関於書本，書包

sillyisaac

請問小一返學時書包會唔會很重，很多書本，習作要拎返學？要不要拎水樽/水壷返學呢？請指敎

ms09hk

請問小一返學時書包會唔會很重，很多書本，習作要拎返學？要不要拎水樽/水壷返學呢？
書包唔覺"特別重",個人覺得算係"重" - 如果compare 我自己兒 ^^.
如果興趣班要帶工具, 又要另帶 - eg. 球拍.  視覺藝術科工具可以放學校.
至於水, 每層樓都有水煲, 第一個小息之後可加水- 沒錯, 係水煲 不是水機, 學校相信水機不夠清潔. 因此水會有點熱 - 不過我小朋友說不會燙傷的, 相信學校比我們更怕燙傷他們, 只要你水壷可受熱, 沒問題. 我小朋友的水壷都是早上半滿, 回校小息才去添, 加上壷內原有的水, 水溫便不太熱. (以上都是我小朋友說的)
另請查收個人信息 (PM).

cherithlai

回復 ms09hk 的帖子

不得不佩服莫校長與老師們，事事都為小朋友設想周到。午餐不含味精，材料要新鮮；沒有小賣部，小朋友要自備食物，減少食junk food的機會。水也要用水煲來煲?我都是初次聽聞。清潔之餘又保存到礦物質，比起蒸餾水，的確對身體較為有益，但學校要做多好多工夫。這些我想沒有多少學校會做到。我個小朋友小一未開學，都已經感受到啟基係一間好caring既學校。

ms06hk

係, 學校真係有心機, 佩服.  
學生可以帶小食, 但一定要健康, 餅乾蛋糕麵包之類最好, 魚仔餅熊仔餅已經係邊緣 -可免則免了.

sillyisaac

咁小食係咪小息時食？每日有一個定兩個小息架？咁如果唔帶小食係咪無其他野食架？唔好意思，d問題好似好百痴咁，但我想多d了解佢地嘅學校生活，作好準備

karencml

聽到咁多位咁樣讚學校, 我都好想我個仔入去讀......起碼唔駛成日心掛掛, 佢係學校夠唔夠水飲.....食野食得好唔好? d 飯餸唔知岩唔岩胃口.....唔知佢有無買 d 垃圾食物食......好想快 d 到七月, 去聽簡介會, 同填 form......

cherithlai

回復 karencml 的帖子

咦? 乜今年簡介會提早到七月就舉行嗎? 因為上年係十月的。

莫校長講過，學校不設小賣部，免得小朋友食junk food，要自備食物小息食。我有次去交form，當時係十點幾，剛好見到小朋友小息，個個擔張dung仔坐響操場，圍埋傾計食野，食面包既又有，食香蕉既又有。仲有體育老師睇住d細路響操場度玩波。

飲水應該足夠的，因為聽莫校長講過，學校會打音樂鐘提醒同學飲水，唔係話要佢地飲得多，目的係濕下個口，等小朋友從小養成飲水習慣。佢又話為左小朋友多運動，會叫老師帶學生由課室行樓梯落地下，再行番上課室。莫校長話自己如果諗到有乜野對小朋友有益既事，佢都會推行。聽到都覺得佢對學生真係盡心盡力，絞盡腦汁。

karencml

回復 cherithlai 的帖子

HI~~~
七月既簡介會, 係為啟思幼稚園而設既~~~~應該無公開, 平時應該十月份先係簡介會......
睇到莫校長咁有 HEART, 我好希望我個仔都入到呢間小學.......

ms09hk

sillyisaac 發表於 12-6-26 20:53
咁小食係咪小息時食？每日有一個定兩個小息架？咁如果唔帶小食係咪無其他野食架？唔好意思，d問題好似好百 ...

無帶小食, 又想食!? 就要睇下小朋友本身交友能力了 (我是認真的, 我們小時候不都是這樣的嗎?) ^^, 餓他們一次半次, 下次自己就會更好去照顧自己了 - eg. 早一晚預備好食物/水, 我小朋友試過沒帶水/沒帶小食, 但就以後學乖了.

只知道至少10點幾有一個小息, 食野/同同學玩的時間來.

sillyisaac

唔該哂你嘅回覆