旅港開平商會學校

Chloe22

大家好!

最近看親友煩惱緊楝選學校, 她想知道(40網)旅港開平商會學校好唔好?

有沒有在此學校家長可分享一下, 課程深淺? 老師及小朋友質數又如何? 校風及升中好嗎? 功課一般多唔多?
小朋友讀得開心嗎? 課外活動有什麼? 不好意思很多問題, 希望各位就讀此校的朋友們可分享一下 謝謝。

Chloe22

有無人回覆一下

chuntam

同旅港開平商會中學有冇關?

Chloe22

回復 chuntam 的帖子

好似話有點關係的

MACKYTSANG

無關係的，只是聯繫中學，但要成績好先有得入，上年都好似得10個入到開平中學

p95832516

旅港開平幾好架

conniewktang

我都係開平畢業嘅，宜家在一間band 1英中教新高中英文科，眼見開平越來越好，遲些個仔都會比佢讀呢間。

Bowiema

開平唔錯架, 聽聞校長幾有heart. 佢地同旅港開平中學有聯繫, 雖然每年只見有10幾人入讀, 我聽d家長講因為考得前既女仔大多數會選上智, 男仔會選長天, 因旅中交通對於ssp區比較隔涉. 佢地唔係宗教學校, 仲讀少一科宗教.

Kittymummy

剛剛路過，見到呢個topic,順便搭訕一下。我亞女讀緊小六，今年升中一。

課程我覺得吾深，比較過周邊學校，買既書都係果d出版社，程度差不多。小朋友質數又係新移民較多，因為派位間間都一樣。老師都吾錯，有幾個教英文吾錯，小五六時英文科係全英講，吾用中文講，第二班吾知，但我個女果個學生都要做presentation, 每月一次。校風幾好，so far 讀左咁耐係有d男仔頑皮d, 訓導都幾嚴。我個女讀得好開心架，可能獨生女所以好like返學。每周五最後果堂有活動，吾駛$既，一定要選擇是旦一樣，另外有付費既。亦好鼓勵學生，每個學期默書好成績可以換小禮物。功課方面，我反而覺得吾多，係星期五比較多。我個女比較自動波，亦冇補習，所以好輕鬆渡過呢6年。學校吾會太谷，例如中文差就叫佢地7：30返中文輔導班，一星期一次。起碼呢6年冇話吾掂叫你出去補補佢，我吾like的。

至於升中派位，大約有47%英中，學校透明度好高，除左打明升咩中學，連人數都打埋。大約每年有10個學生升中學部，當然要全級20內啦。係選校過程亦安排吾錯，起碼會明確知道小朋友去到band幾。

希望幫到你啦！

Chloe22

回復 conniewktang 的帖子

請問可以講下點好? 列如教學方法, 老師教學方法等等thx

Chloe22

回復 Kittymummy 的帖子

好多謝kittymummy回覆,
好詳細!! 如果15分跨區唔知易唔易入呢? 叩門唔知難唔難呢?

cktc1996

Kittymummy 發表於 12-6-9 00:33
剛剛路過，見到呢個topic,順便搭訕一下。我亞女讀緊小六，今年升中一。

課程我覺得吾深，比較過周邊學校， ...

想請問旅小 小六成績好同學是在自行選旅中有分加(收多啲旅小)而被收...
還是因在升中大抽獎甲一乙一選她有大啲機會?

先謝過...因不大明白旅小與旅中關係...

Chloe22

回復 cktc1996 的帖子

我係其他網站睇到好似寫約果全級考頭10名內的同學, 旅小校長會親自寫信給旅中,所以一定會收唔知係唔係呢?

conniewktang

開平的派位好，係越來越好，老師唔錯，現時都幾熱門.

iluvchun

thanks, Kittymummy咁詳細既介紹
cktc1996, 今年round 1已經超額收表, 所以15分唔一定入到

Kittymummy

Chloe22 發表於 12-6-11 11:19
回復 Kittymummy 的帖子

好多謝kittymummy回覆,

15分應該唔難掛.... 因為佢又唔係太熱門學校. 不過今年開始小班 (100人), 今年自行50人一早收晒.

Kittymummy

cktc1996 發表於 12-6-11 12:14
想請問旅小 小六成績好同學是在自行選旅中有分加(收多啲旅小)而被收...
還是因在升中大抽獎甲一乙一選她有 ...

應該咁講.... 全級30 名內 (頭兩次呈分), 會收到通告問你會唔會自行apply 開中. 話會係自行收生階段優先取錄開小學生. 一般都只係收10 - 12(max. ) 左右. 因為大家都唔同區, 有d好勁既學生都未必會選擇佢........

Chloe22

回復 iluvchun 的帖子

咁真係要預備叩門

Chloe22

回復 Kittymummy 的帖子

小班教學就會收生難左,叩門機會就細左?

Chloe22

回復 Kittymummy 的帖子

但係旅中都唔錯既一間中學來! 是否band 1 中?