我覺得好大壓力..

saiman1408

小朋友有自閉傾向、言語障礙，搵左幾間暫時都無位比佢上訓練，都係得個等字。。覺得自己好無助，老公乜都唔理，無人明我，除左安慰叫冷靜點、放鬆點..小朋友黎緊9月讀k1,真係好擔心到時唔知點算..好驚好擔心學校到時察覺知道後包容唔到佢...

rabbit1411

最大問題是身邊的人唔理，我比好多課外活動比小朋友，到現在都問我比得太多，我就答他課外活動唔要錢嗎？唔要時間周圍去嗎？會得到現在理想的效果嗎？他就唔出聲出了街:

chloe_karina

我老公都係 non of his business

jessiechengkw

原帖由 saiman1408 於 12-06-21 發表
小朋友有自閉傾向、言語障礙，搵左幾間暫時都無位比佢上訓練，都係得個等字。。覺得自己好無助，老公乜都唔 ...

有去協康會排嗎

Anpanmama

試吓打游擊, 協康會青葱計劃etc, 乜嘢都報住先, 一面上短期課, 一邊排付費訓練及政府服務.
加油!

協康會青葱計劃

香港耀能協會公開課程

明愛康復服務

救世軍復康服務部

Benjis Centre 庭恩兒童中心

香港小童群益會 - 服務中心

polly0503

saiman 你及早發現小朋友仲细可以上d 課程一定會有改善，努力呀!

saiman1408

見到你地支持同埋安慰，相比起不聞不問既老公，更顯得溫暖，多謝你地

銀月亮

其實你要多啲帶你小朋友出公園玩,等佢接觸多些小朋友,你又可以同些家長交流下,生活圈子要擴寬些,人都會開心啲,你仲要比你个仔多聽音樂或故事都有好处,你要努力加油吖!

why-me

帶你小朋友做多D運動, 游水, 攀石, 對佢腦部發展都有幫助.
唔好氣餒, 我地都係過來人, 一定支持你.

諾諾爸爸

回復 saiman1408 的帖子

在我男性的角度看, BB是女方生出來的,男性好易比哂壓力你地, 係出外[偷食], 就好容易家變. 我suggest你地多些擁抱你的老公及BB去表達你的愛意和關懷. [好易妻離子散, 家破人亡], 大家要互相支持呀.

semipanda

唔好咁擔心啦！辦法總比困難多！

ALAL

上下D協康或其他機構的活動班都得,你可問姑良仔的表現和建議.
見步行步,不要想太多

Becky..

完全明白你的感受
你嘗試參加協康的短期課程呀！小朋友仲細多活動可以選擇。另外，我最近都報了救世軍的家居訓練http://www.openrice.com/mobile/coupon_detail.htm?CouponId=5839
加油呀！

saiman1408

原帖由 Becky.. 於 12-06-28 發表
完全明白你的感受
你嘗試參加協康的短期課程呀！小朋友仲細多活動可以選擇。另外，我最近都報了救世軍的家 ...

openrice

Letter_lalaland

你同你嘅小朋友用中文定英文溝通?


中文的話，Anpanmama 已經提供咗一啲服務機構；

英語嘅自資服務價格同廣東話自資服務大致相若, 當然亦有價格較高者。
最好自己打探一下, 問下其他家長啲機構嘅口碑。

英文的話，你可以參考

The Rainbow Project
10, Sai Yuen Lane
Sai Ying Pun
Tel 25730114
http://www.rainbowproject.org/location.php


Watchdog Early Learning and Development Centre
4, Jordan Road,
Kowloon
Tel 23779666
http://www.watchdog.org.hk/jordon_center.aspx

Child Development Centre at Matilda
41, Mount Kellett Road
The Peak
Tel 28496138
http://www.cdchk.org/


Ebenezer Early Intervention Programme for Visually Impaired Children
131, Pok Fu Lam Road
Pok Fu Lam
Tel 28170329





http://www.edb.gov.hk/index.aspx?nodeid=2524&langno=2
http://www.parentsassn.org.hk/resourse.php

fandd

To saiman1408：下文轉寄自「淇淇0223」，積極努力面對吧！

自閉小孩的媽媽 會用盡所有方法金錢不惜一切只求小孩有改善有進步。我也不例外！寧願自己著少d食少d買少d也要留$給小孩做昂貴的私人訓練。記得剛確診時我岩岩生完第二胎剛剛坐完月，當時好像個傻婆咁早上不停打電話晚上不停上網。去尋求改善自閉的方法。大大小小有關自閉講座我也去參加，一當靜下來就係到喊點解要係我？點解要咁不幸。去主流面試十間十間都唔收！不知不覺間過了10個月了，時間總會過的，密集式訓練是絕對有用的。家居訓練也很重要。由完全零交流零溝通得六個月認知的他現在真的進步不少。作為自閉寶寶既父母切記不要急不要人比人，因為他們是很特別的每個自閉的也可不同。他們是會長大會有進步的，請把他們當為一張白紙所有東西都要從零學習，我們的路一點也不易行但緊記科技每天在進步明天或許也會有新突破。同路人，加油喔！！

saiman1408

原帖由 fandd 於 12-07-01 發表
To saiman1408：下文轉寄自「淇淇0223」，積極努力面對吧！

自閉小孩的媽媽 會用盡所有方法金錢不惜一切只 ...

完全講出左內心既心聲同行為，每日都好似傻婆一樣不停打電話到機構到學校。。

Henry_father

請不要太擔心，我作為一個爸爸及同路人，也曾經擔憂到睡不了覺和工作困難，最後也要面對, 茹果父母都放棄，誰能幫我們兒女，以下是我個人經驗及分享，希望能幫你，或其他同路人能幫我們。

對於我們自閉寶寶的父母，其它人未能理解，自我得知兒子問題時（CAC 3 歲4 個月評估 沒有說話）我真的很迷茫，經過一年半的努力，小兒也開始有好轉，現在已能運用3-4個元素說話，但仍未能溝通, 最近返醫院姑娘檢查，認知能達6 歲（只限認字，其它認知未夠三歲）但不懂玩玩具（煮飯仔，扮醫生）只鍾意數字（數車牌， 樓層，記電話號碼，）也很喜歡喜中文字（能用筆寫字），明顯地他記性好好，自理沒有問題，其實他除了對數字敏感及說話問題，也看不出有什麼問題，沒有自我刺激行為，今年九月會上主流K2（在老師建議下，上年在原校重讀K1）及上e位（等了一年多），來年更要加倍努力，經過小兒此事，我發現做人應該多一些感恩，少一些抱怨。幸福不一定必然. 特別經歷上年，我在醫院看到不同症狀，他／她們的父母也能坦然面對，甚至能流露對兒女愛心及微笑，相對我來說，我更應敬佩這裏的媽媽，面對困難更能應付和處理。希望能在這找到同路人一齊努力。如果有任何家長有類似問題，請指教及分享，希望大家都能幫到兒女。
其實我只想知道這種情況（數字敏感）以後會怎樣。姑娘只說有很大進步空間，但我沒有底。希望同路人給意見。

媽咪保保

回復 saiman1408 的帖子

首先你不要怕學校察覺，反而你要主動向學校講清楚你仔仔問題，因為這樣老師才可包容及多留意你小朋友，如果你都怕學校又點幫你呢!而且好多時都要學校配合，小朋友才可在學校過得開心，你要放鬆去面對，多跟老師溝通，多向有關人士查詢，加油！

dette

明白妳的感受。要處於一個無能為力的狀態，真的很辛苦! 多啲同可以交心的朋友分享，唔好只係分享BB的情況，多跟他們訴下自己心聲，屈得太多唔健康的。至於服務，我朋友的孩子有類似問題，他報了一間去年才開的中心，在北角的，發展得幾好，而且新就多D位囉，你可以問下。有興趣就pm我，我幫你問下。