調節心情, 接受現實.但...

2隻臭豬

回復 CF2010 的帖子

超級同意! 我個女都係讀2線小學, (當年我都唔係第一志願派到呢間, 我無去過叩門, 照讀的!)  但係讀得好個d真係唔差得過讀一線出黎, 佢地都好勁架! 中學升band one個d都讀得好叻, (因為中學每年會寄d表揚信比學校, 講返d學生讀到全級第幾名) , 只要你讀得好二線都唔差! 起碼個小朋友都有自信先啦! 反而我識d朋友, 佢地讀一線小學, 讀唔上成日比老師照肺! 唔好話考包尾, 就算考中間個d, 都唔會當你係寶, 攪到d學生真係抬唔起頭! 小朋友到佐小學階段真係識分自己向老師心目中的位置, 讀得好個d知老師會對佢好d , 讀得唔好會知道自卑, 不過我都祝你地搵到心儀的學校, 加油呀!   

sheffield

加油呢，其實我諗EK班家長大部份都係來自一線以外的學校，但當中是成功的都有不少，就算不是事業成功，也肯定有個快樂家庭，能做個好爸媽的，這也是另一種成功。安慰自己都係咁話，比一線你，你又未必讀得開心，讀二線成績好的，咪再考慮插一線囉！小朋友的路，他們會慢慢自己行出來。最緊要睇到小朋友能快快樂樂的上學！

AAwing

各位家長加油呀 , 我都調整緊心態  

admiral1008

不要灰心，低處未算低啊!要精神！要努力！支持！

cancanb

仲可以點，C6叫我睇開D，佢話小朋友條路咁長，有排行，唔需要咁執著，仲話我地其實好幸福，可惜我仲未消化佢講既野，個心仲係嗱住嗱住咁

ballbeef

大家一早知道遊戲點玩,亦知道扣門位好少,分分鐘校長,老師都唔夠分,點解當初仲揀1線學校同人爭?......我唔信自己好彩會派到過好前既抽籤號碼,亦相信只要學校校風好,無論1線2線我都會好放心,所以當所有人揀1線學校時,我已經將大家認為係2線既學校放第一位.....

cancanb

回復 ballbeef 的帖子

我其實同你一樣，因為我覺得捒學校要適合小朋友，所以我冇捒大熱，可惜都唔中

k_lego

萬獸之王 發表於 12-6-14 11:16
43網，仲要借左230個位俾41網，所以好多都慘烈犧牲，仲有人被掉出區外，你話係咪 苦。。。。。。。。。。。 ...

掉左出區外？　即係唔係４３網既學校啊？

ballbeef

回復 cancanb 的帖子

我之前上黎做過research,舊年家長放第二都入度,於是找就將佢放第一......

萬獸之王

回復 k_lego 的帖子

係啊，好可憐啊！唔知點解會咁，呢個派位制度真係玩死人！

k_lego

萬獸之王 發表於 12-6-14 14:15
回復 k_lego 的帖子

係啊，好可憐啊！唔知點解會咁，呢個派位制度真係玩死人！ ...

派左去邊區啊, 遠唔遠架?

佢係咪本身冇填曬咁多間啊? 照計43網夠位俾本區小朋友先會借位俾41嫁....

jojoplanet

萬獸之王 發表於 12-6-14 11:16
43網，仲要借左230個位俾41網，所以好多都慘烈犧牲，仲有人被掉出區外，你話係咪 苦。。。。。。。。。。。 ...

呢個教署真係好不知所謂既..我個區得1x間但佢個要你填30.咁打過去問佢話我我區學位係多過適齡兒童所以都係會派番自己個區...

你43區如果自己都唔夠, 佢係你地度個區分比人做乜鬼...

靚靚C9

lhca2 發表於 12-6-14 10:03
我想問...可唔可以重讀多一年k3..下年再抽多次呢?

如果得就世界大亂囉

cancanb

回復 ballbeef 的帖子

我都想做research，不過唔熱冇人講呢

ballbeef

回復 cancanb 的帖子

咁你個區競爭都好大喎.....我個間都冇咩人講架,不過d人講排位時有d人會提

yuengooluk

還有漫長暑假,變數仍多.不停寫信啦,不要理面子呀,得唔得喇,做了至算,盡地一煲!我去年在八月底才叩到現在這間,我好相信是因為我寫了很多求位信!

ballbeef

回復 yuengooluk 的帖子

係架....我剛剛先收到阿仔in個間直資打黎話取錄我個仔,當日阿仔2nd-in完連waiting都冇.....證明好多家長開始放返d位出黎.....

joyce919

唔call算數，唔駛請假去in，改去迪迪尼relax 吓再繼續努力，裝備自己，出年考插班！

happykeikei

jojoplanet 發表於 12-6-14 11:34
明白呀...未發生係自己身上時以為自己可以好接受但原來高估咗自己............所以咪要調節自己囉... ...

我都同你一樣呀!