···························

囝囝mama

回復 yuenkw 的帖子

不如同囝囝講做完D習作!!!再比D佢自己自由時間(捉棋,睇書....)等佢有番小小空間!!再這樣佢升上小一!!!你更加辛苦!!!!

其實佢都好叻囝啦!!!做到啦咁多嘢!!!留點空間給他!!!便ok啦!!!

sandytaitai

唔好意思多口說句..........真的難受......個細路 !
忍左2年好叻嫁啦

marcuscyrus

佢學的東西如果不是自發喜歡的話，這樣又真的太辛苦，而且每樣都有延伸功課，話就話4-5HR，計埋做功課/練琴等等唔止的哦

yuenkw

昨晚同呀仔落平臺公園、會所泳池玩水、玩單車，搞足 3 個鐘 ，佢想玩o羊就同佢玩，發現好耐未見過佢笑得咁鬼馬。

臨訓前仲問佢有o羊唔想學，佢講唔想學游泳（訓練個種），ok，承諾佢上完今個月唔使再上。

bee918

比上不足，比下有餘? 比較會令人更快樂嗎?
小朋友要hea, 個腦仔先至有時間去處理學左既野.

yuenkw

·······················

kuen2348

回復 yuenkw 的帖子

既然學校教深咁多，要繼績努力keep住，否則追不上甚辦，暑假期間真要keep住學熟小一二嘅課程呀，唔好hea咁多啦！最好睇吓佢仲有無時間，睇吓佢學術和體藝方面還有乜缺失，加强多方面發展，小朋友現階段最緊要學多些，尤其在學術方面，如果唔喺，大咗點同人競爭，hea同玩可免則免！
-----祝你兒子在你培養下會更上一層樓!!!!-----

(我喺講緊反話，希望大家唔好誤会。我同大家諗法一致，因材施教，個個都想自己仔女喺資優加十項全能，樣樣勝人一籌，但事實喺咪噉？做家長每每忽略仔女特質、興趣和所長。就算谷都因人而異。樓主仔仔撕爛習作紙喺一個訊號，已經喺對過多學習一種厭惡訊號！玩同hea每人都需要，小朋友尤其重要，學習同玩樂要取得平衡呀，樓主亦講過好耐未見仔仔笑得咁鬼馬！大家還記得前一年兩單小學生跳樓事件吧！希望樓主会揾到仔仔學習同玩樂嘅平衡點！)

kuen2348

回復 施爾歐 的帖子

delete

mokchingyin0910

咁辛苦

ciao

小朋友要因材施教, 如果小朋友係受谷, 沒有反抗, 又好享受, 對家長對小朋友就當然無問題, 亦唔需要開題問人意見!

“比上不足,比下有餘” -- 小朋友咁谷法,如果去到小學,唔係考top 10, 做家長會否

唔開心? 接受到嗎? 一山還有一山高呀! 更何況, 如真係考到top 10, 只看名次, 旁人聽來就梗係覺小朋友係好叻, 但之前有冇比較下小朋友付出左幾多呢?

谷成咁, 考到top 10, 但另一些同學, 有個開心童年, 但考top 20 / top 30, 我覺後者會開心好多。 仲有就係,我成日覺得, 係叻o既小朋友,唔谷佢, 都會考到top 10!

我覺大部份小朋友資質都唔差, 只係睇下家長有冇開行谷同小朋友是否細心而已, 所以見有好多小朋友係高小同中學成績會突飛猛進, 因小朋友小時冇家長谷, 到某一年紀會自發讀書, 亦懂找方法去幫自己! (當然不是全部孩子也是這樣, 也要看孩子的造化)

比我選, 我會寧願考above average, 但小朋友有開心笑顏! 愉快學習好緊要!

個人意見, 不喜勿插!

lojo11

Hea下其實等佢地靜落黎，好似食飽左唔可以即刻運動，要回一回氣先！我仔係hea時會攤係到睇電視、或踢下波、或砌下blocks! 任佢自己喜歡。

idy926

yuenkw 發表於 12-7-18 12:15
唔知點做好！打又打過、道理又講過。

唔知是否太 push 呀仔，平時課外堂包括普、英、數、小提琴、跆拳道。 ...

為左做習作打佢，換轉係你會鍾意做嗎？小時只可發小脾氣，大個一係自殘一係反判，請小心處理。不喜勿插:cry:
親子十八式之：孩子没時間玩？
http://www.hkedcity.net/article/parent_feature_18tips/111213-009/

qoo_pooh

yuenkw 發表於 12-7-18 12:15
唔知點做好！打又打過、道理又講過。

唔知是否太 push 呀仔，平時課外堂包括普、英、數、小提琴、跆拳道。 ...

我仔仔本來將會與你做同學, 所以你的憂慮我是感同身受~~
我覺得樓主現在應該同仔仔商量一下每天的功課量,
會不會因為暑假而做多了?
有沒有時間玩玩具 / 看書等等?


另外, 將來返小學除了要應付學校的功課, 默書, 測驗和考試外,
若做完學校功課仲要做額外功課都幾辛苦~~
所以你的課外補習班要不要調整一下?

JJDBB

不要令他失去學習的興趣了！

maybo224

跟仔仔一起從新訂立作息時間表，豈非更好！

mch411

考入傳統名校冇得唔谷
唔谷只會做名校地底泥,
食得咸魚抵得渴
贊成樓主強谷個仔

**不過我自己唔會谷我個仔,
因為我會幫佢報普通小學,
佢大個唔做賊我已經覺得ok**

mansum92

我個仔K1-K3報既班全部係玩既 佢玩得好高興 上左小學報既班佢都覺得係玩既 當然樂器要綀下 冇同佢報公文去谷佢 以我既經驗 佢上到一年班 有精神有心機上堂就自然會識 早D教佢佢係未到果個TIMING就係會唔明 令佢好難受 反而平時同佢玩數學遊戲 日日同佢講英文 佢上小學完全冇難道

roccolamar

yuenkw 發表於 12-7-18 12:15
唔知點做好！打又打過、道理又講過。

唔知是否太 push 呀仔，平時課外堂包括普、英、數、小提琴、跆拳道。 ...

樓主，你情況同我差不多。因我們兩個都要上班又無請工人，所以小朋友N1-K3都是全日+延展，上午9時上學、下午放工6點8左右接放學。知道上小一很忙，所以盡量安排在小一時學晒。星期一放學學跆拳、星期二放學學日文、星期三放學學麵粉花、星期四放學學游水、星期五學音樂班、非洲鼓(上星期剛停)、Movers+鋼琴、星期六西班牙文、畫晝、言語治療、phonics、星期日故事班、珠心算...還有之前一些不定期的專注力班、中國舞等,,, 一星期大約15樣。每天放學後食完飯都要與他做一行珠心算及練習講故事、故事六大原素、連接詞、溫15分鐘中文、溫15分鐘日本、溫15-20分鐘琴，英文就5-15分鐘左右，但前排考starter就溫耐d，一般會溫到12點。但雖然讀很多活動，但我都會堅持給他午睡時間。每溫完一樣都有休息時間，有時真係好倦就刪減1-2樣。

因為每日都要做珠心算練習，佢都唔鍾意做，但對上堂無抗拒。但我有同佢講學埋除數，識晒加減乘除四則運算便可停，所以佢知道幾時會便學晒有目標。我同佢講點解要背乘數表，現在唔背到時小一下學期都要背避唔到，現在背了有什麼好處等等…..所以佢接受。但樓主的小朋友學公文，我知道都係每日做幾張工作紙，重復又重復，一做就要好幾年才停，個目標好似好遙遠才到達。所以樓主可能在考慮數學方面選些學幾個月或1年便可以學晒的數學給他，最好個目標的小d同比較在較小時間可以達到的、或者選些比較有趣味性的學習方法，增強他的學習興趣。

游水我是選1-1的，由今年5月份開始學，上星期剛學識不用任何浮板自己游到半個池。我同佢講學識4式就可以唔駛再學，又不停同佢講識游水的好處及必要性及點解想他學，得閒又同佢玩下水，所以佢都接受左無扭計。

言語治療及故事班都是為了在小一前增強他的語言表達能力，全都會在8月完結，但上了1個月，真的進步很多。日文及英文就分別以記憶法及phonics幫他記生字，我覺得只要時間安排得好及有趣味性，學得多都沒有問題，我從來都沒有給壓力給他。要他學鋼琴，從來不是要迫他考試，只想他享受音樂。如有他覺得難學的，我會嘗試不同的學習方法，當他掌握了技巧，他便會有興趣繼續學習下去。當然我還是會盡量給他休息時間及玩玩具時間、親子活動等。

healthybaby

好恐怖！我以為是坐監先會有呢種生活

ciao

我係咪睇錯左~~~真係暈了！

因為知道小一好忙，所以盡量小一時學哂，其實家長心態是為什麼的呢？就是為小學考top些，給人讚叻仔叻女？真係百思不得其解！


幾歲人仔，點解個童年咁家！好可怕！