請顧及小朋友感受(不喜勿插)

cowkingb

其實現今既小朋友真係好慘, 咁細個就要面對功課考試既壓力.  我時時都話, 個小朋友要讀得投入開心先學到嘢, 所以真係要選擇一間啱小朋友讀既學校先得...開心既童年對個小朋友既成長好重要...

Ivy07

我當年都派左一間唔識的學校，當時好憂愁企左係到，跟住呀仔好驚咁同我講，有學校收就得，我會比心機讀書，我當時見到佢個樣好心痛，就同佢講我無事，仲話帶佢睇下間學校，佢笑住同我講，等埋爸爸先去啦。然後我周圍問人同查下間學校，同諗叩門，後來知道間學校唔係咁差，就比佢讀，這6年他過得好開心，成績都算係band 1尾

Lingcheung

我未放榜前一路同阿仔講一定有小學讀，派位邊一間都無問題，但當然有學校媽咪會鍾意啲，等於你所有lego都鍾意，總有啲你會歡喜啲。阿仔點唒頭好明之後問我"咩叫派位？"

我明唒大人的煩惱只有大人明

k_lego

MaiGao 發表於 12-6-8 11:41
其實，佢個仔跟唔跟出去，派位結果都唔會變…=.="

咪係囉, 之後佢一路行一路鬧空氣

話唔知派間乜野俾佢, 都冇填落去做咩要派俾佢...

點解d人硬係覺得唔填就唔會派...

fione1025

真係好欣賞大家都以小朋友既感受為重~~

CALVEN

當時我都有考慮過如果我囝派得唔好,就用路程遠,去間近d既叩門做籍口,

因為如果叩唔到,小朋友都唔會覺得自己去左間好差既學校.

k_lego

原帖由 CALVEN 於 12-06-09 發表
當時我都有考慮過如果我囝派得唔好,就用路程遠,去間近d既叩門做籍口,

因為如果叩唔到,小朋友都唔會覺得自 ...

我都係派得差，到今日為止，佢都唔知派左咩，亦唔知有呢個派位遊戲。諗住玩完叩門遊戲有結果先同佢講

CALVEN

k_lego 發表於 12-6-9 10:19
我都係派得差，到今日為止，佢都唔知派左咩，亦唔知有呢個派位遊戲。諗住玩完叩門遊戲有結果先同佢講:think ...

我囝好敏感ga,

自行派位派唔到,佢已經成日話自己無書讀,我唯有不停強調全hk小朋友都有書讀,去邊間學校而已.

mimibooo

rayeu160 發表於 12-6-8 10:04
眼見好多好友, 都正在為叩門而煩惱. 我都明白家長對小朋友派唔到理想小學, 一定有所失望. 亦明白當中為家長 ...

我都同意
我地坐校車同住樓上樓下
有0的真係好差派得
我見都聽到都好心痛

又要帶小朋友去面試,見到佢地好辛苦
我都同佢地幫下手去其他學校令0的FORM
大人小朋友都辛苦.不過佢地開始已經平常心喇


希望佢地一切都順利

Smiling_mum

Cannot agree anymore! Support!

k_lego

CALVEN 發表於 12-6-9 12:58
我囝好敏感ga,

自行派位派唔到,佢已經成日話自己無書讀,我唯有不停強調全hk小朋友都有書讀,去邊間學校而 ...

.. 自行派位我都係冇同佢提過..

到依家我都係同佢講, 要比心機interview ... 不過今日佢又唔出聲啦...

你個仔都怕冇書讀, 我個女都唔怕

我問佢再唔出聲冇學校收點算...

佢淨係識話, 我鐘意xx小學, 我想讀xx小學

我話你interview再唔出聲,就唔到你簡... 得人地簡你

今日見到佢唔出聲真係好唔開心

CALVEN

k_lego 發表於 12-6-9 15:37
.. 自行派位我都係冇同佢提過..

到依家我都係同佢講, 要比心機interview ... 不過今日佢又唔出聲啦...

加油

自行派位我都無同囝提過,佢從我同佢daddy對話中聽到.

橫風王道

k_lego 發表於 12-6-9 15:37
.. 自行派位我都係冇同佢提過..

到依家我都係同佢講, 要比心機interview ... 不過今日佢又唔出聲啦...

我個仔都同你地差唔多情況，到目前為止，只係成功叩入一間較近既學校，並非一間心儀學校，其餘一路作戰果 d 心儀學校，死下一間死下一間，雖然漁翁撒網，但都所餘無幾，同個仔講，佢真係你急佢唔急，原全唔知發生緊乜事咁，激死！

MaiGao

今日我媽權充司機，戴我同個仔去面試。但係佢去到間間學校都係我仔面前係咁批評d學校。阿仔見完出來，我媽又係咁話佢表現唔方會好，一定唔得，搞到我個仔好唔開心。激死我！

（本來想回呢度，但係唔知做乜手機回會出左個新帖…）

MaiGao

k_lego 發表於 12-6-9 15:37
.. 自行派位我都係冇同佢提過..

到依家我都係同佢講, 要比心機interview ... 不過今日佢又唔出聲啦...

我個仔咪係咁話鐘意xx小學囉﹗但係去到人地問佢野，佢都唔正經答，玩玩下咁﹗佢見我唔開心，竟然大條道理咁，話學校接受唔到佢真實一面既，咁同去讀派位果間一樣…

Geni

當年我個仔又係派得唔好，第一件事當然係去交叩門表啦！而交哂之後就係去睇睇派到嗰間學校，同埋了解一下間學校，因為叩門唔一定成功，個仔總有機會要去讀，所以想了解下。

其實家長覺得派俾佢小朋友間學校好差，差到唔讀得，但其實當你冷靜d諗下，好多時都只係因為間學校係“派“俾你而唔係你揀，所以唔鍾意。

根據依家嘅升中制道，只要小朋友有水準嘅，喺邊間學校都一樣可以做到band one 學生，上到band one 中學。如果唔想等到升中先轉，又可以隨時去心儀嗰間考插班。所以小一入學並唔係d乜嘢deadline,唔需要依家已經搞到自己同小朋友咁緊張。

j96568595

删除

MaiGao

Geni 發表於 12-6-9 17:41
當年我個仔又係派得唔好，第一件事當然係去交叩門表啦！而交哂之後就係去睇睇派到嗰間學校，同埋了解一下間 ...

其實我好明白你的講法。
我註冊前曾致電學校，問問需要帶什麼文件，接電話係女士態度惡劣，所以我先立定決心要去叩多幾間學校。

後來我去註冊的時候都冋老師傾過，仲參觀過學校。老師俾我的印象其實唔錯，有愛心、有耐性。不過，學校以中文為全，小一到小六都係中教數、中教常，甚至英文堂都係中文教。我個仔識聽同講中文，但就唔識寫同睇既，所以我先咁擔心。

另外，我地一家係天主教徒。選擇學校的時候我只考慮天主教學校，而我獲派的係官立學校。呢方面我同屋企人商量過係唔可以讓步的。幸運地，我們已獲跨區一間二線天主教學校取錄（不過依然是中文學校）。身為家長的，當然希望為孩子爭取最好（以及他最喜歡的）。希望你明白。

k_lego

原帖由 MaiGao 於 12-06-09 發表
我個仔咪係咁話鐘意xx小學囉﹗但係去到人地問佢野，佢都唔正經答，玩玩下咁﹗佢見我唔開心，竟然 ...

哇，你個仔識咁講都好醒喎不過激到嘔血

MaiGao

k_lego 發表於 12-6-9 20:14
哇，你個仔識咁講都好醒喎不過激到嘔血

佢係好鐘意同你講大道理，又超感性架。佢睇報紙見到任何唔開心既新聞都會喊一餐…

呢方面既醒，係面試真係無乜幫助。只好高興佢有自己諗法囉…
不過考唔入佢心儀果間的話，睇怕有排喊。