做完評估, 語言理解和表達遲一年, 應怎麼辦?

terrybeard

小朋友3歲2個月大, 在政府做完評估語言理解和表達能力遲一年, 其他都沒有問題. 在政府排
語言治療問了多間最快個間都要等一年半, 私人的每堂約要$650(還要等)真是好難負擔得起,
因我是全職mama想問下有什麼方法和教材可在家中可幫到小朋友, 好擔心...嚟緊9月返k1, 怕
追不上其他小朋友怕學校唔接受佢.  

yauyauyau

唯一辦法就係迫佢講, 同埋你要講多D日常生活野俾佢聽, 雖然你同佢講完佢未必立即跟到你講, 但佢會記住架, 有朝一日佢就會開口講. 我個仔2.5YRS都係遲一年, 我帶佢上私人的言語治療, 我見治療師都係同佢玩玩具, 用零食引佢講野, 其實上言語治療, 主要唔係個小朋友去學, 而係家長去學點樣引渡個小朋友開口, 然後回家再家居訓練. 我個仔上左4堂, 再加上家居訓練, 佢已由粒聲唔出, 變到肯講單詞了, 雖然跟同齡的小朋友還有一段距離, 但我繼續努力的.
如果你覺得言語治療太貴, 你可以只上幾堂試0下, 學到個SKILLS, 返屋企再教. 加油呀! 大家一齊努力啦!

terrybeard

小朋友係好多嘢, 教佢的物件名稱佢學得好快同記性好好和發音都好準, 4-5個字的句子都可講度, 佢只是在理解和表達上較差, 語言治療師話可以用幾張圖卡拼串一個故事後要小朋友描述番出來, 我知道明愛有這樣的圖卡, 但這套卡是4歲開始用, 我怕小朋友3歲會唔會唔適合呢? 我都諗住會去上幾堂去學個skills再返屋企教佢, 始終上堂只是一星期一次.
我小朋友在2歲幾都係不太出聲,怕人, 但返咗n班後,多嘢講咗唔太怕人啦,
老師都有點意外評估結果是delay一年.

kaka1128

如果小朋友理解能力唔高, 一開始就佢描述故事會好吃力.
其實可以續步黎, 首先, 佢想要某D野果陣, 你要估中佢想要乜, 跟住要佢跟你講一次, 最好句子唔好太長, 由2-3組詞語一路加上去. 又或者當佢有情緒果陣, 都可以用同一方法引導佢講感受. 當佢知道, 原來佢想要野果陣, 只要講句說話, 媽咪係會有Feeback既, 佢慢慢就會知個規則係點~
另外, 用2選1既方法問佢問題, 如: 你想食餅定飲水???
再另外, 多玩d模仿遊戲, 如: 煮飯仔, 同公仔換衫, 你可以先做一次比佢睇先, 跟住教佢講.
其實, 有好多機構都有減免既, 你可以起呢區度搵下, 另外, 可以問下st可唔可以隔週做, 好過錯過左佢既黃金期~

terrybeard

回復 kaka1128 的帖子

多謝你的意見, 巳排了庭恩和協康, 在等治療這段時間, 我同小朋友會努力加油!

hihisasa

您試下排下耀能, 快好多架. 唔好浪費左小朋友的黃金期呀.

Hay_Ma

不如你搵私人治療師啦, 快d俾小朋友有正確訓練最緊要, 我同意唔好浪費黃金時間。我識得有d家長用私人治療師, 效果都好好, 試三個月就睇到成績啦。

conniewktang

我個仔兩歲三個月去小兒外科剪了利根，並開始去私家語言治療，又用明家套咭做講故事訓練，個仔勁鍾意又有進步，覺得好用，不過有些細微的音就好似冇，如尾音iu,所以還需要跟治療師學，進步明顯，不過佢仍有好多音唔準，有排執。

vtws

我仔四歲也剛剪完脷根，明顯好了，但仍然有好多音發得不準
可否介紹你的言語治療師給我？

conniewktang

已pm,果套咭係明愛先啱。

happyface929

hi connie,
請問可否PM你的言語治療師給我？謝謝

波蘿包1

如果排左早期訓練下個月可以返 仲找唔找私人好？

ChattyST

回復 波蘿包1 的帖子

我覺得你可以看看早期訓練編給你的個別訓練是否足夠, 以及效果如何, 才決定是否要額外上私人訓練!
始終一下子開展太多訓練, 小朋友未必可適應!

funnysiu

我個小朋友響政府個度都係做完評估, 都係話遲左成年, 依家我都排緊協康會同埋自己再搵去一間叫邁步既機構去幫阿女做一份詳細既評估報告先再去排兼收位. 我本人要返工, 所以冇乜時間同小朋友做training, 出面坊間既training course又好貴, 講真真係負擔不起的. 所以只有去排下兼收位睇下可唔可以幫下阿女啦, 大家一齊努力啦.

maggie38

大家好^^  我有D問題想請教一下...我囝囝從小到現在2歲5個月了,都很少雙眼望人的..就是眼神接觸得很少!最初以為佢係自閉= =很擔心..評合完之後(我做了3次,兩次是私人的)一次是健康院轉介的)..才真的放下心頭大頭石!但另一方面=.=唔係自閉,點解唔多望人..同埋佢之前很早就識講奶奶..拜拜喱D詞,但大大下..就唔肯再講=.=連媽咪都係前兩個月先肯叫下..爸爸就好少少,佢有時玩玩下.都會叫爸爸,有時爸爸返屋企開門佢都會叫下!但都係唔多望住人..!!!佢識好多野..喱樣我可以肯定..佢只係唔識講出黎同表達..教佢1-10 A-Z ,佢都識得指返出黎架= =又會指返D英文字,,叫你讀TIM= = 就係唔講野..到底佢係唔識講,定係唔想講..亦話佢跟本講唔到呢?

maggie38

如果佢真係舌根有事..咁去邊樹求助呢? 佢依家開始返N1啦= =" 但因為佢唔識講野..好多時被誤會佢唔聽話囉~~我有D唔開心架..唉..其實又好難怪人地GE= =又唔係自己個囝,又唔係只有你一個返學..邊有咁多時間,去觀察一個貝朋友啦~怪只好怪自己..唔識教囝囉>"<  我真係好唔開心...有時想想下都會想自殺架!如果我死..我囝變返正常GE話..喱個條件,我答應架!>"<

fa01

回復 maggie38 的帖子

唔好咁快灰心,我個仔以前都同你囝囝差不多,佢識但又唔肯講,我都無辯法,後來買Ｄ公仔返來同佢玩,引佢注意,又同佢玩煮飯仔,一步步來唔急得,到佢掌握了多些詞語自然會有信心講出來. 當佢開始肯講野,你會發現以前同佢講過Ｄ野會講番出黎. 我個仔由３歲幾才識講野,現在巳４歲８個月,講野叻咗好多,去街,搭都同陌生人傾談又唔怕醜,以前出街見到陌生人或去陌生地方都驚/哭(因之前評估有自傾同言語delay). 還有佢數學都叻,巳識晒九恩歌,仲去學速算,所以只要你唔灰心,唔放棄,終有一日你會覺得值得.

fa01

仲有好攪笑的,個仔成日問我人有幾多歲命,我就話有Ｄ50,60,70,80.90...等等.佢去問公公點解你70幾仲未死? 又話比師聽我生日,去咗边度食飯,八到連學校嬸嬸都知,而加反而我怕咗佢把口,話佢煩.

maggie38

回復 fa01 的帖子

我都知要慢慢黎= =可惜佢好唔聽話..成日叫佢望住我..講野..做動作,佢都唔理我=.=好似我自己同自己講咁..佢又佢自己玩..唉..做人父母梗係想兒女開開心心..健健康康咁成長啦~O~ 我真係唔知點幫到佢丫~

聽好多人話...叫我唔使咁擔心丫..男仔係遲D講野架..佢都未到3歲...唔使驚住= =唔通真係等到3歲先去緊張咩?

你個囝囝中意玩煮飯仔..(角色扮演)好好多啦= = 我果個唔玩架..買好多煮飯GE玩具返屋企..佢都唔會好似其他小朋友

煮下黎餵下你食..或者自己炸食..都倒哂出黎...之後就唔掂架啦= =..車仔都係咁..唉...我都唔知佢中意玩咩!

NDS..果D   IPAD果D,,會好少少..玩耐一陣..但都係唔肯同你一齊玩!

係呢..你提到"自傾"唔好意思呀..想問下..同自閉差D咩呀? 自傾係點架?