請問關於心理學家做嘅智能評估

psv

想問下心理學家同小朋友做IQ test 嘅過程做法內容係咪秘密到一定唔可以俾家長在場？如果小朋友唔合作、扭計或專登作對做錯，咁係咪會影響最後的評分或結果？有無媽媽試過？準確性或可信性高唔高？係咪都係一定要小朋友單獨自己做？一定唔俾阿媽陪？唔合作點算？有咩辦法？請指教！

pollybell

最好早小小去等佢習慣下個環境先.多數都唔俾陪,佢地有辦法架啦,當然唔係絕對攪得掂,評分真係唔需要太認真個分數,IQ TEST係測試果刻小朋友在心理學家面前當時既能力,係咪唔合作,玩野,心理學家都會寫在報告內,知道佢最少有呢個能力,好多因素影響個評估分數,健康,專注,心情.....分數唔係最重要,重要係分析佢個學習問題響邊度.

pocoyo123

係, 家長一定唔在場, 所以當日最好有小朋友喜歡的食物, 玩具一齊, ,等佢無咁易發脾四..
準唔準, 好難講, 合自己的心意, 咪覺得準, 反之, 結果相距遠, 有人咪覺得唔準...

成個測試做兩小時, 小兒做左個半小時後, 不停同個心理學家說好悶要走, 終於最後的做得很差, 將成個分拉低晒, 個心理學家自己睇報告時同我地講, 個分唔準, 因為佢知亞仔識, 但唔想做, 仲叫我地自己將個分加高一級就得, 不過, 有些佢又好準, 好以評估結果有專注力不足，活躍証，影響小兒學習上好深

psv

我係擔心分數因唔合作而拉低，我驚人哋（主流）睇完個分數會當咗佢係有智障，你知啦，到時人哋係睇報告，唔會喺心入面幫你升級吖嘛！好擔心！
你哋小朋友幾多歲做IQ test 㗎？

pocoyo123

智障唔會當呀, CAC 會係5歲以上, 入小學前同小朋友做智能評估, 如果結果係出來智障的話, 會建議讀特殊, 但亦有家長會去試主流, 這是家長自己選擇.

我見過有家長的小朋友是"宅介", 即是在有限智能同輕度條線左右, 如果結果是這樣, CAC會叫你自己諗, 試唔試主流, 不過, 要諗深一層是, 就算個評估有出入, 也是相差小小的, 不會相差太遠, 即是"宅介"的小朋友, 最多也是向上行小小, 即是在有限附近, 去到主流跟唔跟到, 家長要諗真些,.

心理學家做的智能評估, 大致上是現在香港一般同齡小朋友的能力為基礎, 包括認字, 寫宇, 中英文, 解難, 抽象理解, 常識, 自理,表達,社交......來評估你的小朋友是否OK

psv

唔該哂！

yauman76

係咪入不同類別(私立/官津/特殊)的小一都要做智能評估?

pocoyo123

不是每個小朋友也做評估, 是一些由細個發現有特殊問題的小孩子, 而CAC果邊先會在小一前做個智能評估, 因為所有小孩要足5歲以上, 先有能力做智能評估, 5歲以下發現任何問題都係懷疑傾向, 做評估亦是CONFIRM小孩的智能是否可入主流小學.

Capricorn2521

回復 pocoyo123 的帖子

我個仔剛5歲，我剛致電CAC問幾時要做IQ Test，對方回覆冇咁快，出年9月前 ﹐總之入小一之前......。

本來我想做完個test可以參考吓專家意見，要吾要repeat及安排入小一事宜，依家睇怕都不用了，都係問返老師啦.....。

psv

我小朋友四歲幾，由於要申請國際學校，所以對方要求要交埋IQ test report, 咁佢未夠五歲，會唔會更唔準？如做嘅流程一樣，咁結果又會唔會顯得能力低咗呢？(四歲同五歲各方面能力點都有唔同掛，但做同一套test咁咪低分咗囉???)

pollybell

私人做同CAC做既模式絕對不一樣,私家既IQ TEST,唔會好似上面位媽咪所講要寫字,自理,社交,唔會TEST ,呢些野,IS,睇結果唔係只係分數,係睇個評估內容,其實私人既IQ TEST三歲都做得只不過時間上,同一問題5歲要一分鐘答完,4歲可能有兩分鐘,所以用同一個工具,問題一樣但時間就有分別.如果你搵私人,最好搵些熟識你小朋友類別既心理學家做,分別可以好大,心理學家既背景要睇清楚,問下多些人意見......我知好多小朋友做完個報告比預期差,不能反應小朋友既能力,父母會再搵第二個再做一份,有些心理學家做自閉既報告比較差,但做智障就寫得好好,所以你明白佢地既背景邊個對你小朋友有利就搵邊個做.

fatpam

私人邊個做自閉小朋友較中肯同準確，急想知道。
請各位pm我，謝謝

psv

唉，咁即係話同一套工具、同一個test、大家都係心理學家，但唔同人，就會有唔同結果，真係又唔準，更唔公平，又無準則，真係唔知發明呢d嘢嚟做乜，可憐嘅係，做得比預期差時，害到人哋有主流都讀唔成！真係無稽！

pollybell

你唔可以咁睇,全世界任何事都有一套標準去規範,無絕對公平唔公平,考試都唔公平啦,IQ TEST有過100年歷史,唔好咁悲觀,唔係一個REPORT定生死,重有學校REPORT,其他REPORT去SUPPORT........去反映小朋友情況,再有INTERVIEW會再睇,其實呢個REPORT唔好睇得太重要.

psv

只係有感而發，喺小朋友嚟講，從來無公平呢兩個字出現過，如果唔係，佢哋就唔駛窮一生嘅努力，都未必能夠得到人哋與生俱來的能力，路比人難行，就連所謂歷史悠久嘅測試，都俾唔到公正嘅結論，就算好多嘢都做到，又有咩用？答案係:「你過咗時兩秒，所以你嘅得分顯示咗你變成智障！」真係可笑！

mysunson

我想問大家協康的心理學家做智能評估和自閉評估是否都不讓家長在埸？因為之前在CAC做是可以陪的，CAC 評估結果正常，但他退縮持續，所以帶他去協康見心理學家，心理學家說要再評估，怕CAC評錯，由於兒子在陌生人前不願答問題，那怎評估
义

12312

政府六y前的評估好多時是医生做的（家長可以看），但小一政府心里學家的，坊間心里學家的評估过程是家長不能看。（心理學家找家長陪小朋友陪同TEST會扣分）

psv

有機會結論係：小朋友對住陌生人及陌生環境，有家長陪下表現到，智力可能係正常；否則，無人陪、慢熱、唔合作、醫生無耐性，咁個小朋友就變成智障，可笑嗎？公平嗎？真正反映智力嗎？做阿媽嘅，無耐嗎？