用戶登入
用戶名稱:
密      碼:
搜索
教育王國 討論區 初中教育 人生交叉點, 請各位有經驗既媽咪教下我啦. ...
發新帖
查看: 2581|回覆: 10
go

人生交叉點, 請各位有經驗既媽咪教下我啦.

Rank: 5Rank: 5


1415
發表於 12-7-9 16:11 |顯示全部帖子
各位中學媽咪, 希望給我一點意見:

我小朋友其實今年是K2, 好快就要選小學.
我真係想不通, 想你地已有經驗既媽媽給我一點意見. 因你地已到升中諧段.
現在我不知怎樣選:

1) 選自己個區既小學, 可選入自己區一線既小學校, 因是自己區, 會易D入 (這小學校有點谷,小一時已谷, 教既野有點深及快些, 但我OK, 因我覺得對他日升中都有幫助,), 但我區中學校綱就不OK, 只得兩間英中, (仲要其中一間係brand 2 頭) 其餘都是band 2 尾 or brand 3 中學. So 要女女好叻, 自行中學時先可謗區入到好中學, 大家都知自行中學時全港人同你一選. 又要看 interview 時既表現.

2) 自行時謗區, 選D二, 線既小學, (自行時should be OK), 已看過二, 三線心水既學校, 綱上已做了功課, 老師好好, 關愛學生, 品德OK, 不會太谷, 小四開始就谷D, 因都要交代升中, 課程不算教快同太深, 我估同一般官校沒分別. 但中學綱好好, 有八間英中. 就算自行唔OK, 只要我地keep 住成績好, 起碼統一中學時都有機.


其實我想試第1) 的小學, 因為我覺得由小谷好過好四先谷, 同理教深些好似好些, 好像上去時易適應, 但校綱又不OK, 而第2) 既學校唔係唔好, D人讀過既朋都好話OK, 係普通個隻, 但校綱好,

請問你地有經驗既嫣咪, 你地現在已選中學, 一定有多經驗, 請給我一點經驗, 我應該怎樣選?

真的謝謝你們.




Debby

Rank: 6Rank: 6


5065
發表於 12-7-10 13:03 |顯示全部帖子
本帖最後由 mielmiel 於 12-7-11 09:52 編輯

如果可以最好揀啲有中學部的小學,我有一女一仔,我都各自選了有中學部的女校/男校(灣仔區),雖然當年細佬有啲冒險(但成功咗),家姐今天派位,有80%以上同學派到直屬中學。

你响咩區,當年我搬到灣仔,等細佬派了小學又搬往東區(租金平啲)

我個人意見覺得中學比小學重要,小學普通但校網OK,升到好中學,將來公開試有保障多啲,但小學好但中學網差,到時大抽獎失手就麻煩。既然你係一個在幼稚園已經開始擔心中學嘅媽咪,我認為你應該揀 2),因為中學派位真係好徬徨。

還有,小學太深未必是好事,除非小朋友真係好叻好叻,keep 住band1 頭,最弊係唔上唔落band1尾band2頭,band1中學學位又小就好大獲。反而成績普通小學,輕易keep住band1頭,成績表科科A,將來勝算可能仲大啲。好多band1頭(1A)中學,要全A才有機會面試; 次一等band1中(1B/1C)都要求全B才接受叩門申請。如果小朋友成績唔錯,但試卷深(要90分以上才有A,其實都唔容易),表面上有啲蝕底。

Rank: 4


654
發表於 12-7-10 22:27 |顯示全部帖子
學校嘅排位, 年年可以會唔同, 取決於該校嘅學生校內評分試而定. 小朋友最緊要讀書輕鬆, 谷得一年怕谷唔到第年.

Rank: 5Rank: 5


1415
發表於 12-7-11 14:56 |顯示全部帖子
多謝你地既意見.
係呀 miemie, 我係住南區, 就係想入灣仔區D二線小學, 不過二線既小學就一定沒直屬, 你知我是誇區個D直既小學都唔輪到我選.

我見升中派位個個講派到什麼什麼都開始驚, 你覺得我真係唔好為了地區名校而放棄好的中學校綱??

希望再有更多人給我點意見.

謝謝.
Debby

Rank: 6Rank: 6


5065
發表於 12-7-11 15:36 |顯示全部帖子
本帖最後由 mielmiel 於 12-7-11 15:47 編輯

南區學校我唔認識,不過灣仔除了直屬小學外,軒小上下午校今年見BK媽咪話派得好好。 哦,原來你住南區,隔離區又唔同講法,小學網就跟居住地址,但中學網就跟小學地址喎。入到灣仔區小學,band1中學大把你揀。不過都係嗰句,就算灣仔多band1,但大多有直屬小學,流出來的位仍不多,我哋小學部已佔了八成。

Rank: 5Rank: 5


1415
發表於 12-7-11 15:42 |顯示全部帖子
Hi Miemiel

我PM 了給你, 希望你可比下意見.

另外希望其他人都可比下你地寶貴既意見.

謝謝.
Debby

Rank: 6Rank: 6


5065
發表於 12-7-11 15:51 |顯示全部帖子
回復 細細粒媽咪 的帖子

Sorry, 我攪錯咗,以為係另外一個topic媽咪,佢周圍叩緊門,睇到心都up埋。

Rank: 3Rank: 3


481
發表於 12-7-14 00:45 |顯示全部帖子
一睇就知你喺咩區,講緊嘅喺咩學校。因我都喺呢區,而且就系你講緊呢間好谷嘅小學出來,今年剛派位。我囡囡喺精英班,自行去左好top嘅一線英中。聽老師講,因師姐ps1考得出色,今年多數學生由自行收左。

好坦白講,小朋友唔怕谷,除非資質低過人,父母又懶理,先會跟唔到。如果父母多D精力放入去,最好喺自己能教到,小朋友根本就系一張白紙,你畫咩佢就系咩。我講得呢句說話,皆因我自己就是一對一嗰種嘅補習導師,對於怎樣的家長出怎樣的小朋友,了如指掌。別人的模式是自己最好的鏡子,我栽培囡囡就沒有走過彎路。以我對得咁多年小朋友的經驗來講,1.小朋友唔怕谷,要睇你點樣谷,家長和小朋友的因素都好重要,缺一不可。2.中學是否比小學更重要?見仁見智。如果小學嗰底打唔好,去到英中,佢會冇興趣讀書,或者辛苦到喊。等到中學再去催谷,小朋友唔系一般嘅淒涼,而系極之淒涼。到時你只有投入更多的金錢和精力,去幫助你的小朋友。我那些已經讀緊中學嘅學生家長,常要推介朋友的子女想畀我補,通常都喺小學冇催谷,上咗中學又跟唔到,學科考肥佬先來搵補習,就算肯幫佢,都唔系一朝一夕可以解決。家長要落重本,小朋友又辛苦。3.校網根本不是問題,到時候學校都會叫你轉定地址去想要的校網。一個班里大多數人都轉咗去中西區或灣仔區,而其實基本都系自行就被中學收咗。4,呢間小學並不是你想入就能入到,當初我囡囡就入唔到,喺我求幼稚園校長幫忙求情先入到。因為來之不易,所以悉心栽培。如果你想入呢間,就要準備開始操練你小朋友了,萬一統一派位入唔到,仲可以面試入。5,如果擔心校網,不如去灣仔區嘅一條龍,咁只要小朋友不是太差,基本不用操心了。

Rank: 5Rank: 5


1415
發表於 12-7-14 12:35 |顯示全部帖子
Hi Joey

多謝你既分享, 但係請問, 如我我係wroking mama, 每晚都要7.30 先回到家, 有汲有可能, 配唔配合到學校?

希望你可分享下.

謝謝.
Debby

Rank: 3Rank: 3


481
發表於 12-7-15 22:00 |顯示全部帖子
回復 細細粒媽咪 的帖子

其實無論你小朋友去到邊間小學都好,都系要有人跟最好。就算你自己配合唔到,屋企喺一定要有人幫你跟到足。小學低段好緊要,你打好個底,跟住讀上去就唔辛苦。
我嗰女低段個陣,我喺全方位交給我家姐去跟,因我自己做補習,佢放學我返工,自己跟唔到,一定要有人幫手跟足佢。等佢上左三年班,讀書模式形成,功課完全佢自己搞得定,再由我自己跟番。千企唔好以為丟去補習社可以幫到你。好老實講,個滴做功課嘅補習班不過是託管班,根本幫唔到學業,只系幫你睇住個小朋友。
睇你咁緊張嗰小朋友,都喺好想嗰女女有出息,對佢學業一定好重視,咁真系要好好計劃一下。

Rank: 5Rank: 5

醒目開學勳章


1180
發表於 12-7-16 14:05 |顯示全部帖子
你不如等個女大D搬,咩可以申請跨區,咁係初小階段,讀本區近學校,可以谷小朋友,到高小搬去灣仔,小朋友又大D,路程遠D無問題,到要揀中學時.申請跨區咪得.