train亞仔朗誦比賽, 私人一對一還是出外參加機構朗誦課程好?

喵媽

第一次,我覺得join班好, 因為可以比小朋友睇下同學仔個個都係若無其事咁喺課室大大聲朗誦, 咁佢就唔覺得驚, 朋輩影響好過你成日叫佢唔駛驚, 唔駛怕...! 等佢第一次比賽後, 覺得有需要先考慮一對一吧!

喵媽

dragonball0301 發表於 12-7-9 17:49
謝謝你的意見.  我仔仔都參加過一次比賽 (搵老師一對一練), 但我覺得水準同人地差好遠, 無論聲線,語調, 動 ...

其實朗誦呢d野都要睇下小朋友鐘唔鐘意表演, 語言能力, 表達力等, 呢d都可以慢慢鍛鍊既! 我覺得老師亦有差別!
你說小朋友比人差好遠, 咁其他人會唔會已經比賽過, 唔係第一次呀? 個個小朋友既第一次都會差少少既, 不要介意, 比d時間同心機, 一定會有進步!
你住邊區先, 如果唔同區就無謂介紹, 因為唔想比人覺得我係想介紹老師...

喵媽

回復 dragonball0301 的帖子

我仔在荃灣學, 佢既老師教得好好, 亞仔比賽以來經常3甲, 不過老師都話, 就算佢教得好, 都要小朋友本身有條件+興趣(字正音準, 表現力強)先可以成日拎到獎, 因為佢都有好多學生, 並不是個個有咁好成績!! 我唔想大家唸住跟某D老師一定有獎, 都要小朋友有興趣同努力, 因為我亞仔都好努力日日練習的! 你明白我先pm資料比你吖!

喵媽

回復 Briana0133 的帖子

其實我覺得老師都要睇夾唔夾. 搵到個夾自己既老師, 咁就係最好既事!!
不過因為我唔多識普通話, 我係完全依賴老師咋...雖然有晚晚同亞仔唸, 不過d音啱唔啱就真的不知了!
多謝祝福! 你依家咁大個, 都應該冇再比賽了?

喵媽

回復 Briana0133 的帖子

原來你係廣東話, 我覺得好少地方學廣東話朗誦喎! 之前比亞仔參加唱歌比賽, 唱學校廣東話歌, 我自己同佢揀, 雖然都拎到獎, 不過評判居然話要注意咬字... 即係我聽唔出亞仔咬字問題....  

MSBOY

喵媽 發表於 12-7-10 12:34
回復 dragonball0301 的帖子

我仔在荃灣學, 佢既老師教得好好, 亞仔比賽以來經常3甲, 不過老師都話, 就算 ...

好同意呀, 同一個老師教成班學生, 真係唔係個個領悟到嫁...我呀仔都好好彩, 搵到個夾到佢既老師, 最近都拎左唔少獎

Charlotte_mom

我係自己train個女的, 上次都有季軍
我女細個係跟一般playgroup學普通話, 你知啦, 一去到朗誦季節, 自然大把course, 又1:1又加鐘又盛, 好好賺呢! 當然老師好唔好又係另一個問題
而家我女都升中, 小學一直普教中, 當然唔駛再出去學了
感謝以前playgroup既朗誦老師幫佢打好個底, 所以我同個女都知有咩要求, 我至可以自己train
同意樓上, 聲線鏗鏘咬字準確, 係最基本, 但都要睇下小朋友鐘唔鐘意, 我就無train阿仔因為佢都唔鐘意!
其實朗誦都係一種表演藝術, 同做戲一樣, 開心時連面部表情, 聲線, 速度都要開心, 悲傷時亦面部表情, 聲線, 速度都要配合, 慢慢地就自然讀"慢.....慢.....地", 要發自內心咁去表達, 至可以感動到觀眾, 所以真係講興趣天份, 唔鐘意面對群眾既真係覺得難頂
試下唔同老師, 會有唔同火花

MSBOY

Charlotte_mom 發表於 12-7-12 13:09
我係自己train個女的, 上次都有季軍
我女細個係跟一般playgroup學普通話, 你知啦, 一去到朗誦季節, 自然大 ...

Very very agree!!最近同呀仔參加弘左比賽, (主要係PTH), 知道左評分準則...亦見盡不少家長, 係小朋友未READY, 就比佢地去參賽...我指的未READY唔係水準未達標, 而是個小朋友仲係好緊張, 好細聲, 而有些就好快咁讀完, 然後飛落台......亦有些喊晒C都唔上台,....個負朋友同大人都幸苦嫁.

當然我唔反對為左張CERT而參加比賽, 但都要個小朋友ENJOY同READY先, 唔係會有反效果~~

喵媽

回復 Charlotte_mom 的帖子

同意, 朗誦絕對是表現藝術, 看似簡單, 但要拎到高分不易!
亞仔k1下學期開始, 那時好易拎獎, 咬字正, 大聲, 淡定就拎到.
到k2, 個個都咬字正, 大聱, 淡定, 就要有感情!
見有dk1拎開獎, 到k2已經拎唔到, 因為佢地未識表達感情, 只靠字正已經唔得了!
由其在大賽, 真係見到小朋友既水準已經好勁!
所以如果唔鐘意表演, 用朗誦黎練膽就好了, 不要強求攞獎!
你自己train好叻呀, 我就完全不懂, 幾時快慢, 高低等...真係等老師教算了!

喵媽

MSBOY 發表於 12-7-12 13:25
Very very agree!!最近同呀仔參加弘左比賽, (主要係PTH), 知道左評分準則...亦見盡不少家長, 係小朋友未RE ...

我覺得如果小朋友喊晒口, 當然唔好迫佢地. 等佢地睇下人地表演就算了.
但如果係細聲, 緊張, 我覺得試下無坊吖, 唔比小朋友去見識下就唔知人地既水準, 而且試下試下, 自然有進步!
仲記得亞仔第一次都有緊張, 雖然佢表現得好好仲拎到獎, 不過身為亞媽一睇就知佢緊張...係第一次見佢咁緊張...因為佢係一個咩都唔緊冇所謂既人...
第一次之後, 就完全另一回事, 百多人面表演都好自如, 所以不可睇小朋友既成長呢!

MSBOY

喵媽 發表於 12-7-12 13:36
回復 Charlotte_mom 的帖子

同意, 朗誦絕對是表現藝術, 看似簡單, 但要拎到高分不易!

朋友同我講過同一番說話呀......
呀仔又正係K1....又係最近先玩比賽, 都有D收獲, K2都會kEEP住, 睇下佢有冇進步空間先......不過, 講真, 我發覺D女仔就多數表現好過男仔好多, 唔知係咪佢地早熟D呢?