開始懷疑女兒的能力……

心急做媽咪

自派位後，不斷叩門，不斷上EK睇所叩學校有冇取錄消息，日日希望個電話快啲響，快啲有好消息，但日日都係失望而回，連一間只有十多二十個學生叩門既學校都唔收我女兒，真係好down,真係好懷疑自己個女係咪有問題，無學校肯收佢，琴日真係認唔住喊左出黎，點解會咁架，我已經俾個女學好多野，希望好好培養佢，可以讀間好學校，但最後都係徒勞無功，真係好唔開心

shirleyysy

同意你所講，有時真係懷疑自己嘅小朋友能力，點解人哋叩幾間都得，但自己個仔唔得！是否平時高估了佢呢！

MaiGao

原帖由 心急做媽咪 於 12-06-21 發表
自派位後，不斷叩門，不斷上EK睇所叩學校有冇取錄消息，日日希望個電話快啲響，快啲有好消息，但日日都係失 ...

明白叩門未有消息會有不安。不過別懷疑小朋友，否則他們會感受到，認定自己不行。
加油！

linglnglau

回復 心急做媽咪 的帖子

其實你們應該相信你女兒的能力,你地都識講已好比心機去培育佢,最終佢收到几多佢自己先知!不過你已盡了力對嗎?
去叩門學校唔收可能係太多人競爭學位,老師對小朋友的眼緣等等去評估,你有冇想過可能對手太強而不是你女女能力唔夠.
相信你的女女,用第二個角度去看,如果今次真係冇學校收,咪係原先的校比佢讀住先再看看間校好唔好,可能你女女會讀得好開心呢!又或者自己比多D心機下去教佢下年再插班都冇問題架!!
加油呀!! 媽媽不要氣餒

spmok1999

我想問下幼稚園的校長/老師有冇同你傾過關於你小朋友的表現/成績是否滿意? 又有否建議你幫小朋友統一派位能選那些小學?

橫風王道

心急做媽咪 發表於 12-6-21 06:49
自派位後，不斷叩門，不斷上EK睇所叩學校有冇取錄消息，日日希望個電話快啲響，快啲有好消息，但日日都係失 ...

情況類同，但我唔會懷疑我兒的能力，他絕對有能力！老師也這樣說的，致命傷是怕醜，五歲人仔，怕醜是不正常嗎？面試失敗，但怕醜有理！:;pppp:

不過要補充，就係明知佢有能力識答問題，而佢選擇唔答，有時真係激死！

心急做媽咪

spmok1999 發表於 12-6-21 08:35
我想問下幼稚園的校長/老師有冇同你傾過關於你小朋友的表現/成績是否滿意? 又有否建議你幫小朋友統一派位能 ...

在幼稚園老師對女兒的表現及成績是滿意的，並沒有什麼問題。但由於女兒的幼稚園是在香港區，而我們住九龍，所以老師也不太清楚我區的情況而沒有提出建議。

klm402

樓主, 請唔好灰心, 我相信依家既小朋友每一個都比我地兒時既叻, 面試成功與否, 今本同小朋友能力唔成正比, 凡事實力重要, 但運氣更重要, 請你相信你既小朋友, 比多d信心佢地, even冇好既offer都好, 唔好用扣門成功與否去衝量佢地既付出同能力.
我自己都有對年幼既仔女, 自己都曾灰心失望過, 但我眼見女女面試表現真係好好, 但係結果未如我所想, 不過我冇懷疑過小朋友, 自己都要學習點樣去調節心態, 其實跟佢地一齊面對每次面試成功失敗既過程入面都係我地學習既過程.
成功既話珍而重之, 失敗既話企起身再戰. 女女考完k1出年又到細佬仔考k1了, 作為家長就好似不停跌到再起身, 起身又再戰. 加油呀!!

MaiGao

橫風王道 發表於 12-6-21 09:01
情況類同，但我唔會懷疑我兒的能力，他絕對有能力！老師也這樣說的，致命傷是怕醜，五歲人仔，怕醜是不正 ...

明知佢有能力識答問題，而佢選擇唔答，有時真係激死
呢句好真…
差唔多次次面試都預到

sheffield

大家都應該知道自己小朋友的能力！智商正常，沒有學習障礙，沒有情緒等問題，基本上我們的小朋友就是有能力。
但唔排除大家都會有高估自己小朋友的情況…確實，一山還有一山高，外面有些小朋友真的好強(學術而言)…
再加上interview有好多客觀情況會影響小朋友，而老師著重的又不知是什麼，每個小朋友都有自己的強同弱，揀唔中你小朋友的原因實在太多！一句"冇運"都能解釋點解叩門唔成功呀！
只要知道同認定自己小朋友是有能力做好的，不要想太多，用心栽培就好了。同時，我們也要明白，每個小朋友在年方面的的資質都唔同，有時也不能太勉強…我們的寶貝都只是5/6歲的小朋友，確實要再大點才能更清楚看到他們的專長…無論是專長讀書，或是專長運動，或是專長音樂，我們都得接受他們資質較低的一面。他/她就是他/她，不要常將他/她跟別的十項全能孩子比較…

tanoshi127

原帖由 心急做媽咪 於 12-06-21 發表
自派位後，不斷叩門，不斷上EK睇所叩學校有冇取錄消息，日日希望個電話快啲響，快啲有好消息，但日日都係失 ...

我同講，作為母親的我，自這次派位后，情绪又唔好，我好快就痴線

jojoplanet

唔好咁啦....大人去interview都緊張可能答得唔好啦..何況一個小朋友呢..

jojoplanet

sheffield 發表於 12-6-21 09:28
大家都應該知道自己小朋友的能力！智商正常，沒有學習障礙，沒有情緒等問題，基本上我們的小朋友就是有能力 ...

like

marcuscyrus

原帖由 sheffield 於 12-06-21 發表
大家都應該知道自己小朋友的能力！智商正常，沒有學習障礙，沒有情緒等問題，基本上我們的小朋友就是有能力 ...

Very well said!!

jojoplanet

MaiGao 發表於 12-6-21 09:20
明知佢有能力識答問題，而佢選擇唔答，有時真係激死
呢句好真…
差唔多次次面試都預到

我個仔in第一間時人地用英文問佢咩名佢答 "chan tai man peter"咁啦...到第二間佢同人講, 佢用廣東話講我個名好長架, 跟住再用英文答 " my name is Peter"...激死..

MaiGao

jojoplanet 發表於 12-6-21 09:30
唔好咁啦....大人去interview都緊張可能答得唔好啦..何況一個小朋友呢..

我開始懷疑自己的能力。
我上星期同個仔去interview，間學校將d小朋友放埋一間房畫畫同做動作。
家長就個別去唔同房interview(睇片答問題、同老師傾計)，評分標準如下﹕
     i.     學業成績 (35%) (我仔係幼稚園成績唔錯)
      ii.    活動與獎項 (15%) (都有d細型的全港冠軍)
      iii.   操行 (10%) (老師俾A)
      iv.   面試表現 (學生及家長各佔15%)
      v.    有兄姊就讀本校 (10%) (無兄姊)
今日出結果，我地落選，咁仲唔係我的能力唔夠？﹗

jojoplanet

MaiGao 發表於 12-6-21 09:43
我開始懷疑自己的能力。
我上星期同個仔去interview，間學校將d小朋友放埋一間房畫畫同做動作。
家長就個 ...

識欣賞既話個仔個種答法就係叻..否則人地覺得你係答非所問..

其實我覺得佢地所謂既評分標準都係比家長得個知..查實係咪真係咁比分我又有所懷疑.

我下你個仔k3成績表係用A,B,C來評分定係 + (己做到) 0 (己掌握到) 三角型 (未能掌握到)? 因為我個仔學校k1同2都有2張評估表其中一張係用 A, B, C,來評分但k3無咗呢張, 學校話係教署建議幼稚園k3唔好用呢張, 好多小學都知喎..話用來叩門無問題喎.

MaiGao

jojoplanet 發表於 12-6-21 09:52
識欣賞既話個仔個種答法就係叻..否則人地覺得你係答非所問..

其實我覺得佢地所謂既評分標準都係比家長得 ...

我地學校基本無評估，份野都係做到做唔到+老師評語。
操行嗎？全校咁多活潑既鬼仔，佢呢d靜的學生當然高d…

其實呢間如果直接in我個仔，我諗應該有機會。
本身佢比較冷門，又講英文，開正我個仔個範。
好衰唔衰佢in我，又要我等鬼咁耐，等我好得閒咁周圍望。
望到學生d所謂功課，一行一隻錯字，面試果陣忍唔住就拎來講…
今次係我累左個仔呀…

jojoplanet

MaiGao 發表於 12-6-21 10:10
我地學校基本無評估，份野都係做到做唔到+老師評語。
操行嗎？全校咁多活潑既鬼仔，佢呢d靜的學生當然高d… ...

咁又唔係既...主要睇in你個人係咪一個開明既人...

點算好

MaiGao 發表於 12-6-21 09:43
我開始懷疑自己的能力。
我上星期同個仔去interview，間學校將d小朋友放埋一間房畫畫同做動作。
家長就個 ...

點解關妳事??? @@?