用戶登入
用戶名稱:
密      碼:
搜索
教育王國 討論區 初中教育 你地十三四歲既囡囡會唔會成日好反叛, 又"博"嘴? ...
查看: 13996|回覆: 61
go

你地十三四歲既囡囡會唔會成日好反叛, 又"博"嘴?  

Rank: 5Rank: 5


1323
發表於 12-6-20 12:16 |顯示全部帖子
點解呢個年紀咁反叛? 係米我唔識教? 成日咁大脾氣? 但一同同學傾電話就成個變哂.... 唔怪得人地唔知成日話佢好思文, 但佢係屋企對父母就好似我地講多句都好煩咁既樣!!! 我自己都真係覺得好無癮.... 都唔可以坐低傾.... 數學唔係太好, 叫佢plan吓暑假要點補, 又唔係即刻, 又話我係怪獸家長... 大佬... 你補習我都要俾錢架... 唉...  考完試叫佢執吓間房又係拖咗幾日, 成日話考完試要relax吓... 咁都抖咗幾日啦.... 話親都話救命呀,我想死呀....

Rank: 3Rank: 3


140
發表於 12-6-20 13:31 |顯示全部帖子
我個仔今年升 f2, 跟小學比較, 真的多咀了, 連老師都說他很多咀, 你話死唔死!  有時都搏我咀架; 叫他做嘢, 永遠拖到最后才做;  希望他大一點會好些啦 !

Rank: 6Rank: 6


8834
發表於 12-6-20 13:52 |顯示全部帖子

引用:點解呢個年紀咁反叛?+係米我唔識教?+成日咁

原帖由 sleepingbeauty 於 12-06-20 發表
點解呢個年紀咁反叛? 係米我唔識教? 成日咁大脾氣? 但一同同學傾電話就成個變哂.... 唔怪得人地唔知成日話 ...
是青春期反叛吧,某程度上証明你小孩健康成長。可容忍範圍內放多些自由給她,不要與孩子較勁。



Rank: 13Rank: 13Rank: 13Rank: 13


87970
發表於 12-6-20 14:21 |顯示全部帖子
Perfectly normal.  說話講多過一句 = 煩.  係阿女校長係新生家長日同我地講.  建議楂頸就命兩三年, 佢心情好就講多兩句, 無乜mood就咪哦禁多, 但凡唔影響生命健康成績品德事(e.g 執房), 唔好嘈禁多.  捱過呢兩三年, 應該會好過d.

Rank: 5Rank: 5


1303
發表於 12-6-20 14:25 |顯示全部帖子
我個仔都一樣咁,唔知係咪我唔識教仔

Rank: 5Rank: 5


4766
發表於 12-6-20 14:26 |顯示全部帖子
prettyboy 發表於 12-6-20 13:31
我個仔今年升 f2, 跟小學比較, 真的多咀了, 連老師都說他很多咀, 你話死唔死!  有時都搏我咀架; 叫他做嘢,  ...
真係「一言九頂」架

Rank: 5Rank: 5


1334
發表於 12-6-20 15:07 |顯示全部帖子
我果個已十六歲 , 反叛期由小學初申延到中學初期 , 真是好難頂 , 由初頭頂吾順到咸至現在既自然接受 , 反而關係好左好多 . 我反思最大原因是要學識 [ 接受 ] , eg ; 行為接受.........我覺得現在生活環境吾同以前 , 除了在學校 , 大多時間是在屋企 , 幾百尺地方 , 每晚你眼望我眼 , 一覺一動地被留意住 . 對年青人尼講是有很多壓力 . 所以需給她們適量空間及私人時間 , ( 就好像如日日比你奶奶望住你做野 , 話你尼樣話你果樣 , 您會點 ! )另外要成績接受.........要吹谷只能在小學 , 中學是要她們自已發力 , 在旁講讀書既重要性已講到識背 . 最終發吾發力是看她們自已 , 迫吾尼 , 但我會常提到路是自已選的 , 最終結果是自已承擔 . 父母責任是供書教學 , 不是迫你返學 . 更不會買課程比你讀書 , 讀書吾叻可接受 , 但沒動力沒承擔就好大鑊 .

點評

vincher  比喻貼切,I like!當然要反思!  發表於 12-8-28 19:40
Jackieson  "就好像如日日比你奶奶望住你做野 , 話你尼樣話你果樣 , 您會點 ! " 呢個比喻好貼切... 要反思吓!  發表於 12-8-3 15:34
Yanamami  Good advice. Good attitude is also important.  發表於 12-6-20 15:23

Rank: 5Rank: 5


1323
發表於 12-6-20 15:49 |顯示全部帖子
多謝提議.... 唉, 但佢會唔會以為我地同佢妥協??!! 同佢講野佢態度好pair...  有事如要錢同同學出街, 出暗瘡, 要剪髮就先黎同你講野... 一講倒佢唔好講咁多電話上咁多網要温習多d就發哂老脾...  咁係米要到中五先會改變好d? 咁又係點解過兩年先會改善呢? 唉, 好苦惱...

Rank: 5Rank: 5


3127
發表於 12-6-20 17:05 |顯示全部帖子
本帖最後由 kilykilyk 於 12-6-21 00:01 編輯
sleepingbeauty 發表於 12-6-20 12:16
點解呢個年紀咁反叛? 係米我唔識教? 成日咁大脾氣? 但一同同學傾電話就成個變哂.... 唔怪得人地唔知成日話 ...

我囝13歲,但駁咀唔係現在開始有,小學已經有...我會睇下佢為乜駁咀,駁咀都總有理由吧!
有時青少年都有思想,都想講出感受,未必係想與父母為敵,只係表達得比較直接,唔諗就講,
我囝佢有時都發下脾氣,但我會即刻同佢講道理,通常佢發完脾氣後...我再同佢傾一論..
之後佢都會眼濕濕同我講SORRY,大概小朋友都知父母痛鍚他,每個人都有脾氣,
只要教懂小朋友要尊重別人,一家人互相遷就一下,咁就無問題...加油~

Rank: 6Rank: 6


8834
發表於 12-6-20 19:16 |顯示全部帖子
sleepingbeauty 發表於 12-6-20 15:49
多謝提議.... 唉, 但佢會唔會以為我地同佢妥協??!! 同佢講野佢態度好pair...  有事如要錢同同學出街, 出暗 ...

唔好以為小朋友聽教聽話最好, 日本多年研究指出, 由小到大從不頂撞父母的小朋友, 長大後出現嚴重行為偏差的機會遠高於那些頂心杉.

有時間看一看,

青春期為什麼愛叛逆?
http://www.parenting.com.tw/article/article.action?id=5020294

五招收服孩子愛頂嘴 
http://www.parenting.com.tw/article/article.action?id=5020195

6招打開青少年情緒的黑盒子
http://www.parenting.com.tw/article/article.action?id=5026922

點評

vincher  Thx  發表於 12-8-28 19:42
miffy  我個十歲已做齊, 救命  發表於 12-8-9 15:44
Jackieson  thanks for sharing ^ ^  發表於 12-8-3 15:42
mangowh  Thank you for your sharing!  發表於 12-8-3 10:35
headwind  thanks for sharing!  發表於 12-7-24 14:39

Rank: 5Rank: 5


2483
發表於 12-6-20 23:31 |顯示全部帖子
回復 Yanamami 的帖子

但凡唔影響生命健康成績品德事(e.g 執房), 唔好嘈禁多.  捱過呢兩三年, 應該會好過d.

我好認同,
e.g
執房

我仔間房好,

我囡
書柜不是放書的,學校的書,就放在地下,
是這幾本,那幾本,散放一地,連早上起床,都要找地方落腳果種,
1.我話她一次,冇改進,
2.我要她將書分類用環保袋/她喜愛的袋袋好,
又係放在床邊地下,
她間房好像人地的板間房咁,

點評

mlk  我個 女都係咁! 唉!  發表於 12-10-17 11:33
hinhei  我仔間房真係.....我覺得隨時會有小強囉!! 成地係書同look屎, 根本想同佢拖地都拖唔到!!  發表於 12-8-10 00:06
hinhei  嘩!! 我以為只有我仔係咁, 女仔都係咁.......睇完我諗我會無咁谷氣!!  發表於 12-8-10 00:06
GUOMAMA  me too  發表於 12-7-26 06:55
headwind  唉! 為執房的問題, 我已經跟阿女衝突很多次喇! 佢間房always like a 垃圾堆!  發表於 12-7-24 14:42

Rank: 5Rank: 5


1714
發表於 12-6-21 16:05 |顯示全部帖子
我個仔就來15歲都係好鐘意駁咀, 咩都係自已對哂, 佢大聲就得, 你大聲就會話你太大聲同佢講野, 跟住會關門唔同你講野.  

間房都係亂到不得了, 著過的MU脫下就掉係佢間房的門口, 飲完飲品或紙巾都唔拿出來. 成張檯又亂又污槽.  叫又叫左, 幫又幫左, 佢都係咁, 咪由的佢LU.  

凡事真係由的佢, 越幫佢越令佢懶散.  讀書又係咁, 你越緊佢就越咩都唔著緊. 有又得無又得.  真係無氣了.  

Rank: 5Rank: 5


2670
發表於 12-6-22 00:03 |顯示全部帖子

回覆:你地十三四歲既囡囡會唔會成日好反叛, 又"博"嘴?

我囡囡系中一、二最厲害!中三已很少駁咀了!反而生性左好多!不用過份擔心啦!如果知你對她好!長大了可能會變!



Rank: 2


63
發表於 12-6-23 01:46 |顯示全部帖子
多謝分享

Rank: 4


602
發表於 12-6-28 20:56 |顯示全部帖子

引用:回復+Yanamami+的帖子 +但凡唔影響生命健

原帖由 20091 於 12-06-20 發表
回復 Yanamami 的帖子

但凡唔影響生命健康成績品德事(e.g 執房), 唔好嘈禁多.  捱過呢兩三年, 應該會好過 ...
我女都係架雖然有d難頂,全屋最亂佢間房,但我覺得都幾可愛(^.^)我唔想個女十幾歲就似管家婆咁



Rank: 3Rank: 3


375
發表於 12-7-23 21:17 |顯示全部帖子
回復 Ivy07 的帖子

唔關識唔識教,而係佢自己識唔識想!
我個女由細到小學畢業都很乘的,成績亦非常叻,個個都話我好彩,唔駛勞氣,唔駛我擔心,雖然得一個小朋友,但我時時都帶她與朋友的子女gathering,她有些怕羞,但個個小朋友都喜歡跟她玩,因她從不跟別人爭東西,很受人歡迎的。我的工作很忙,所以有請工人,雖然話忙,但每晚都會一家人一起晚飯,放假又會帶她去旅行見識,亦時時教她做人的道理,她亦曾參加遊學團去星加坡北京等地交流,所以大家應覺得她很獨立很理想,我相信我的教育方式亦無大問題吧!

但自從升了上中學後,她真的好像變了另一個人(好恐怖,話變就變,我常說若我老公變了,包二奶,我反而仲易接受過我的乖女兒變成這樣),她上了一間Band 1 英中,但以她的成績,根本是應付到的,而且她的英文一向很不錯的。她十月開始很情緒化,跟你們所提及的有過之而無不及,心情好時還會跟你說一兩句,心情差時十問九不應,間房好似垃圾場一樣,但又唔比工人執,一日到晚無所事事,唔肯學琴,唔肯去上芭蕾舞班,整個人好似無晒動力,好不開心似的,我知她一定在學校遇上很多挫折,但她又不肯說,成日話無問題,連手冊通告都唔攞出來比我簽,我問佢有無唔識,佢成日話自己可以,叫我唔好理,一問佢功課上的問題就大發脾氣,我都感到好無奈,又幫不到她,雖然她應該學習自己處理,我亦應放手讓她學飛,但眼見她真的唔掂,所以非常擔心,最慘是成日話無好朋友,同學成日搵佢笨,她完全無左自我形象,以前小學好鐘意返學,連發燒都話要返學,去了中學,last minute都唔出門口,成日欠功課,未見佢溫過書,以前好鐘意老睇書的,老師叫佢小息去搵老師又係睇心情,鐘意就去唔鐘意就唔去,老師話佢,佢由得老師罵,從不解釋,從不求教,成個人好似自我放棄一樣,成份卷空了很多部分,老師話即使無溫習都應該識的,佢似乎係放棄。大家都唔明她為什麼突然會有咁大的轉變,社工問我家庭是否出現問題,我說我的家庭完全無問題,我地都想知點解。有段時間真想帶她看心理醫生,但有些社工朋友又說她進入反叛期是這樣的,我明白青春期會出現一些問題,但她的問題實在大得很,影響學業,影響人際關係,整個人毫無動力,我完昭問她是否不喜歡這間學校,佢又話好鐘意,所以都唔知她在想什麼。

點評

hinhei  裏的學生是全區B1的學生......
以上係我估, 而九形人格中, 其中一形係咁!! 希望幫到你!!  發表於 12-8-10 00:14
hinhei  佢要求自己的目標, 一次唔得, 再努力都唔得....慢慢變了無動力, 無心機!! 要知道, 小學甚麼成績的學生都有, 但一上到中學, 範圍巳收細了, B1學校基本上  發表於 12-8-10 00:13
hinhei  你試吓睇九形人格這類書, 我估....你女可能係一個自我要求很高的人, 由細到大也凡事做到最好, 乖女成績好受朋友歡迎. 但當上到中學, 佢發覺佢做唔到  發表於 12-8-10 00:12
buymom  教育子女是要長期抗戰,撐妳呀!  發表於 12-8-7 00:04
lamcatcat  你有沒有想過幫佢轉校? 同亞女傾吓!  .  發表於 12-7-25 10:10

Rank: 5Rank: 5


1402
發表於 12-7-23 21:52 |顯示全部帖子

回覆:歌莉亞 的帖子

死啦,我囡囡九月升中一,她一向都好乖好易教,成績也不錯,現在考入傳統老校,她的房間又是似垃圾房,現在也是常頂咀,以前書不離手,現在像不願花太多時間看書;睇完你們講的事,我好驚,好驚自己招駕不住。



Rank: 5Rank: 5


2334
發表於 12-7-23 22:40 |顯示全部帖子
回復 歌莉亞 的帖子

青春期情緒較波動是正常, 但波動到好似變成另一個人, 而且對以往喜歡的事/生活習慣有太多的改變, 我想便不算正常吧, 現在有很多不同的情緒病會突然發生在學生/成人身上已非甚麼大新聞, 我建議還是盡早找個專業人事幫忙作個評估好點!

Rank: 5Rank: 5


2229
發表於 12-7-23 22:41 |顯示全部帖子
睇了咁多位家長講自己仔女的行為令我無咁擔心, 因我個女都有以上所講的時下少年態度.
老公提我不要再日哦夜哦, 講了便算,  做唔做是她們的選擇, 要她們日後自己承擔後果, 如果大家言語不相讓, 日後她們更加不會講自己的生活銷碎事給父母知.

大家加油! 互相遷就! 互相尊重!

Rank: 5Rank: 5


1247
發表於 12-7-24 16:45 |顯示全部帖子
回復 歌莉亞 的帖子

我曾經睇過一本書.  人一定要有個玩得盡興的週期. 如果在小朋友兒時沒有太多玩到盡興的時間, 他會不斷尋求, 不斷累積這個欲望, 有朝一日他會突然爆發出來. 盡早比佢地玩, 越早越好.  希望幫到大家