不是小班教學，經歷一年了，我準備轉校！

palapala

joanthony 發表於 12-6-14 16:02
面對現實吧, 而家乜都貴,校巴都要加十幾至幾十信, 學費有乜可能唔加?  唔加學費你估d教師仲會留低嗎?  讀得 ...

Sorry, 依家係講緊校長對家長既氶諾, 佢當初向簡介會對住咁多位家長講明一旦入讀, 6年學費不變, 變的只有每年新入學既小一學生, 今次加價雖然唔多, 完全可接受, 但我地一班家長不接受的是校長的誠信!!

elizatyy

特别是NET, 間間學校不斷轉老師,外藉老師唔怕失業

Andymammy

原帖由 joanthony 於 12-06-14 發表
面對現實吧, 而家乜都貴,校巴都要加十幾至幾十信, 學費有乜可能唔加?  唔加學費你估d教師仲會留低嗎?  讀得 ...

校巴唔同！因為校巴牌唔出！一定會貴！

palapala

joanthony 發表於 12-6-14 21:28
如果唔係比唔起就算啦人地鬼知兩方inflation 咁勁咩 當然學生都可為幾舊水轉校既



  ...

小姐..依家講緊係校長言而無信, 扮失憶!! 你話inflation勁要加, 2,3百蚊無話比唔起, 有學生轉校都唔會為區區2,3百, 轉校都係因為學校其他問題. 學校問題多的是...這個不說了

現在係校長言而無信, 真係要加學費本來問題不大, 又不是加2,3千...但是當年校長在台上大大聲聲跟所有家長講由入學起計6年內不會加學費, 但今天她說突然失憶了...這算什麼意思??家長們都在屈她?? 若然佢無講過會有家長質疑?? 2,3百對大家黎講其真還可接受, 只是嚴重不滿校長這種"博人唔記得"呢種行為啫...
其實校長大大方方在通告上寫明原委, 家長們不會有咁大反應吧!! 身為一校之長...失望了!!

Michelle_Hung

palapala 發表於 12-6-15 12:05
小姐..依家講緊係校長言而無信, 扮失憶!! 你話inflation勁要加, 2,3百蚊無話比唔起, 有學生轉校都唔會為區 ...

完全明白你感受! 既然已出口就算改制度都應該同家長解釋一下. 正如大家常常講加了學費話因為行小班, 但事實係咁多年都係大班(我覺得係超大班添! 25 人先算係小班, 29已經好勉強, 莫講3X) 小班教學係包括好多不同的教學法, 配合學生人數去做, 唔係請多一個TA就可以解決!! 哩樣我都一直覺得學校在取巧, 亦有同家教會反映

我好滿意TT的教學 (在三年幼稚園), 但朝令夕改亦是我擔心的! 我選擇入讀係base on 現在學校提供的資訊同commitment, 如果學校反口讀到一半將來點算?!

palapala

回復 Michelle_Hung 的帖子

咪就係囉, 其實學校有好多野安排都是有點問題, 這個其實大多都可接受, 那間學校沒有問題...但係校長既政策同辯駁實在真係有點兒那個那個再那個囉

andrewwcng

六年前,校長講過深祟會行IB,當時,我想可以不用煩中學問題, 但事與願違. 譚校長是一個有能力,有抱負的好校長,但很多事都是不能她所控制的.

adacc

回復 Michelle_Hung 的帖子

對啊! 當初理念係小班教學, 小朋友可以多些被老師照顧到!
如果真的助教可以代替老師, 那可以用請一個老師價錢請多幾個,
但學校知道是不行的, 知道誰人才是真正老師吧!

再者, 校長的話"如果多收學生超過25人, 就請助教協助" ----> 真的無限大!

至於學費, 如果你看到由小四起是便宜了, 原因是小四不會再小班教學了, 會收35人以上
而低年班小班代價係學費貴些, 入學時已經清楚明白!
我個人不介意加學費, 但原因卻本末倒置!

大家選擇這校不是因為學費平與否,
學費亦都不是買野甘一分錢一分貨
如果用"比唔起就走", 就太過啦
俾多俾少不是我們讀這校所考慮因素

我只係希望既然我們付多了(即小班費), 就應該實行小班,
既然收多了學生, 學校應該開多一班
而唔係要同學同家長屈就

轉校會令小朋友從新適應, 其實也很辛苦
而且去到另一間學校又不知會否有那麼好老師
真的! 這所學校老師們真的很好!
我現在也十分懊惱!

Mymaggie

回復 adacc 的帖子

"我要返工，每次學校長假lastday，我就由朝做到晚，一剪就12份報告，又要作感想！而說話技巧又作對白又錄音！" 其實，這些都應該由孩子自己做的，由小一開始，我最多幫手揾報紙，到現在小六，我女自己攪掂，我真係無咁好心機；至於錄音，只是小一時，以一問一答方式同阿女做咗兩次之外，由小二開始都是阿女自己用部相機自錄，由她自己諗題材和演繹，我只幫她把成果轉入cd或usb。

其實，功課是由孩子做的，家長可以協助，自己要學會放手，孩子才會做，記得小一時的常識project是個人做的，我也要阿女參與多些，問她意見，結果我女參予了八成我兩成，但同學們的作品簡直超班，真是不能作比較。

據我所知，有些家長會幫手做閱讀報告、copy book、抄寫之類的功課，還要理直氣壯說這些功課太無聊和浪費孩子的時間，其實，家長已灌輸了一些觀念給孩子，日後，孩子上到中學時，會怎樣面對自己不喜歡的功課呢?!

還有美勞堂的功課，總之要在家完成的，別人都會做得十分完美，阿女多次要求幫手，我都拒絕，我承認自己懶惰，但總覺得應該自己做，結果人家的總是9字頭，自己的總是7字頭，而我也忘記了這是入成績分數的，所以成績的總分數也被影響，可惜要到阿女高年級時我才發現這問題，唯有安慰阿女雖然7字頭，但這全屬於她自己(沒有媽媽份兒)，既然如此，唯有堅持功課是孩子自己做的，媽媽也太懶惰就繼續懶啦!!!

Michelle_Hung

Mymaggie 發表於 12-6-15 21:27
回復 adacc 的帖子

"我要返工，每次學校長假lastday，我就由朝做到晚，一剪就12份報告，又要作感想！而說 ...

哈哈, 我很愛你這個媽媽! 怪不得你女兒升中有這麼好成績!!
其實我都係一樣是一個懶媽, 不過祟幼小朋友應該覺得輕鬆一點, 因為K1已經係咁做功課, 每個week 2個book report. 我仔已經訓練到Fri nite就拎本書出來叫我地陪佢睇跟住自己去做book report.
我咁貴都選TT除了真係欣賞學校的教學, 其次係我想繼續懶下去... 希望我可以願望達成!!

Mymaggie

我都好明白你們的不滿，我女讀緊小六，沒有你們的問題，可說是好彩，其實，你們有沒有跟家教會談談這個問題，要找些家長(最好口才好些的)跟校方談判。

adacc

回復 Mymaggie 的帖子

"這些都應該由孩子自己做的，由小一開始，我最多幫手揾報紙，到現在小六，我女自己攪掂，我真係無咁好心機；至於錄音，只是小一時，以一問一答方式同阿女做咗兩次之外，由小二開始都是阿女自己用部相機自錄，由她自己諗題材和演繹，我只幫她把成果轉入cd或usb。 "
我認同! 我也是懶媽媽!
我也明白功課是自己做,  我也不會親手寫功課, 我也是自己找了報章, 給他做剪貼, 不過可惜就是連自己也分不到主題, 感想也是HIGHLIGHT完, 由他抄寫, 不是不滿耍做, 而是分量太多, 應該由小一每主題一份, 每年增加去適應! 我都明白每間學校也要做類似功課!

ivybeyond

我也想知.....

Mymaggie

媽咪們，努力偷懶吧，我們越懶，孩子自然要迫住做，除非面皮幾丈厚，不怕老師罰和駡，否則孩子應該有能力完成校內的功課，我唔信全部家長都咁勤力，個個都幫孩子做，咁人家的孩子都可以完成，為什麼自己會不能呢???

adacc

回復 Mymaggie 的帖子

"聽君一席話" 令我有些少啟發!
今年我也會留下讀二年級
就希望小孩大一年不需要助教協助
雖然人多已經是不可改變的事實
但這所學校畢竟是所好學校
回想自己以前讀書都三四十人
希望小孩慢慢適應

elizatyy

師兄師姐加油!

happycandy

我還記得想當年小一，四十三人一班，得一個班主任，功課六、七樣，晚晚做二個小時，做唔晒就欠交！我的媽媽只會說：你的功課好深，我幫唔到你！
欠交了一年，二年級會準時交功課，三年級成績開始上升，但所有分數都是我的～！
不過，想當年，很多小朋友都是七十幾分，只有幾個小朋友九十幾分！我反而還記得有一位滿分的小朋友，到了中二時，成績一落千丈，原來她媽媽一直幫她，到了中學，一來功課比較難，二來小朋友唔想要媽媽幫，三來小朋友入了一間很Top的學校𡿨入了才發現實力原來未到〉！
所以現在我只會忍忍手，放手俾仔仔自己做功課，溫書會在頭兩年跟一跟！