去留問題, 請前輩分享一下經歷

Joe媽媽

亞仔讀緊所謂 band 1英中, 已 re-peat 了一年, 今年應可以升 Form 2, 但今年 repeat 之成績亦未見得很理想, 主因是他自己本身主動學習之動力不足, 學校亦沒有任援助. 問過學校, 反叛期男仔應該點處理, 點去溝通, 訓導主任居然說無見過我仔 case, 教了10多年中學, 做了幾年訓導主任, 居然說未見過我仔之case, 你信唔信? 係不想麻煩去插手跟我仔 case 吧?!

此間 band 1 英中之教育理念很差 (好像回歸後之香港政府), 老師(班主任)本身之品德亦很有問題, 成日講大話 (可能係佢跟本無心裝上學生問題), 所以, 將A同學之事說給了B同學之家長知, 又將B同學之事說成是C之錯處. 學生角度就是被老師 "屈機", 老師 "講大話".  

我想幫他轉一間 band 2 中中, 因怕他仍留在英中會趕不上成績, 越追不上就會放棄, 浪費時間.   
但轉了中中之後, 我又擔心:
~ 亞仔會更加自以為是, 井底之蛙, 以為自己好叻, 更加唔上心去認真學習.
~ E+讀緊之英中, 當日是他自己揀之第一志願, 至今他亦不想轉校, 他說讀得很開心. 現在,  只是我自己想幫他轉, 怕他留在英中只會追不上程度. 但免強將他轉去中中之後, 又怕他"玩野"(反叛期), 成績會更差.

各位高中家長, 有相關經驗可分享一下嗎? 謝謝!      

mayc

Joe媽媽:
我想起我鄰居的囝囝,也是band1學校,中一,中三留級兩次,仍不願意正視問題,今年要選科,但成績仍是中下,無得選3X,只可選2X,而且都是其他人選剩才到他選,未必能選到自己喜歡的科目!
囝囝除了學習的問題,有沒有其他的問題?
1.如果只是學習上的問題,阿囝仍然說讀得開心,我認為可以再給他試多一年,但係要給他目標和底線,不可只是"盡力而為"便算,要有實質可見的數字!如中,英,數必須合格,或每科有60分或以上等.....
2.要將妳的計劃告訴他,並且為什麼這樣做,讓他知道你是為他好!
3.問他是否需要補習那些科目,Daddy,Mammy會盡力配合!
4.如果明年成績仍沒有達到目標,便要進行媽咪的計劃.
其實任何一個決定都不一定得到預期的效果,一定要雙方同意和努力,所以要同他講道理其願意!

Glau

除左學校訓導主任, 有沒有找註校社工傾下,  有時d行為問題, 社工見既個案可能比較多. 我覺得先要解決"學習態度"問題.

Joe媽媽

多謝 mayc / Glau 意見.

我有見過學校社工, 但幫助不大. 亞仔嫌佢唔夠 power, 唔 buy 佢個套!

我見過心理醫生, 青年協會社工, 但亞仔講極都唔聽, 唔接受人地意見. 有經驗之社工說要等他自己"開竅". 可能要等到佢80歲!

佢E+成績主科是剛好合格, 50~55之間, 但普通話/ 電腦得20~30分拉低了總平均分, 所以舊年之總平才會不合格要留班, 但repeat 一年後之成績亦未見長多很高分, 我怕他能力能不來, 越來越逃避, 越來越失去讀書之興趣, 所以才有"去留問題"出現!  

moon88

第一，小朋友是否已經盡力而成績唔好？
笫二，小朋友知唔知你想轉 band 2?
自己是過來人，小朋友小學成績並非好好，靠派彩入英中，唯有一直同佢傾等佢明白倆種學校的分別。

student123321

是否對手太強

令他讀書, 覺得只是陪跑?

是的話, 轉校啦!

有些小朋友, 讀名校, 又不是特別出色

結果在學校, 以為自己沒有價值, 行步路都不敢抬高頭....

師奶

樓主有無諗過轉左band 2中中佢讀得好,成績排名較前到中四揀科着數D
依家排名較後擔唔擔心到時揀唔到佢鍾意嘅科目？
我依家成日同個仔講唔該比D心機考好D喇~科科都係剛剛合格,到時無得揀科@@到時淨返中史同西史比你到時喊住話要轉校呀~~
依家你仔仔讀得開心唔想轉,比我就會試埋中ニ睇下讀成點,如果中ニ要留班我就一定轉校

gigivinda

我贊成轉校，起碼有個希望，因為已經證明現在條路不成，為何不買個希望呢？反正都沒有損失．另外，ＢＡＮＤ２ＤＳＳ都有英文的，不一定中中，當然要知道他是否讀中中會好些．

gigivinda

~ 亞仔會更加自以為是, 井底之蛙, 以為自己好叻, 更加唔上心去認真學習.

會不會死撐多ｄ，因為已經留了一年，怎會以為自己好叻？這是自我安慰，是好事，等自己快樂些，有返ｄ生活動力．但轉校要和他商量，要他同意，勉強他會令他失去動力的．

新年12

回復 Joe媽媽 的帖子

我兒生女既情況同你個仔差吾多, 又係好自我, 甚至上堂時吾聽書, 因為覺得老師無料到, 佢要攞另外既書出黎溫, 完全吾尊重老師, 好啦, 依家搞到中五要留班, 學校要開會一致俾佢留底, 但佢又極吾願意, 情願夾硬升中六, 求其完成中學畢業至算, 唉, 真係令人婉惜!

講真, 佢讀緊果間都係 BAND 1, 不過係中中, 學校都肯俾機會佢, 可惜佢吾識去珍惜囉