽！有中耳積水！唉！