我真的戇居嗎?

htts

之前入直資, 上左3日BRIDGING COURSE, 後來放榜去叩門2間官津校, 一間收一間無NEWS, 原先好開心的去叩門中學註冊 (放棄直資).  

這2天, 有親朋戚友問候我地, 知道我地入左叩門中學就話我地戇居, 因直資那間中學無論各方面都比E家果間優勝, 又話我E家那間中學成績滑落緊, 仲話佢肯收我女呢類低質學生就係好證明......

呢間叩門中學係我老公的DREAM SCHOOL來的, 係佢一直想入/搏的.  另, 我地都因好多FACTORS, 再加考慮都係揀選呢間中學.  不過, 老公聽完親朋戚友的COMMENT, 就好疑惑是否替女兒選擇錯了.

我女就原先LIKE直資中學,  係佢話要考的, 我地就讓她試下, 又比佢搏到個OFFER.  但上左3日BRIDGING COURSE就唔多LIKE, 話BORED, 又話俾人睇唔起(有D 自卑), 所以佢都接受呢間叩門中學.

呢刻無論有否揀錯, 都定下來了, 但給人說成戇居, 確實有點難過.

龍舌蘭

如果妳開名, 不信沒大把人叫好. 魚與熊掌.
讀書的是妳的囡, 教囡的是妳兩公婆.
其他的, 不理也把.
自已認為是好的, 就是好的.

mamafufu

可否講吓直資係邊間, 叩門又係邊間?
如唔方便，可pm給我。

既然叩門嗰間係你老公的dream school, 我諗都唔會差得去邊。

施爾歐

如果直話你個女係低質學生，呢D咁既低質親戚的話都可以唔使理。

orangebb

親戚朋友講嘅野, 識當時候要扮聽唔到 !  

htts

不打算開名了, 我覺得我女係高攀左間school , 佢肯收我女, 我都好意外!

係無諗過人地覺得我地的選擇係戇居囉!

BallBallMaMa

回復 htts 的帖子

htts,

話你戇居嗰個先至戇居, 都係嗰句, 冇話 A校 absolutely > B校, 兩間都好, 阿女返學時 feel comfortable 就最好

你依家嗰間真係very good wor

tonychu

你親朋戚友講野都好像有點不客氣,戇居+低質學生,咁樣話你地真係唔太好,各人頭上一片天,每個人都有自己的選擇,唔會唔讀果間就讀唔成書的,你地係父母,你地先最清楚邊間比較適合個女,唔需要對佢地的說話咁上心吧........

jvkll

吾好意思講句...你e d 親戚朋友都好無禮貌law...你話間學校滑落緊吾緊要..但點都吾可以話你囡囡低質學生...好過份:..講真佢憑咩去批評你囡囡..又吾係亞囡kei 班主任/老師...一d 支持鼓勵說話都無...所以無需理會e d 人..最清楚kei係小朋友kei父母..吾好吾開心..笑番

htts

jvkll 發表於 12-7-18 17:16
吾好意思講句...你e d 親戚朋友都好無禮貌law...你話間學校滑落緊吾緊要..但點都吾可以話你囡囡低質學生... ...

佢哋唔係對住我女講的, 係同我老公講, 我老公講比我聽的.

htts

BallBallMaMa 發表於 12-7-18 17:14
回復 htts 的帖子

htts,

我女覺得lonely囉, 因無同校同學一齊.  希望佢快d適應啦!

SARIDON

3姑6婆講的野你又駛乜理佢呀，又唔係佢去讀，佢又唔係校長，成績係唔係下滑，佢話係就係咩，最重要係你同你個女鐘意咪得lor，時間可以証明一切！咪咁容易比人影響到先得ka

Ivy07

回復 htts 的帖子

既然係自己鍾意，又係津中，可以解決學費問題，不需理人點講，每個人都有唔同的價值觀及想法，實際用家係小朋友，只要囡囡讀得開心，而你又放心，咁已經足夠

htts

學費都係concern.

htts

原帖由 SARIDON 於 12-07-18 發表
3姑6婆講的野你又駛乜理佢呀，又唔係佢去讀，佢又唔係校長，成績係唔係下滑，佢話係就係咩，最重要係你同你 ...

佢地都在一些名小學教書，他們覺直資較優質！

我女成績又真喺唔太好，尤其數学和中文

BallBallMaMa

原帖由 htts 於 12-07-18 發表
我女覺得lonely囉, 因無同校同學一齊.  希望佢快d適應啦!

細路女好容易熟落，叫阿女open D，唔好收埋自己，多D撩其他同學傾計，約埋一齊去洗手間，好快就識到新朋友，唔會淨係得阿女一個孤單升上來嘅，總有其他落單的同學想識新朋友的。

我家女兒返去中學考完分班試&pre S1已識了一籮同學了。

CrabPincers

原帖由 htts 於 12-07-18 發表
佢地都在一些名小學教書，他們覺直資較優質！

我女成績又真喺唔太好，尤其數学和中文

啊，吾好看小自己個女，spcs收得，又叩門入到一間可以令你放棄佢的中學，呢間中學都不會差啦，香港區無乜邊幾間啦

你女成績點會差呀

不通兩間學校d老師盲既？

不過有樣野，你要教個女，不好看人地點有錢，就算官津校都好多有錢人，我女有同學住獨立屋，一假期就飛，呀爸係警司都有，最重要係要看得起自己

SARIDON

回復 htts 的帖子

剛剛開始大把機會追啦，你要對自己的選擇有信心，邊個可以保證你去個間直資一定係啱，去津小一定錯。所謂下滑，人家爛船還有3根釘，下滑就唔比人上滑咩？

like_travel

你最好call back 你親戚, 問佢擦左牙未 ? 並介紹佢用漱口水

你親戚 " 坐井而觀天，曰天下者，非天小也 "  !