萬分沮喪，唔知點做

junemak78

我幫仔仔交咗幼稚園既註冊費，跟住學校俾咗份通告話五月會寄書簿費通知，

跟任，我5月尾先收到該書簿費通告，但郵戳係5月7號，我都唔知點解，唔知係咪POST OFFICE既問題，通告話5月中要交書簿費，但那時我已過了DEADLINE，通告話一過DEADLINE，就當退學論。

於是我即刻打去學校問，學校話你過咗DEADLINE無辦法，已經唔會有番位俾你。

宜家萬分沮喪，為咗仔仔讀書，我搬埋屋，亦放棄了其他offer, 想問問大家
1)我已交註冊費，佢係咪可以唔俾位我？
2) 我可以點做？



謝謝各位。

meia

同情你, 不如試下直接搵主任,校長. 等佢返放學??講下你個情況

會唔會係派錯信, 但鄰居好遲至拎出來?

仲有, 快d搵下附近仲有冇學位

bearwhat

睇返信封果郵印日子...係米過左DEADLINE先寄比你...如果係就可能admin 遲左先寄...咁搵校長講數

kerkermui

打俾校長，或者主任，話佢地知呢個情況，如果佢地仲有話嘅話，應該會call你

郵局近幾個月係有d問題，我聽過包裹 delay, 甚至寄回頭 (但地址無錯！)

MINI1601

一方面打電話比校長 or 主任求吓情, 另一方面, 打電話問附近其他幼稚園仲有無位.

如果今年係報 N 班的話, 為由再報下年 K1 啦!
但如果係 K1的話, 學校應該已經安排咗 waiting 的小朋友補上.

JC_mami

你的情況真是好慘，贊成找校長傾下。

littlecook

回復 junemak78 的帖子

或者學校呢一刻真係無位,比唔返個位你!
大多數學校,應該仲會有人放返位出嚟.你小朋友係咪1ST ROUND入?如果係,應該係學校最想收既小朋友!除非學校唔信你,以為你心大心細過左期唔交費(即係無誠意),又或者學校係超級名校唔在乎MISS左既一兩位小朋友!
點都好,你一定要繼續同學校聯絡(信,電話等),表明你係真係會讀,真係好有誠意,只係郵遞延誤做成咁既情況!

Jane1983

佢地懷疑你shop around吳交錢又好、信郵局出錯又好，你呢個case只有求校長、老師呢條路，不斷解釋、求情感動佢地，遲d總有一個兩個位。

你而家先出去找學校，間間都有長長wait list，真係難呀！

derkin

介唔介意講係邊間呢？
其實如果真係郵政錯誤，幼稚園在情在理都應accept

Vivian74

真係要直接去學校搵校長傾. 為了呀仔仲搬埋屋, 一定要去爭取, 祝你成功!

23102009

其實每間學校都會有大約3個位左右做保險, 萬一有學生無書讀, 教育署會立即查到邊間仲有位比佢入.
唔好太担心, 你講返你個狀況, 再睇吓點.

audrey420

快點找校長傾傾吧

ppgirl

要寄信到學校解釋事件，再約見校長，要表達十足誠意。相信一有位便會第一時聯絡你！當然，找定一間作後補也是好注意！

alowe

註冊費和書簿費係兩回事. 你已交註冊費即係學校有責任留位俾你. 書係可以在外邊買或者可以由別人讓俾你,  所以學校唔能夠強迫你一定要透過學校買書. 如印有學校校徽的校簿, 因為只有學校有, 則須要在學校買, 但學校應該隨時有供應. 因此學校不能在指定日不買書就不留位.

所以你係可以同學校傾. 當然唔可以用我上面提出嘅理由, 因為好多校長係講情唔講理. 所以你要以懇求態度和學校傾咯! 投訴都冇用, 因為經投訴收番你, 以後又唔知佢地點對你個小朋友. 因為如果學校唔講理, 就咩都做得出..

Lovely_Babybaby

哇,咁好危險噃,寄失左咪又無拉拉無左個位?
我囝間學校一寄完信隔幾日就打黎CONFIRM 下收唔收到,
仲會係WEBSITE 度通知家長.
我覺得如果你過期未交,學校都應該打電話問一聲先取消你個位,
真係死得不明不白

gwlam

我之前5月底no show一間幼稚園無交書薄費到今日都無人打來confirm我係咪放棄學位，雖然學校封信實有句disclaimer寫如no show唔交留位費或書薄費即等同放棄學位，但好嘅學校（如蘇浙、聖心）如果唔交留位費或書薄費會打比家長confirm係咪放棄學位的。

ChingChng

我都試過pn班交咗留位費但最後決定讀另一間, 所以無做第二次註冊, 學校即日都有打電話嚟問.

KT1028

Never give up!

zzzchow

找校長啦.. 不用搶心, 學校應會明白