求救！唔想重讀中四啊~ e+好迷惘請比意見啊

s20812859

我略略講講我的情況吧！（好似講故事咁 人物 我父母親文化知識水平低。所以就我學業上多數由我話事）辛苦~我13歲 即是06年來香港 在大陸應升中1 來港后9月就讀小5
（聽人說重讀小4啦 你會跟得上。唔系你要讀中1 人地唔比插班小6葛）
升中時，班主任好熱心為我們同學仔，鼓勵我們 而我成績在班上只是中等 我毅然決定自行分配學位去了band1以數學出名的學校。我父親和我一齊去遞表，我也有去面試。（選母語學校因為自己英文差 根基不好 無語言 藝術天分。）
我十分開心 班主任都好開心。（我最自豪的一顆是數學課)
中1時 入了band1的母語學校  拿了全級數學第一名 自己好開心 母親父親好開心
中2比較叛液，缺點啊啥啊都拿過 考試不溫書 英文不合格 其他都pass 數學有80%
中3時 啊sir比較惡 上課不能嘈 傾計 在沒人打擾聽書的情況下 我可以上中4 （中3 一年有做part time） 考試不溫書
中3暑假 我想 我怎樣才能平安中6畢業呢 不希望張證書好靚 就是希望有張證書就得。所以我選了自己有興趣的選修科 。會計 經濟 中史 有興趣自然用心聽書啦 一定可以用來拉高總分啦 我數學咁掂 又拉分 中4中5一定不會留班 中6個試考完我就完成心願了
中4 我很開心 因為我可以升中4.中1到中3唔會調班 中4是跟科選班 全都不是初中的同學 是同級撈亂左e+同一班
我地男少女多 我上果d科d啊sir 超好人-.- 你傾計訓覺佢唔鬧 我咁頑皮當然有時傾計有訓覺。
總的來說 我中4是上課沒聽書 （太嘈啦乾脆睡覺or傾計算）考試無溫書 。
考完試我都有預感我會留班。(中4上課太嘈無聽書，又是第一次接觸 ，同學都認為考試唔夠時間會影響分數 加上自己考試無溫書，想好耐先左一題 所以有d卷好多無答or亂填）
拿到成績表一看 英文數學不合格 選修科差小小合格 （我最失望是我數學得40%，我自豪果科....。英文是預左不合格
果然我真的留了 我仲知道我是第十個留班的 只留10個今年 而第11個總分同我差25分 其實我可以在很多都可以拉高d分
證明 我的策略是可行的。 因為和同一班人考了3年試 我會知道有幾多個“箭尸低” 有10個咁 我就可以用拉高總分來避免留班 因為每年留班的人數都不多  只是今年特別多.....
好了不說了 回正題 拿左成績表后我知道自己要留班 我不想留 便和老師社工溝通  我知道學校不可以比我升中5
和他們溝通后 我更加堅定了我要完成中6的決心。所以要轉校升讀
  我是7月11號才收到成績表 搵學校是7.12號搵 搵左我地學校同學轉校首選 ，又是我表姐表哥之前讀那間。信心十足他會收我  可是等了幾天都沒回音。可能我封“求學信”寫得唔好 草草50字 （未寫過 第一次唔知格式）
又要寫離校信
我等陣會在寫求學信 明天去搵多幾間 又會再去多一次果間遞交多一次


現在很迷惘 怕無得讀中5  啊sir話要轉校快啦 人地要搞手續咖 人地都要放暑假 遲左沒人幫你搞入學d野


真的很迷惘 請問有無人有過同我一樣的經歷？
麻煩大家比下意見 or 發表一下
thx
不知不覺打左咁長篇（⊙﹏⊙b汗ps 我中1到中4都無拍拖 中1到中3都同fd （小學+中學同班 ）2條友玩 中3完左佢就轉校左啦
中4 升上去x班度 同之前識又唔系好熟的男仔玩 成班玩耐左就熟曬 有時上課一齊傾計 有時一齊打機咁..
其實我知道自己的能力 我相信我去band2.3 我一定用心讀 我知我系讀到書d人  奈何e+好似搵唔到學校
又好像讀埋中6拿文憑。真的不知點算好

Yanamami

要為自己的行為負責吧.  既然沒認真學習過, 留級是理所當然的.  倒不如痛定思痛, 好好把握重讀的一年, 為自己打好基礎吧. 態度不變, 轉到那裏都是一樣結果.

khmama

你既然覺得自己係讀到書，就要比心機去讀，原校留班我覺得對你係最好。你試下當自己係第二個人，睇返你自己寫嘅嘢，你認唔認為自己應該要先改善態度先？你要對自己負責任㗎，前面條路點行要靠你自己，旁人冇辨法幫，點解唔珍惜自己天賦嘅能力，好好咁去完成學業？

nganc9

差唔多科科唔合格, 點解唔留班

LWLM0804

睇晒你寫嘅嘢，第一感覺你只是想拿張中六証書而已！你現在話讀緊band one 中中，如果一個學校比學生上堂傾計，瞓教，打機都得，我相信學校本身都有問題！你說轉去band two,three學校會比心機讀，其實冇可能的，身邊同學個個都唔讀書，你會讀嗎？你自己讀書態度依然沒變，去到一間band three 學校，只令你越來越差，因為你只想升班而已，完全唔覺你係一個讀到書嘅人。

Chau444

既然知道自己有能力, 不如痛定思痛, 在band1原校重讀一年吧! 雖然你現在應該升中五, 但過去2年都無認真學習, 現在用1年時間去追回應該學習的, 也是值得.

在這裡, 很多成員都是家長級, 口氣較為家長式, 可能你唔啱聽, 不過真是苦口婆心. 人望高處, 為何有band1學校唔盡力去讀, 只為求快些完成中學課程而放棄一個重新出發的機會, 不可惜嗎?? 不心痛嗎???