開學一問

lutang

嚟緊9月返K1，要唔要預早影定學生相架？

另想知除27號新生日外，28號起係咪只得小朋友返學，而家長不能陪同呢？因我見之後幾日有校車安排，係咪代表家長不能出席，但3號又冇校車接送，唔知係咩原因呢?

davywm

要影定相架, 好似一返學就要交6至9張校服相!
28日起係小朋友自己上堂的, 家長不用陪!
9月3日係k2, k3開學日, 哥能安排唔到校車卦!?

wybb

頭兩日返一小時，有校車搭，可以一位家長陪小朋友坐埋回校，湊埋佢上課室就要離開，出去附近食個早餐話咁快就放學，排隊上番課室接小朋友，落去坐番校車回家，之後兩日返兩小時，無校車提供，就要自己帶返學和接放學了。 學生相記得背景要藍色(因通告無寫)，影定一打，好像新生日去完禮堂回課室要交比班主任6張，其餘留來要自己貼手冊、表格等。

lutang

回復 wybb 的帖子

原來係咁，唔該晒！好彩未影學生相，原來要藍色背景！

davywm

wybb,

上次學校通告話只係9月3日無校車喎?!

lutang

davywm：
我問過學校校車部點解淨係３號冇校車，佢話年年都係咁，唔知點解喎，真係騎尼，點解連佢地都會唔知架？

davywm

lutang, 我只知3/9係k2 & k3開學日

wybb

回復 davywm 的帖子

唔通今年改咗? 因小兒上年K1時,剛好29/8(星期一)新生日, 30-31/8(二,三)上課一小時有校車, 1-2/9(四,五)無校車, 所以我估校車公司從九月份開始收車費, 咁八月呢兩日有得搭, 就1-2/9扣番無車囉

lutang

wybb：
係呀，佢地話8月唔收車費，今年係27號新生日，28～29上課一小時，30～31就上課二小時，只係得3號冇校車！初初我仲諗佢有得搭校車，咁一定唔俾家長陪啦，點之佢話我都坐埋校車喎，唔知係咪幾日都可以坐呢？我都想知新生日可唔可以父母都出席架？

wybb

上年兩日都可以有一位家長陪坐校車返學和放學，新生日可以父母一齊陪伴，因為會在禮堂逗留起碼一小時聽校長講解學校，所以我覺得父母都去就可以一個專心聆聽，一個照顧小朋友了，坐成個鐘，小朋友可能未必肯坐定定又或者需要去洗手間呀咁。
另外，今日收到通告，原來K2在3/9開學禮都無校車搭，真係唔知點解喇？

NICOLE123

回復 wybb 的帖子

開學禮要家長陪同所以無校車.

michi930

請問8／28和8／29開始係課室預習返學，會唔會可以俾一位家長陪伴呢？

penpen424

家長唔可以陪上堂架

NICOLE123

唔可以陪上堂.第一日係老師同家長講解一d 日常事項

taboshu

學生照背景要藍色???
我影o左白色喎